ሜኬል አርቴታ በወይራ ዛፍ ምን አስተማሩ ?

ስፔናዊው የአርሰናል ዋና አሰልጣኝ ሚኬል አርቴታ በትውልድ መንደራቸው ስፔን ውስጥ የወይራ ዛፎች አሏቸው።

ሚኬል አርቴታ አርሰናልን ሲረከቡ ክለቡ በጥሩ መንገድ ላይ እየተጓዘ ባለመሆኑ የተለያዩ ነገሮችን አስበው እንደነበር ተገልጿል።

አርቴታ በወቅቱ ቃል ከመግባት ይልቅ በጠንካራ ስራ ትልቅ ነገር መገንባት እንደሚቻል ማሳየት ፈልገው ነበር።

ለዚህም እቅዳቸው አርቴታ ከአርሰናል እኩል 140 አመት እድሜ ያለው የወይራ ዛፋቸውን ከስፔን አምጥተው ቢሯቸው ፊት መትከላቸው ተነግሯል።

የአርሰናል አትክልተኛ ረጅም እድሜ ያለው ዛፍ ቦታ መቀየር ሊያጠፋው ይችላል የሚል ስጋቱን ገልፆላቸው ነበር።

ይሁን እንጂ ሚኬል አርቴታ በራሳቸው ዛፉን ዕለት ተዕለት መንከባከባቸው ተገልጿል።

ሚኬል አርቴታ የወይራ ዛፉን ስኬት በትዕግሥት እና ለጥቃቅን ነገሮች ትኩረት በመስጠት እንደሚመጣ ማስተማሪያነት መጠቀማቸው ተነግሯል።

@tikvahethsport      kidusyoftahe

(ዘ-ሐበሻ ዜና ትንታኔ) እስራኤል በታሪኳ አይታው የማታውቀውንና የመካከለኛው ምስራቅን ፖለቲካዊ መልክ የቀየረውን የሀማስን የ'ኦክቶበር 7' ድንገተኛ ጥቃት ተከትሎ፤ የእስራኤል የፖለቲካ አመራሮች ከጥቃቱ ጥቂት ቀናት በፊት ከግብጽ የስለላ ተቋም የተሰጣቸውን ጥብቅ ማስጠንቀቂያ በቸልታ ማለፋቸውን አንድ አዲስ ሪፖርት አጋለጠ።

ታዋቂው 'ዋል ስትሪት ጆርናል' ስማቸው ያልተጠቀሰ አረብ ባለስልጣናትን ዋቢ አድርጎ ባወጣው ሰፊ የምርመራ ዘገባ፣ የግብጽ የስለላ ተቋም አዛዥ አባስ ካሜል ሀማስ ጥቃት ከመክፈቱ ጥቂት ቀናት ቀደም ብሎ ለእስራኤሉ ጠቅላይ ሚኒስትር ቤንጃሚን ኔታንያሁ በቀጥታ ስልክ በመደወል አደጋው አፋፍ ላይ መድረሱን አሳውቀው ነበር።

እንደ ዘገባው ከሆነ፣ ይህ ለእስራኤል የተሰጠ የመጀመሪያው ማስጠንቀቂያ አልነበረም። የግብጽ ባለስልጣናት ገና በሰኔ 2023 በጋዛ ያለው ሁኔታ እጅግ አደገኛና ተለዋዋጭ መሆኑን በመጥቀስ፣ እስራኤል ከሀማስ ጋር የእስረኞች ልውውጥ ድርድር እንድትጀምር መክረው ነበር። ሁኔታው እየከፋ ሲመጣ በመስከረም ወር አባስ ካሜል በአካል እስራኤል ድረስ በመጓዝ፣ "በጋዛ ያለው ሁኔታ እጅግ አስከፊ ነው፤ በማንኛውም ሰዓት የሁሉንም ፊት ሊያጠፋ በሚችል መልኩ ሊፈነዳ ይችላል" የሚል ጥብቅ መልዕክት አስተላልፈው ነበር።

ሆኖም የእስራኤል ባለስልጣናት "ሁኔታው በቁጥጥር ስር ነው" በማለት የግብጽን ስጋት አጣጥለውታል። ይህ የባለስልጣናቱ ንቀት አባስ ካሜል በጥቅምት ወር ከጥቃቱ 48 ሰዓታት በፊት ለኔታንያሁ ቢሮ በድጋሚ ስልክ እንዲደውሉ አስገድዷቸዋል።

ከግብጽ በተጨማሪ፣ የተባበሩት አረብ ኤምሬትስ መሪ መሐመድ ቢን ዛይድ በመስከረም ወር ለኔታንያሁ ደውለው የሀማስን ጥቃት አመላካች መረጃዎች ማጋራታቸውን ጆርናሉ አክሎ አጋልጧል። ጠቅላይ ሚኒስትር ኔታንያሁ በበኩላቸው፣ ከጥቃቱ በፊት ከካሜል ጋር መነጋገራቸውን አስተባብለዋል። የጠቅላይ ሚኒስትሩ ጽህፈት ቤትም ሆነ የግብጽ እና የኤምሬትስ የውጭ ጉዳይ ሚኒስቴሮች ለዘገባው አስተያየት ከመስጠት ተቆጥበዋል።

ይህ ሪፖርት እስራኤል ለዓመታት ስትገነባው የኖረችውን "የማይበገር የደህንነት እና የስለላ አቅም" ትርክት ክፉኛ የሚፈታተን ሆኗል። ክስተቱ በግልጽ እንደሚያሳየው፣ የጥቅምት 7ቱ ጥቃት የቴክኖሎጂ ወይም የስለላ መዋቅር ውድቀት ሳይሆን፣ የፖለቲካ አመራሩ ከልክ ያለፈ በራስ መተማመንና ንቀት ያመጣው ታሪካዊ ስህተት ነው።

የጥቃቱን ትክክለኛ ቀን እና መጠን የሚገልጽ ዝርዝር መረጃ ባይኖርም፣ የራስን ኃይል አግዝፎ የተቃራኒን አቅም አሳንሶ መመልከት በደህንነት ዓለም ውስጥ ዋጋው እጅግ ውድ መሆኑን የኔታንያሁ አስተዳደር ቸልተኝነት አሳይቷል። መሪዎች ከትዕቢት ወርደው እውነታውን ለመጋፈጥ ፈቃደኛ ካልሆኑ፣ የዓለም ምርጡ የስለላ መዋቅር እንኳን ከጥፋት ሊያድናቸው እንደማይችል፤ አሁንም ድረስ በሺዎች የሚቆጠሩ ሰዎችን ህይወት እየቀጠፈ ያለው አውዳሚ ጦርነት ህያው ምስክር ነው።







(ዘ-ሐበሻ ዜና ትንታኔ) እስራኤል በታሪኳ አይታው የማታውቀውንና የመካከለኛው ምስራቅን ፖለቲካዊ መልክ የቀየረውን የሀማስን የ'ኦክቶበር 7' ድንገተኛ ጥቃት ተከትሎ፤ የእስራኤል የፖለቲካ አመራሮች ከጥቃቱ ጥቂት ቀናት በፊት ከግብጽ የስለላ ተቋም የተሰጣቸውን ጥብቅ ማስጠንቀቂያ በቸልታ ማለፋቸውን አንድ አዲስ ሪፖርት አጋለጠ።

ታዋቂው 'ዋል ስትሪት ጆርናል' ስማቸው ያልተጠቀሰ አረብ ባለስልጣናትን ዋቢ አድርጎ ባወጣው ሰፊ የምርመራ ዘገባ፣ የግብጽ የስለላ ተቋም አዛዥ አባስ ካሜል ሀማስ ጥቃት ከመክፈቱ ጥቂት ቀናት ቀደም ብሎ ለእስራኤሉ ጠቅላይ ሚኒስትር ቤንጃሚን ኔታንያሁ በቀጥታ ስልክ በመደወል አደጋው አፋፍ ላይ መድረሱን አሳውቀው ነበር።

እንደ ዘገባው ከሆነ፣ ይህ ለእስራኤል የተሰጠ የመጀመሪያው ማስጠንቀቂያ አልነበረም። የግብጽ ባለስልጣናት ገና በሰኔ 2023 በጋዛ ያለው ሁኔታ እጅግ አደገኛና ተለዋዋጭ መሆኑን በመጥቀስ፣ እስራኤል ከሀማስ ጋር የእስረኞች ልውውጥ ድርድር እንድትጀምር መክረው ነበር። ሁኔታው እየከፋ ሲመጣ በመስከረም ወር አባስ ካሜል በአካል እስራኤል ድረስ በመጓዝ፣ "በጋዛ ያለው ሁኔታ እጅግ አስከፊ ነው፤ በማንኛውም ሰዓት የሁሉንም ፊት ሊያጠፋ በሚችል መልኩ ሊፈነዳ ይችላል" የሚል ጥብቅ መልዕክት አስተላልፈው ነበር።

ሆኖም የእስራኤል ባለስልጣናት "ሁኔታው በቁጥጥር ስር ነው" በማለት የግብጽን ስጋት አጣጥለውታል። ይህ የባለስልጣናቱ ንቀት አባስ ካሜል በጥቅምት ወር ከጥቃቱ 48 ሰዓታት በፊት ለኔታንያሁ ቢሮ በድጋሚ ስልክ እንዲደውሉ አስገድዷቸዋል።

ከግብጽ በተጨማሪ፣ የተባበሩት አረብ ኤምሬትስ መሪ መሐመድ ቢን ዛይድ በመስከረም ወር ለኔታንያሁ ደውለው የሀማስን ጥቃት አመላካች መረጃዎች ማጋራታቸውን ጆርናሉ አክሎ አጋልጧል። ጠቅላይ ሚኒስትር ኔታንያሁ በበኩላቸው፣ ከጥቃቱ በፊት ከካሜል ጋር መነጋገራቸውን አስተባብለዋል። የጠቅላይ ሚኒስትሩ ጽህፈት ቤትም ሆነ የግብጽ እና የኤምሬትስ የውጭ ጉዳይ ሚኒስቴሮች ለዘገባው አስተያየት ከመስጠት ተቆጥበዋል።

ይህ ሪፖርት እስራኤል ለዓመታት ስትገነባው የኖረችውን "የማይበገር የደህንነት እና የስለላ አቅም" ትርክት ክፉኛ የሚፈታተን ሆኗል። ክስተቱ በግልጽ እንደሚያሳየው፣ የጥቅምት 7ቱ ጥቃት የቴክኖሎጂ ወይም የስለላ መዋቅር ውድቀት ሳይሆን፣ የፖለቲካ አመራሩ ከልክ ያለፈ በራስ መተማመንና ንቀት ያመጣው ታሪካዊ ስህተት ነው።

የጥቃቱን ትክክለኛ ቀን እና መጠን የሚገልጽ ዝርዝር መረጃ ባይኖርም፣ የራስን ኃይል አግዝፎ የተቃራኒን አቅም አሳንሶ መመልከት በደህንነት ዓለም ውስጥ ዋጋው እጅግ ውድ መሆኑን የኔታንያሁ አስተዳደር ቸልተኝነት አሳይቷል። መሪዎች ከትዕቢት ወርደው እውነታውን ለመጋፈጥ ፈቃደኛ ካልሆኑ፣ የዓለም ምርጡ የስለላ መዋቅር እንኳን ከጥፋት ሊያድናቸው እንደማይችል፤ አሁንም ድረስ በሺዎች የሚቆጠሩ ሰዎችን ህይወት እየቀጠፈ ያለው አውዳሚ ጦርነት ህያው ምስክር ነው።

“ የጋርዲዮላ አሻራ ሊጠፋ ይችላል ” ሽያን ዳይክ

አሰልጣኝ ሽያን ዳይክ ማንችስተር ሲቲ ጥፋተኛ መባሉ የፔፕ ጋርዲዮላን የስኬት አሻራ ሊያጠፋ እንደሚችል ገልጸዋል።

“ ፔፕ ጋርዲዮላን ተጠያቂ የሚያደርግ ሰው ይኖራል ብዬ አላስብም “ ያሉት ሽያን ዳይክ “ እሱ የስምምነቶች አካል አልነበረም ” ብለዋል።

አክለውም “ እሱ የተጠየቀው የተኛውን ተጨዋች እንደሚፈልግ ነው ተጨዋቾቹም ስራቸውን ብቻ ነው የሰሩት “ ሲሉ ገልጸዋል።

“ የጋርዲዮላ ወርቃማ ታሪክ ሊበላሽ ይችላል ወይ ካልን ግን ምናልባት አዎ “ ሲሉ አሰልጣኙ ተናግረዋል።

@tikvahethsport      kidusyoftahe

(ዘ-ሐበሻ ዜና) የአሜሪካው ፕሬዝዳንት ዶናልድ ትራምፕ አርቴፊሻል ኢንተለጀንስ (AI) የሰው ልጅን ህልውና ሊያጠፋ ይችላል በሚል የቴክኖሎጂው ዘርፍ መሪዎች የሚያቀርቡትን ሥጋት "በአክራሪ ዴሞክራቶች የሚራገብ የፈጠራ ወሬ" ሲሉ አጣጥለውታል። ትራምፕ ይህንን ያሉት፣ በዘርፉ ግዙፍ ከሚባሉት ተቋማት የተሰማውን ከባድ ማስጠንቀቂያ ውድቅ ባደረጉበት ወቅት ነው።

የአርቴፊሻል ኢንተለጀንስ የደህንነት ጉዳይ ዳግም አነጋጋሪ የሆነው ባለፈው ሳምንት መጨረሻ ላይ የ'አንትሮፒክ' ኩባንያ ዋና ሥራ አስፈጻሚ ዳሪዮ አሞዴይ የቴክኖሎጂውን አደጋ ለመገምገም ጊዜ እንዲሰጥ እና ልማቱ እንዲገታ የሚጠይቅ ጽሑፍ ማውጣታቸውን ተከትሎ ነው። ይህንን ጥሪ የቻት ጂፒቲ ፈጣሪ የሆነው የ'ኦፕን ኤአይ' ኃላፊ ሳም አልትማን እና የ'ግሮክ' ቻትቦት ባለቤት የሆነው ኢሎን ማስክ ጭምር ደግፈውታል። ዳሪዮ በጽሑፋቸው ላይ ቴክኖሎጂው ራሱን በራሱ የማሳደግ አቅሙ በመጨመሩ ከክረምቱ ጀምሮ "በአስደንጋጭ ፍጥነት" እያደገ መሆኑን እና በቅርቡም የኦፕን ኤአይ ሲስተሞች ያለምንም ትዕዛዝ የውጭ መረቦችን ሰብረው መግባታቸውን እንደ ከባድ ማሳያ ጠቅሰዋል።

ይሁንና ፕሬዝዳንት ትራምፕ ሰኞ ዕለት በ'ትሩዝ ሶሻል' ገጻቸው ላይ ባሰፈሩት ተከታታይ መልዕክት፣ ይህ ሥጋት "ተስፋ በማይቆርጡ ነገር ግን ብዙም በማያሸንፉ የግራ ዘመም ዴሞክራቶች" የሚሰራጭ የፖለቲካ ሴራ ነው ብለዋል። ከቻይና ጋር ያለውን የቴክኖሎጂ ፉክክር ያስታወሱት ትራምፕ፣ አርቴፊሻል ኢንተለጀንስን እና የዳታ ማዕከላትን "በታሪክ ታይቶ የማይታወቅ የኢኮኖሚ ልማት ሞተር" ሲሉ አወድሰዋቸዋል።

አክለውም "እኔ የፈጠራ ወሬዎችን አክሻፊ ነኝ፤ ኤአይ (AI) ዓለምን ያጠፋል፣ ሮቦቶችም ከተሞቻችንን ይወርራሉ የሚባለው፣ የአየር ንብረት ለውጥ ዓለምን ያጠፋታል እንደተባለው ዓይነት የውሸት ትርክት ነው" ሲሉ ቴክኖሎጂው በዘመናቸው እንደማይገታ አጽንኦት ሰጥተዋል። ይህንን የኤአይ (AI) ሥጋትም እ.ኤ.አ. በ2016ቱ ምርጫ ላይ ሩሲያ ጣልቃ ገብታለች ከተባለበት የፖለቲካ ውንጀላ ጋር አነጻጽረውታል።

የአርቴፊሻል ኢንተለጀንስ (AI) ደህንነት ጉዳይ ከሳይንሳዊ ሥጋትነት አልፎ የፖለቲካ እና የጂኦ-ፖለቲካ ፉክክር ማዕከል እየሆነ መምጣቱን እንገነዘባለን። ቴክኖሎጂውን የፈጠሩት ጠበብት "ከቁጥጥር ውጭ እየሆነብን ስለሆነ ረጋ እንበል" ሲሉ ፖለቲከኞች ደግሞ "ከቻይና ወደኋላ መቅረት የለብንም፤ የኢኮኖሚያችን ሞተር ነው" በማለት የባለሙያዎቹን ሥጋት በፖለቲካ መነጽር እያጣጣሉት ይገኛሉ። የደህንነት ጥንቃቄን ወደ ጎን በመተው ለኢኮኖሚ እና ለዓለም አቀፍ የበላይነት ሲባል ብቻ ቴክኖሎጂውን ያለገደብ መልቀቅ፣ አሜሪካን ብቻ ሳይሆን መላውን የዓለም ሕዝብ ላልተጠበቀ አደጋ ሊያጋልጥ የሚችል ከባድ የታሪክ አጋጣሚ ላይ መሆናችንን ያሳያል።

እናንተስ በማንኛው ሀሳብ ትስማማላችሁ?

AI የሰውን ልጅ ሊያጠፋ ይችላል‼️
ከፍተኛ አቅም ያለው ሰው ሰራሽ አስተውሎት (#ai) ከሰው ልጅ አቅም በላይ ከደረሰና በቂ ቁጥጥር ካልተደረገበት ለሰው ልጅ ህልውና ከባድ አደጋ ሊሆን እንደሚችል የAI ተመራማሪዎችና የቴክኖሎጂ ባለሙያዎች እያስጠነቀቁ ነው።

#በአሜሪካዊው የAI ኩባንያ Anthropic የሚሰሩ ተመራማሪዎች ኃይለኛ AI በዚህ አስር ዓመት ውስጥ ለሰው ልጅ ህልውና አደጋ ሊሆን እንደሚችል ገልጸዋል።

ከኩባንያው የለቀቀው ጃኮብ ኮክሰን የተባለ ተመራማሪ፣ AI እስከ 2030 መጨረሻ ድረስ የሰው ልጅን ሙሉ በሙሉ ሊያጠፋ/ሊገድል የሚችልበት #እድል እንዳለ ሲገልጽ፣ አንድ የአሁኑ የAnthropic ተመራማሪም የዚህ አደጋ ዕድል ከ10 በመቶ በላይ ሊሆን እንደሚችል ጠቅሷል።

እንደ የAI ተመራማሪዎቹ ገለጻ፣ እጅግ የላቀ AI ከሰው ልጅ ጥቅም ጋር ተጣጥሞ እንዲሰራ የሚያረጋግጥ በቂ #የደህንነት ዕቅድ አሁን የለም።

ይህ ስጋት #በብሪታንያ ፓርላማም ተነስቷል። የቀድሞ የመከላከያ ሚኒስትር ዴዝ ብራውን እና የኮምፒውተር ሳይንስ ተመራማሪው ፕሮፌሰር ስቱዋርት ራሰል፣ እጅግ የላቀ AI ከኑክሌር መሣሪያዎች ጋር ተመጣጣኝ ወይም ከዚያ የሚበልጥ ለሰው ልጅ ስጋት ሊሆን እንደሚችል አስጠንቅቀዋል።

ሆኖም ሁሉም ባለሙያዎች በዚህ ላይ አይስማሙም። የAI እና ማኅበረሰብ ባለሙያ ፕሮፌሰር ኬት ዴቭሊን እንደሚሉት፣ " AI የሰው ልጅን #ሊያጠፋ ይችላል " የሚለው ትንበያ የተረጋገጠ እውነታ ሳይሆን የአደጋ ግምት ነው።

በአሁኑ ወቅት እጅግ የላቀ " ሱፐር ኢንተሊጀንት " AI እንደሌለን እና መቼ እንደሚኖርም በትክክል መተንበይ እንደማይቻል ገልጸዋል።

ባለሙያዎች ግን AI የሚያስከትለው አደጋ የሰውን ልጅ ሙሉ በሙሉ መጥፋት #ብቻ እንዳልሆነ ያስረዳሉ።

#የAI ስርዓቶች ለጎጂ ዓላማዎች መጠቀም፣ ሳይበር ጥቃት ማድረስ ወይም በሰው ስህተት አደገኛ ስርዓቶችን መቆጣጠር ከሚጠቀሱት አደጋዎች መካከል ናቸው።

በተጨማሪም የሐሰት መረጃ መስፋፋት፣ ሰው የሚሰራባቸውን ቦታዎች መተካት ፣ የግል መረጃ ደህንነት ስጋት እና AI ለማስኬድ የሚያስፈልገው ከፍተኛ ኃይል አሁኑ ወቅት እየታዩ ያሉ ችግሮችና ስጋቶች መሆናቸው ተጠቁሟል።

አሁን ላይ " AI የሰው ልጅን ያጠፋል ወይ ? " ከሚለው ጥያቄ ባሻገር፣ እጅግ ኃይለኛ AI ከተፈጠረ በኋላ በሰው ልጅ ጥቅም ላይ እንዲውል ምን ዓይነት ቁጥጥር፣ ሕግና የደህንነት ሥርዓት መዘርጋት አለበት ? የሚለው አሳሳቢ ጉዳይ ነው።
ዘጋርዲያን

Seledadotio
Seledadotio

የምንመካከረው በብሔራዊ መግባባት አገርን ለማጽናት እንጂ የቡድን የበላይነትን ለማንበርና ሌላ አዲስ የእርስ በእርስ ጦርነት ለማዋለድ አይደለም!

በሀገራዊ ምክክሩ ሂደት ዙሪያ ከእናት ፓርቲ የተሰጠ የአቋም መግለጫ

ኢትዮጵያ ሀገራችን እያለፈችበት ያለውን ዘርፈ ብዙ ችግሮች ለመፍታት በምክክር ብሔራዊ መግባባት በመፍጠር አገር ልትጸና ይገባል በሚል ጽኑ እምነት ፓርቲያችን የበኩሉን ድርሻ ለመወጣት ያላሰለሰ ጥረት አድርጓል። በአገራዊ ምክክር ኮሚሽን ምሥረታው፣ በኮሚሽነሮች አመራረጥና በኮሚሽኑ የአሠራር ሂደት፣ የአካታችነት ችግሮች፣ እየተካሄዱ ያሉ ጦርነቶች በሚያሳድሩት አሉታዊ ተጽዕኖና መሰል አስቻይ ባልሆኑ ሁኔታዎች ላይ ጠንካራ ሀሳቦችንና የመፍትሔ ጥቆማዎችን ፓርቲያችን ሲያቀርብ መቆየቱም ይታወቃል። ፓርቲያችን በምክክሩ ሂደት እና ከምክክሩ አስቀድሞ ስኬታማ ምክክር ለማካሄድ ሊተገበሩ ይገባቸዋል ብሎ የሚያምንባቸውን ሃሳቦችና ቅድመ ሁኔታዎች በግልጽ አስቀምጦ ያለመታከት ሲያሳስብ የቆየ ቢሆንም ሰሚ ጆሮ በመጥፋቱ አገር ባለችበት ሁኔታ ወደ ምክክር እንድትገባ ተደርጓል። እናት ፓርቲ ይህን በትክክለኛው ጎዳና ተጉዞ በስኬታማ መልኩ ሊጠናቀቅ ቢችል የአገራችን መፃኢ ጉዞ ላይ ትልቅ ምዕራፍ ሊከፍት የሚችልን ሂደት ቅድመ ሁኔታዎች ስላልተሟሉ በማለት በቸልታ ሊመለከተው ያልፈለገ ሲሆን ይልቁን ሂደቱ ውስጥ በማሳተፍ ትክክለኛነቱን ካረጋገጠ ለአገር የሚበጁ ሀሳቦችን በማንሳት ለመሞገት ብሎም በተመካካሪዎች ዘንድ ተቀባይነት እንዲያገኝ በማድረግ በጎ ተጽዕኖ መፍጠርን በማሰብ በምክክሩ እየተሳተፈ ይገኛል።

አገር የገባችበት ችግር ከምንጊዜውም ይልቅ በተወሳሰበበት ሁኔታ ውስጥ የምክክሩ ሂደት ከነችግሮቹ እያነከሰ ሐምሌ 8 ቀን 2018 ዓ.ም ጀምሮ እየተካሄደ ያለው ሀገራዊ ምክክር ወደ መጨረሻው ምዕራፍ እየተሸጋገረ ያለ ቢሆንም በሂደቱ የጎሉ ችግሮች እየተስተዋሉበት ይገኛል። ለአብነትም በወረዳ ደረጃ ተደረጉ ከተባሉ ምክክሮች ጀምሮ የምክክር ተሳታፊዎች የገዥው ፓርቲ አባላት እና የሥርዓቱ ደጋፊዎች መሆናቸው ሲገለጽ የነበረ ሲሆን በአገር አቀፍ ደረጃ እየተደረገ ባለው በዚህ ምክክርም አብላጫውን ቁጥር የሚይዙ ተሳታፊዎች የገዥው ፓርቲ አባላት እና ደጋፊዎች መሆናቸውን መረዳት ችለናል። በምክክሩ ሂደት ድምጾች እንዳይሰሙ መገደብ፣ የአካታችነት ችግሮች፣ የተሳታፊዎች ምርጫና ምደባ፣ የፍትሓዊነት፣ የገለልተኝነት፣ የግልጽነት ማነስ፣ በጸጥታ አካላት ታጅቦ መወያየት፣ የውይይት ተሳትፎውን ለማጥበብ ከውስጥና ከውጭ የሚደረጉ ጫናና ወከባዎች፣ የምክክሩ አጠቃላይ ወለል ወይም ቀይ መሥመር ያለመኖር እና የመሳሰሉ ጉልህ ችግሮች የተስተዋሉበትን እውነታ ታዝበናል።

ምክክሩ ኢትዮጵያን ለማጽናት ሳይሆን እንዳለፈው ጊዜ ስሑት ትርክትና ሕገ መንግሥታዊ መሠረት ያለው የጨቋኝ ተጨቋኝ ትርክት ብሎም ሁሉ ለእኔ ብቻ ፍላጎት በአጠቃላይ ኢትዮጵያን አንደ ሀገር እና ዋና መገለጫ ጌጦቿን ኹሉ ለድርድር ያቀረበ ነው ቢባል ማጋነን አይሆንም። በዚኽም የምክክሩን ፍትሓዊነትና ቅቡልነት ጥያቄ ውስጥ የሚያስገባ ሆኖ አግኝተነዋል። ይኽ ደግሞ ፓርቲያችንና ሌሎች ተሳታፊዎች ከሂደቱ ራሳቸውን እንዲያገሉ እያስገደደ ይገኛል።

ምክክር የቅንጦት ጊዜ ኹነት ሳይኾን የቀውስ ጊዜ መፍትሔ ማመንጫ ውጥን ነው። ቀዳሚው ዘርና ጎሳ ላይ የተመሠረተው ፌዴራሊዝም ሀገራችንን ሊያጠፋት ከጫፍ ደርሶ እያለ ይህን ያፈጠጠ አደጋ ሊያስቀር ወይም ሊያለዝብ የሚችል መፍትሔ ይጠበቅ የነበረ ቢሆንም ምልክቱ እንኳ አለመታየቱ እጅግ የሚያስቆጭ ነው። እንዲያውም ገና ምክክሩ ሳይጠናቀቅ አንዳንድ ክልሎችን በስም ተጠርተው ሌላ ክልል ለማዋለድ ምክረ ሀሳብ ሲነሳ ብቻ በደስታ ይጨበጨባል፤ ሌላው ደግሞ ማን ነክቶን እያለ በማን አለብኝነት መግለጫ ይሰጣል። ይህም በዘርና በጎሳ ላይ የተመሠረተ ፖለቲካ ለሀገር አንድነትና ሕልውና ሥጋት መሆኑን አንዱ ማሳያ ነበር። በሌላ በኩል ይህ ምክክር እየተካሄደ ባለበት በአሁኑ ወቅት ቢያንስ ሦስት ክልሎች ላይ ጦርነቶች እየተካሄዱ ነው፤ ሌላውም መጣሁ እያለ ነው። የርስ በርስ ጦርነቱን ጉዳይ ብልጽግናን ጨምሮ ሁሉም ተዋጊ ኃይሎች ወደ ድርድር እንዲመጡ እውነተኛ፣ ጥልቅ ውይይትና ደፋር ምክረ ሀሳብ ይፈልግ የነበረ ቢሆንም ሂደቱ ግን እከከኝ ልከክህ ሆኖ የአንድን ወገን ጥቅምና ፍላጎት ለማስጠበቅ ቀድሞ የተወሰነን ውሳኔ በሀገራዊ ምክክር ስም ቅቡልነት እንዲኖረው ለማድረግ እየተከናወነ ነው። የታሪክና የትርክት መፋለሶች በናኙበት በዚህ ዘመን ቢያንስ እውነት አፈላላጊ ቡድኖችን አዋቅሮ ግማሽ መንገድ እንኳን ማቀራረብ ይገባ ነበር።

እነዚኽንና መሰል አንኳር ጉዳዮች እንጂ የኢትዮጵያ መሪ (ከፕሮቶኮል አንጻር ነው አመክንዮው) ጠቅላይ ሚንስትር ሳይሆን ፕሬዝዳንት መኾን ነው ያለበት ላይ አልነበረም የችግሮቹ ቋጠሮ ያለው። ዙሪያ ዙሪያዋን ሲሏት የነበረችውን አዲስ አበባ በወከባ ብዛት ለአንድ ቡድን ሆ ብሎ ለማሳቀፍና አዲስ የፀብ ግንባር ለመቀስቀስም አልነበረም ለምክክር የተቀመጥነው፡፡ ድሬዳዋ ከየት ወገን ትሑን የሚለው ሀገር ሊያፈርስ ደርሶም አልነበረም በሚሊዮን የሚቆጠር የሀገር ሀብት አባክነን ለምክክር የተቀመጥነው፡፡ በዓለም በልዩነት የምንታወቅበት ዘመን አቆጣጠር አሥሮ ይዞንም አልነበረም ምክክር ያስፈለገን፡፡ በአጠቃላይ የተጠቀሱና መሰል የተስተዋሉ ሳንካዎች ምክክሩ ከታለመለት ዓላማና በሀገሪቱ ያለውን ችግር ከሥሩ ከመፍታት ይልቅ ጠግኖ ለማስቀጠል፣ ለይምሰል የተደረገ፣ የአገዛዝ እና ቡድን(ኖች) ጠባብ ጊዜያዊ ፍላጎት ለማሳካት በሚመስል ሁኔታ እየተከናወነ እንዳለ ይሰማናል። በዚህም በመሠረታዊ የሀገር ሕልውና ጉዳዮች በዋናነት የርስ በርስ ጦርነትን በማስቆም፣ የዘርና ጎሳ ፌዴራሊዝምን ማስቀረት/ማለዘብ እንደ ዋና ግብ መያዝና መሰል የተጋረጡ ፈተናዎች በአግባቡ ተረድቶ እልባት የሚበጅበትን አቅጣጫ ሊያስቀምጥ ያልቻለ ሀገራዊ ምክክር ከመነሻው እንደከሸፈ ለመረዳት ነቢይ መሆን አይጠይቅም።

እናት ፓርቲ ከዚህ በመለስ ባሉ የምክክር አጀንዳዎች እና በምክክር ስም ተላለፉ በሚባሉ ስምምነቶች ላይ ፊርማውን የማያሰፍር መሆኑን ሕዝባችን እንዲያውቅ መልእክታችንን እናስተላልፋለን፡፡ በዚህም፤

1. ገዥው ፓርቲ በሀገራዊ ምክክሩ ስም ለማሳካት ከሚፈለግ ማንኛውም ፍላጎትና ሀገርን አስይዞ ከሚደረግ የፖለቲካ ቁማር እንዲታቀብ እናሳስባለን።

2. ተመካካሪዎች ለጊዜያዊ ጥቅምና የፖለቲካ ውሳኔዎች ሽፋን ከመስጠት እና በታሪክ ተወቃሽ ከሚያደርጉ ድርጊቶች በመቆጠብ ለሀገርና ለሕዝብ መቆምን በቀረችው አጭር ጊዜም ቢሆን በድፍረት እንዲያሳዩ በአክብሮት እንጠይቃለን።

3. ለመላው የኢትዮጵያ ሕዝብ ሀገራዊ ምክክሩ የጥቂት አካላትን ፍላጎት ማስፈጸሚያና ለአዲስ ቁርሾ የሚያዘጋጅ እንዳይሆን ሂደቱን በንቃትና በትኩረት እንዲከታተል እናሳስባለን።

ፈጣሪ አገራችን ኢትዮጵያንና ሕዝቧን ይጠብቅ!

እናት ፓርቲ
ነሐሴ ፮ ቀን ፳፻፲፰ ዓ.ም
አዲስ አበባ፣ ኢትዮጵያ

(ዘ-ሐበሻ ዜና) ከሱዳን እየተስፋፋ የመጣው የእርስ በርስ ግጭት በቀጠናው ላይ የደኅንነት ስጋት እያሳደረ ባለበት በአሁኑ ወቅት፣ ኢትዮጵያ በሀገሪቱ የሚገኙ ከአንድ ነጥብ አንድ ሚሊዮን በላይ ስደተኞችን ወደ ማኅበራዊና ኢኮኖሚው መዋቅር ለማዋሃድ የጀመረችው አዲስ ፕሮጀክት ለዓለም አቀፉ የስደተኞች ቀውስ እንደ አዲስ አርአያነት ያለው አማራጭ እየተጠቀሰ ይገኛል። ይሁን እንጂ ይህ ተስፋ ሰጪ እርምጃ እየተራመደ ያለው፣ በምዕራብ ኢትዮጵያ አሶሳ ከተማ አቅራቢያ በሚገኝ ወታደራዊ የጦር ሰፈር ውስጥ የሱዳኑ የፈጣን ድጋፍ ኃይሎች (RSF) ምስጢራዊ ማሰልጠኛ መክፈታቸውን ተከትሎ በስደተኞች ላይ ከፍተኛ ፍርሃትና ድንጋጤ በነገሰበት ማዕቀፍ ውስጥ መሆኑን የእንግሊዙ ዘ ጋርዲያን ጋዜታ ጋዜጠኛ ማርክ ታውንሰንድ ከአሶሳ የላከው ዘገባ ያመለክታል።

ከአሶሳ ወታደራዊ ካምፕ ጥቂት ርቀት ላይ በሚገኘው የኡራ ስደተኞች መጠለያ ውስጥ የሚኖሩ 14 ሺህ 500 የሚጠጉ የሱዳን ስደተኞች፣ ከአሰቃቂው የዳርፉር እና የካርቱም ጭፍጨፋ አምልጠው የመጡ ቢሆንም፣ አሁን ደግሞ የሕዋሃት/አር ኤስ ኤፍ ታጣቂዎች በአቅራቢያቸው መገኘታቸው በኢትዮጵያ ምድር ውስጥ ጭምር ሊያድኑንና የባለስልጣናትን የግድያ ዝርዝር ሊያዘጋጁ ይችላሉ በሚል ታላቅ ስጋት ውስጥ ወድቀዋል።

ይህ በእንዲህ እንዳለ ጠቅላይ ሚኒስትር ዐቢይ አሕመድ በቅርቡ የተካሄደውን አጠቃላይ ምርጫ በድጋሚ ማሸነፋቸውን ተከትሎ፣ የፖለቲካ እና የደኅንነት ተንታኞች የሀገሪቱን የወደፊት ዕጣ ፈንታ በከፍተኛ ጥንቃቄ እየተከታተሉት ይገኛሉ። አንዳንድ ምሁራን አዲሱ የሥልጣን ዘመን አዳዲስ የውስጥና የውጭ ግጭቶችን ሊያስተናግድ ይችላል የሚል ስጋት ያላቸው ሲሆን፣ በተለይም ኢትዮጵያ በጎረቤት ሱዳን ግጭት ውስጥ ልትገባ የምትችልበት ዕድል ቀውስ ሊፈጥር እንደሚችል ያስጠነቅቃሉ።

ይህ የጂኦ-ፖለቲካዊ ሽኩቻ የሱዳን መደበኛ ጦር፣ የኤርትራ ሰራዊት፣ የትግራይ አማፂያን እና የኢትዮጵያ ታሪካዊ ባላጋራ የሆነችው ግብፅን በአንድ ወገን አሰልፎ ኢትዮጵያን ሊገጥም የሚችልበትን እጅግ አደገኛና ሁለቱንም ወገኖች ሊያጠፋ የሚችል የክልላዊ ጦርነት ስጋት የደቀነ መሆኑን የገለጸው የዘጋርዲያን ዘገባ፣ ይህ ዓይነቱ መጠነ ሰፊ ውድመት ሊያስከትል የሚችለው ፍርሃት ራሱ በአካባቢው አዲስ ጦርነት እንዳይቀሰቀስ እገዳ ሆኗል የሚሉ ዲፕሎማቶች አሉ።

ነገር ግን ይህ ሁሉ ውጥረት ባለበት ሁኔታ የኢትዮጵያ መንግሥት ስደተኞችን በተመለከተ ፍጹም የተለየና ተራማጅ የሆነ ፖሊሲ ይዞ ብቅ ብሏል። መንግሥት በአዲስ አበባው ዓድዋ ድል መታሰቢያ ሙዚየም ባዘጋጀው ደማቅ ሥነ-ሥርዓት፣ “ማካተት” የተሰኘ አቅኚ ፕሮጀክትን በይፋ አስጀምሯል። ይህ ስትራቴጂ በአፍሪካ ካሉ ትላልቅ የስደተኞች ቁጥሮች አንዱ የሆነውን የሀገሪቱን ስደተኞች በረድኤት ድርጅቶች ዕርዳታ ላይ ጥገኛ ከማድረግ ይልቅ፣ ወደ ትምህርት፣ ጤና ጥበቃ እና የሥራ ገበታ እንዲገቡ በማድረግ የሀገሪቱ የኢኮኖሚና ማኅበራዊ አካል፣ እንዲሁም ግብር ከፋይ ነዋሪዎች እንዲሆኑ ታስቦ የተነደፈ ነው። ይህ አሠራር በአሁኑ ወቅት በአሜሪካና በአውሮፓ ከሚታየው ስደተኞችን የመግፋትና ፀረ-ስደተኛ አጀንዳ ፍጹም ተቃራኒ በመሆኑ፣ ለዓለም አቀፉ የስደት ቀውስ አዲስና ዘላቂ መፍትሔ ሊሆን እንደሚችል ባለሙያዎች ያምናሉ።

የተባበሩት መንግሥታት ድርጅት የስደተኞች ከፍተኛ ኮሚሽነር (UNHCR) አዲሱ መሪ እና የቀድሞው የኢራቅ ፕሬዝዳንት የነበሩት ባርሃም ሳሊህ፣ የኢትዮጵያን አካሄድ በዓለም ላይ በሚሊዮን የሚቆጠሩ ሰዎችን መፈናቀል ለመፍታት እስካሁን ከተደረጉት ሙከራዎች ሁሉ እጅግ ታላቅና ደፋር እርምጃ ሲሉ አሞካሽተውታል። እሳቸው ራሳቸው የቀድሞ ስደተኛ እንደመሆናቸው መጠን፣ በዓለም ዙሪያ ካሉ 41 ነጥብ 6 ሚሊዮን ስደተኞች መካከል 70 በመቶ ያህሉ ለዓመታት በአስቸጋሪ ሁኔታ ውስጥ ተዘግተው እንደሚገኙ ጠቅሰው፣ የሰብዓዊ ዕርዳታ ፈንድ በከፍተኛ ሁኔታ እየቀነሰ ባለበት በዚህ ዘመን ሰዎችን ዘላቂ ባልሆነ ዕርዳታ ላይ ብቻ ጥገኛ ማድረግ እንደማይቻል አስገንዝበዋል። በመሆኑም ምዕራባውያን አገራት ከዚህ ፖለቲካዊ የስደተኞች ጉዳይ ከመሸሽ ይልቅ፣ እንደ ኢትዮጵያ ዓይነት ስደተኞችን ራሳቸውን እንዲችሉ የሚያደርግ የአሠራር ዘይቤን መከተልና የስብአዊ መብት አቀራረባቸውን በድጋሚ መተርጎም እንዳለባቸው በጥብቅ አሳስበዋል።

እናታችን ቅድስት ኪዳነ ምህረት ከክፉ ነገር ሁሉ ትከልለን፤ ምልጃዋ እና ረድኤቷም አይለየን🙏

የመጀመሪያውና ታላቁ በደል ጥንተ አብሶ ሲሆን ቅዱስ ቄርሎስ “ጥንተ ኃጢአት” ቅዱስ ሳዊሮስና ቅዱስ ኤፍሬም “የቀደመው መርገም” ብለውታል። ሐዋርያው ቅዱስ ጳውሎስ “ከአዳም ጀምሮ እስከ ሙሴ የበደሉትንም ያልበደሉትንም ሞት ገዛቸው” እንዳለ ይህ የውርስ ኃጢአት ከአዳም ጀምሮ ከወላጅ ወደ ልጅ እየተላለፈ አዳምና ሔዋን ብቻ ሳይሆኑ ከእነርሱ የተወለዱ ልጆችና የልጅ ልጆቻቸው ሁሉ በደለኞች ሆኑ፡፡ የሰው ባሕርየ ጐሰቈለ፣ ኃጢአት ብዙዎችን አጠመደች፡፡ ስለዚህም ተላልፈው ለሞትና ለሲኦል ተሰጡ። ከዚህ ንጽህት ሆና የተገኘች ቅድስት ድንግል ማርያም ብቻ ናት፡፡ በኃጢትም ምክንያት በሰው ላይ ጸንቶ የነበረውን መርገም ሊያጠፋ ከሦስቱ አካላት አንዱ ወልድ ሰው ሆኖ በሚጸነስበት ልክና ሥርዓት ከንጽሕት ድንግል ማርያም ተወለደ። ለመወለዱ ዘርዕ ምክንያት አልሆነውም፤ በንጽሕና በቅድስና ጸንታ ከኖረች ከድንግል ያለአባት ተፀነሰ፤ ሕማም ድካም ሳያገኛት በሴቶች የሚደርሰውም ሳይደርስባት ተወለደ እንጂ።

ፍጹም ጌታ ፍጽምት በሆነች በእመቤታችን ማኅፀን አደረ፣ ቡሩክ አምላክ “ከሴቶች ይልቅ አንቺ ቡርክት ነሽ” ተብላ በመልአኩና በኤልሳቤጥ አንደበት ከተመሰገነች ከድንግል ተወለደ፤ ቡርክት ማኅፀን የቡሩክ አምላክ ማደሪያ ሆነች፡ ቅድስት ማኅፀን ቅዱስ ጌታን በሥጋ አስገኘች፤ ከመርገም በፊት ከነበረች ቡርክት ምድር አዳም ያለእናት ያለአባት ተፈጠረ፤ ዳግማይ አዳም ክርስቶስም ኃጢአተ አዳም ከሌለባት ቡርክት ማርያም ተወለደ፤ ከድንግል የተወለደ ጌታ ነውር ነቀፋ የሌለበት ንጹህ እንደሆነ፣ የወለደችው ድንግልም ነውር ነቀፋ የሌለባት ንጽህት ናት፤ እርሱ ለዘለዓለም ቅዱስ እንደሆነ እርሷም በጊዜ ሁሉ ቅድስት ናት፡፡ ቅዱስ ጎርጎርዮስ ዘኑሲስ በሃይማኖተ አበው 35÷12 “መጀመሪያ የሌለው እርሱ አደፍ ጉድፍ የሌለባት ንጽህት ከሆነች ከእመቤታችን ከድንግል ማርያም የነሣውን መገኛ ያለውን የሥጋ ባሕርይ ተዋሀደ” ይለናል፡፡

ሌላው ታላቅ አባት ቅዱስ ዲዮናስዮስ በዚሁ መጽሐፍ 101÷14 “አምላክን የወለደች አደፍ ጉድፍ የሌለባት ንጽህት በሆነች በድንግልማርያም ማኅፀን አደረ” መሆኗን ይነግረናል፡፡ ከድንግል የተወለደ ክርስቶስ ኢየሱስ በሰው የተፈረደውን መከራ ተቀብሎ ሰውን ለማዳን ሰው ቢሆንም ቅሉ ዕድፈት ርኲሰት ያላገኘው ንጹህ ቅዱስ እንደሆነ አምላክን የወለደች ቅድስት ድንግል ማርያምም እድፈት ርኲሰት የሌለባት ንጽህት ቅድስት መሆኗን እንረዳለን። በባሕርየ መለኮቱ ጽድቅ እንጂ ኃጢአት፣ ሕያውነት እንጂ መዋቲነት የማይስማማው አምላክ እናት ትሆነው ዘንድ ከሴቶች መካከል መርጦ፣ ትህትናን እንደ ዝናር አስታጥቆ፣ ንጽህናን እንደ አክሊል አቀዳጅቶ፣ ካዘጋጃት ከቅድስት እናቱ ነፍስና ሥጋን ነሣ፡፡

የነሣውንም ሥጋ በተዋህዶ ከባሕርየ መለኮቱ ጋር አንድ አደረገው። ሥጋን ተዋህዶ ስለተወለደ ግን በባሕርየ ሰብእ ፀንቶ የነበረ መርገመ ሥጋ አላገኘውም፤ ድንግልም ኃጢአተ አበው የሚቆራኘው ተራ ሰውን የወለደች አይደለችም፡፡ የዚህ ዓለም ርኲሰት እንዳያገኛት ከእናቷ ማኅፀን ጀምሮ መንፈስ ቅዱስ የጠበቃት ንጽህት እንደመሆኗ አንድ አካል አንድ ባሕርይ ሳለው ፍጹም አምላክ ፍጹም ሰው ተብሎ የሚመሰገን የቅድስናው መጠን የንጽህናው ልክ የማይሰፈር የማይለካ ፍጹም ጌታን ወለደች እንጂ። ይህን ንጽሕናዋን ቅድስናዋን ያመኑ ገዳማውያን አባቶችም በየዕለቱ ሰዓሊ ለነ ቅድስት ይሏታል፤ ልቡናቸው በጎ ነገርን ስለሷ ይናገራል፡፡ ገዳማቸውን በመደገፍ በዓታቸውን በማጽናት የረድኤታቸው ተሳታፊ እንሁን፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

(ከተዋሕዶ ወርልድ) የአርሲ ተራሮች ለዘመናት የሰላም፣ የግብርና እና የአብሮነት ምልክት ሆነው ኖረዋል። የጠዋቱ ጸሐይ ሲወጣ የከብቶች ጩኸት፣ የእረኞች ዜማ እና የቤተ ክርስቲያን የደወል ድምፅ ተቀናጅተው መንፈስን የሚያድስ ተስፋን ይሰጡ ነበር። ዛሬ ግን... ዛሬ ከእነዚህ ተራሮች ጀርባ የሚወጣው ጭስ የዕጣን አይደለም፤ የቃጠሎ ነው። ዛሬ የሚሰማው ድምፅ የዝማሬ ሳይሆን የእንባ እና የዋይታ ነው። ከግንቦት 23 ቀን 2018 ዓ.ም. ጀምሮ በአርሲ ሀገረ ስብከት በአሰኮ፣ በሺርካ እና በሆንቆሎ ዋቤ ወረዳዎች ላይ ያንዣበበው የሞት ጥላ፣ ንጹሐንን በግፍ ቀጥፏል፤ ታሪካዊ መቅደሶችንም ወደ አመድነት ቀይሯል።

ይህ የተዋህዶ ወርልድ ትንታኔ የቁጥሮች ድምር አይደለም፤ የ13 የከበሩ የሰው ልጆች ሕይወት መነጠቅ፣ የ101 ዓመት ታሪክ መቃጠል፣ እና የ280 ዜጎች በባዶ እጅ መሰደድ ታሪክ እንጂ። ይህ፣ ሃይማኖት እና ማንነትን መሠረት አድርጎ የሚፈጸም አክራሪነት የሰውን ልጅ ምን ያህል ወደ አውሬነት እንደሚቀይረው የሚያሳይ የዘመናችን ህያው ማሳያ ነው።

የጠላታ ቅዱስ ገብርኤል ቤተ ክርስቲያንን እናስበው። ለ101 ዓመታት ሙሉ፣ አባቶች እና እናቶች በደጃፉ ተንበርክከው ፈጣሪያቸውን ተማጽነዋል። በዚያ መቅደስ ውስጥ ስንቱ ተጠምቋል? ስንቱ ተክሊል አስሯል? ስንቱስ በጸሎት ተጽናንቷል? ከአንድ ምዕተ ዓመት በላይ የቆመው ይህ የጸጋ ቤት፣ የበርካታ ትውልዶች የእምነት ማህደር ነበር። ነገር ግን፣ ጥላቻ ታሪክን አያውቅም፤ ክፋት ቅድስናን አይረዳም። በአንድ ጀንበር፣ ያ ሁሉ ታሪክ፣ ያ ሁሉ የእንጨት ጠረንና የዕጣን መዓዛ፣ በጭካኔ እሳት ተበላ።

በሌላ በኩል ደግሞ የካራ ኩፍተና መድኃኔ ዓለም ቤተ ክርስቲያን ዕጣ ፈንታ ሌላ ልብ ሰባሪ ትዕይንት ነበር። ታጣቂዎች መቅደሱን ሲዘርፉ፣ አማኞች የራሳቸውን ሕይወት እና ንብረት ለማዳን አልተጣደፉም። ይልቁንም፣ መኖሪያ ቤታቸው እያዩት በእሳት ሲጋይ፣ የዕድሜ ልክ ጥሪታቸው፣ ከብቶቻቸውና ማሳቸው ሲዘረፍ፣ እነርሱ ግን ከሁሉ የሚያስበልጡትን የቤተ ክርስቲያኑን ጽላት (ታቦት) በደረታቸው አቅፈው በጨለማ ወደማያውቁት ስደት መጓዝን መረጡ።

ይህ ትዕይንት ወደ ኋላ መለስ ብለን የመጽሐፍ ቅዱስን ታሪክ እንድናስታውስ ያደርገናል። እስራኤላውያን ታቦተ ጽዮንን ተሸክመው በበረሃ እንደተጓዙት ሁሉ፣ የአርሲ ምእመናንም አምላካቸውን በደረታቸው አቅፈው መከራውን ተቀበሉ።

ሞት በቁጥር ሲገለጽ ስሜት አይሰጥም፤ ነገር ግን እያንዳንዱ ቁጥር ከጀርባው ቤተሰብ፣ ተስፋ እና ህልም አለው። በአጠቃላይ 13 ንጹሐን ኦርቶዶክሳውያን በግፍ ተገድለዋል።

የ80 ዓመቱን አቶ አማረ በላይነህን እንመልከት። እኚህ አረጋዊ በህይወት ዘመናቸው ስንት መንግስታትን አይተዋል? ስንት የሀገር መከራን አሳልፈዋል? በስተእርጅናቸው ዘመን ክፋት አላርፍ ብሎ አስጨናቂ ሞትን አመጣባቸው። የ70 ዓመት የዕድሜ ባለጸጋ የሆኑት አቶ ደምረው አበራ፣ አቶ ሐይሉ ንጉሴ እና አቶ ሰሙ አባይነህም እንዲሁ የዚህ ጭካኔ ሰለባ ሆነዋል። እነዚህ አባቶች ለሀገር ምርቃት እንጂ መርገም ያልነበሩ፣ በእምነታቸው ጸንተው የኖሩ የሰላም ሰዎች ነበሩ።

እንደነ እሸቴ ዳመና (42 ዓመት) እና አበባየሁ ዳኜ (42 ዓመት) ያሉ የጎልማሳነት ዘመናቸው ላይ የነበሩ አባወራዎች ሲገደሉ፣ ከጀርባቸው ስንት ቤተሰብ በትነው እንደሄዱ ማሰብ ያሳምማል። ገና ለሀገር እና ለወገን ይደርሳሉ የተባሉ ወጣቶችም የዚህ ጽዋ ቀማሾች ሆነዋል። ተሬ ደሴ (የ25 ዓመት ወጣት)፣ ገነነ ጥላሁን እና ሙርቴሳ ጥላሁን በሺርካ ወረዳ ሕልማቸው ተጨናግፎ፣ ደማቸው በመሬት ላይ ፈሷል።

አቶ ንጉሱ ማንደፍሮ፣ አቶ በቀለ ኃ/ሚካኤል፣ ከፈለኝ ልክየለው... እነዚህ ስሞች ዝም ብለው በወረቀት ላይ የሰፈሩ አይደሉም። እነዚህ አባቶች ያሏቸው፣ እናቶች ያሳደጓቸው፣ ልጆች የሚጠብቋቸው ነፍሶች ነበሩ። በሃይማኖታቸው ምክንያት ብቻ በአሰቃቂ ሁኔታ ተገደሉ።

ይህ ዓይነቱ እምነትን መሠረት ያደረገ መከራ፣ በዓለማችን ታሪክ አዲስ አይደለም። የሰው ልጅ በፈጣሪው በማመኑ ብቻ የተከፈለው ዋጋ ብዙ ነው።

ወደ ሩቅ ጎረቤት ሀገር ግብጽ ስንሄድ የኮፕቲክ ኦርቶዶክስ ክርስቲያኖች ለዘመናት በእምነታቸው ምክንያት ከፍተኛ ዋጋ ሲከፍሉ ኖረዋል። በተለይም እ.ኤ.አ. በ2015 በሊቢያ የባህር ዳርቻ አይ ኤስ በተባለው አሸባሪ ቡድን የታረዱት 21 የግብጽ ኮፕቲክ ክርስቲያኖችን ዓለም መቼም አይረሳም። ቢላዋ በአንገታቸው ላይ ሲያርፍ እንኳን የፈጣሪያቸውን ስም እየጠሩ በድፍረት ሰማዕትነትን ተቀብለዋል። የአርሲዎቹም ሰማዕታት ከዚሁ የጽናት መንገድ የወጡ አይደሉም። ኢትዮጵያውያንም በተመሳሳይ በሊቢያ እንዲሁ።

ወደ ምዕራብ አፍሪካ ስናቀና ደግሞ ናይጄሪያ እናገኛለን። በቦኮሃራም እና በአክራሪ የፉላኒ ታጣቂዎች አማካኝነት በሰሜን እና በመካከለኛው የሀገሪቱ ክፍል በሺዎች የሚቆጠሩ ክርስቲያኖች አብያተ ክርስቲያናቶቻቸው ተቃጥለውባቸው፣ መንደራቸው ወድሞ በግፍ ተጨፍጭፈዋል።

የአርሜንያ የዘር ማጥፋት ታሪክም ሌላው ትልቅ ትምህርት ነው። በ1915 በኦቶማን ኢምፓየር ዘመን፣ ከአንድ ሚሊዮን በላይ አርመናውያን በክርስትና እምነታቸው እና በማንነታቸው ምክንያት ብቻ በግፍ ተጨፍጭፈዋል፣ በበረሃም ተሰደው አልቀዋል። ነገር ግን ዛሬ አርሜንያውያን ከየትኛውም ጊዜ በላይ አብበው፣ እምነታቸውንም አጽንተው ይገኛሉ። ጥይት እና እሳት ስጋን ሊገድል ይችላል፣ እምነትን እና መንፈስን ግን መቼም ሊያጠፋ አይችልም።

ታዋቂው የጥንት ቤተ ክርስቲያን ጸሐፊ ቴርቱሊያን እንዳለው፡-
"የሰማዕታት ደም የቤተ ክርስቲያን ዘር ነው።"

በአርሲ ተራሮች ላይ የፈሰሰው የነ አቶ አማረ፣ የነ ወጣት ተሬ ደሴ ደም በከንቱ አይቀርም። የቤተ ክርስቲያን ታሪክ እንደሚያስተምረን፣ መከራ በበዛ ቁጥር፣ መቅደሶች በነደዱ ቁጥር፣ የእምነት ስር ይበልጥ ይጠልቃል እንጂ አይደርቅም።

በእንደዚህ ዓይነት ጥልቅ ሀዘን እና የሰብአዊነት ውድቀት ውስጥ ስናልፍ፣ የሰው ልጅ ታሪክ ካፈራቸው ታላላቅ መሪዎች እና ፈላስፎች የምንማረው ብዙ ነገር አለ። ጭካኔን በጭካኔ መመለስ የትም አያደርስም።
የሰብአዊ መብት ታጋዩ ማርቲን ሉተር ኪንግ ጁኒየር (የተናገረው ኃያል ቃል በዚህ ጊዜ ትዝ ይለናል፡-
"ጨለማ ጨለማን ሊያባርር አይችልም፤ ይህንን ማድረግ የሚችለው ብርሃን ብቻ ነው። ጥላቻ ጥላቻን ሊያጠፋ አይችልም፤ ይህንን ማድረግ የሚችለው ፍቅር ብቻ ነው።"

በአርሲ የተፈጸመው ድርጊት የጨለማ እና የጥላቻ ፍሬ ነው። ነገር ግን የተፈናቀሉት ምዕመናን ጽላቱን አቅፈው መውጣታቸው፣ ብርሃንን እና ፍቅርን ምርጫቸው እንዳደረጉ ያሳያል።

የሰላም ኖቤል ሽልማት አሸናፊው እና የሆሎኮስት (የአይሁዳውያን ጭፍጨፋ) ተራፊው ኤሊ ዊሰል ስለ ግፍ ዝምታ ሲናገር፡-
"ዝምታ ሁልጊዜም የሚጠቅመው አጥቂውን እንጂ ተጠቂውን አይደለም። ገለልተኝነት የሚረዳው ጨቋኙን እንጂ ተጨቋኙን አይደለም።" ብሎ ነበር።

ስለሆነም የነዚህን ንጹሐን መገደል፣ የ101 ዓመት ታሪካዊ ቅርስ መቃጠል፣ እና የ280 ሰዎች መፈናቀል እንደ ቀላል ዜና አልፈነው ልንሄድ አይገባም። ህመማቸውን ልንጋራ፣ ድምጻቸው ልንሆን ይገባል።
ታላቁ የነጻነት ታጋይ ኔልሰን ማንዴላ ደግሞ ስለ መጽናት እንዲህ ይላሉ፡-
"ትልቁ የህይወት ክብር ያለው ፈጽሞ ባለመውደቅ ውስጥ ሳይሆን፣ በወደቅን ቁጥር ተመልሶ በመነሳት ውስጥ ነው።"

ኦርቶዶክሳውያኑ ዛሬ ቤታቸው ፈርሶ፣ ዘመዶቻቸው ተገድለውባቸው ሜዳ ላይ ወድቀው ሊሆን ይችላል፤ ነገር ግን እምነታቸው እስካለ ድረስ፣ ነገ ከአመዱ ላይ ተመልሰው ይነሳሉ።

በአሰኮ ወረዳ ብቻ ከ280 በላይ የሚሆኑ ዜጎች ተፈናቅለዋል። መፈናቀል ማለት መጓዝ ብቻ አይደለም። መፈናቀል ማለት ትዝታን፣ ልፋትን፣ የልጅነት የቦረቁበትን አፈር፣ እና የዘመዶችን መቃብር ትቶ መሄድ ማለት ነው። እነዚህ ሰዎች አሁን ያሉት ሜዳ ላይ ነው። የለበሱት ልብስ ብቻ ነው ያላቸው። የሌሊቱ ብርድ ሲቆራርጣቸው፣ የጠዋቱ ጸሐይ ሲያቃጥላቸው፣ የልጆቻቸው ርሃብ አንጀታቸውን ሲበላው... ያላቸው ብቸኛ መጽናኛ በደረታቸው ያቀፉት እምነታቸው ብቻ ነው።

"ስለ አንተ ሁልጊዜም ተገድለናል እንደሚታረዱም በጎች ሆነናል" (መዝሙር 43:22)። የአርሲና ሶማሌ ክልል ጅግጅጋ አህጉረ ስብከት ሊቀ ጳጳስ ብፁዕ አቡነ ኤልሳዕ የሀዘን መግለጫቸውን የጀመሩት በዚህ የዳዊት መዝሙር ነበር። ይህ ቃል የዛሬን ብቻ ሳይሆን የዘመናትን የክርስቲያኖችን ህይወት የሚገልጽ ነው።

በእርግጥም እንደ በግ ለመታረድ የተሰለፉት እነዚህ ወገኖች ጥፋታቸው ምንድን ነው? ከማንም ጋር ያልተጣሉ፣ የፖለቲካ አጀንዳ የሌላቸው፣ ኑሯቸውን ለማሸነፍ መሬት የሚጭሩ ምስኪን ገበሬዎች ነበሩ። ነገር ግን በአክራሪነት የታወረው አእምሮ ይህንን ሊረዳ አይችልም።

እሳት ሁሉንም ነገር ያወድማል፤ መጽሐፍትን ያቃጥላል፣ ግድግዳን ያፈርሳል፣ ስጋን ያጠፋል። ነገር ግን እሳት እምነትን ሊያቃጥል አይችልም። የ101 ዓመቱ የጠላታ ቅዱስ ገብርኤል ቤተ ክርስቲያን ዛሬ በአካላዊ ገጽታው ባይኖርም፣ ያ መቅደስ የሰራው መንፈሳዊ ህንጻ ግን አሁንም በምዕመናኑ ልብ ውስጥ ጸንቶ ይገኛል።

የ13ቱ ሰማዕታት ነፍስ በሰላም ታርፋለች፤ ደማቸው ግን ለትውልድ የሚተላለፍ የጽናት ትምህርት ሆኖ ይኖራል። የተሰደዱት ወገኖቻችን ዛሬ ሜዳ ላይ ቢሆኑም፣ የታሪክ ጌታ የሆነው አምላክ ነገን አዲስ አድርጎ ይሰራላቸዋል። የጥላቻ ኃይሎች በክፋታቸው መቅደሱን አፍርሰውታል፤ ሆኖም እውነተኛዋ ቤተ ክርስቲያን የድንጋይ እና የእንጨት ክምር ሳትሆን፣ ያቺ በስደት መሃልም ጽላቷን አቅፋ የምትጓዘዋ የሰው ልጅ ልብ ናት።

እስከዚያው ግን እንደ አቡነ ኤልሳዕ ጸሎት፤ ፈጣሪ የሞቱትን ነፍስ በመንግሥተ ሰማያት ያሳርፍ፣ የተፈናቀሉትን፣ የተራቡትን እና የተራቆቱትን ደግሞ በምህረት እጁ ይጎብኝ፣ ያጽናናም። ከጭስ እና ከአመድ በስተጀርባ፣ ብርሃን አለና።

(ዘ-ሐበሻ ዜና) ዓለም አቀፉ የችግር አፈታት ተቋም በድረ-ገጹ ባወጣው አዲስ የትንታኔ ሪፖርት፣ አሜሪካ ከኢትዮጵያ ጋር ያላትን ግንኙነት ለማጠናከር ከፍተኛ ጥረት እያደረገች መሆኑን አስታውቋል። ተቋሙ እንዳስነበበው፣ የአሜሪካ ኩባንያዎች በአዲስ አበባ አቅራቢያ በሚገነባው ግዙፍ የዓለም አቀፍ አውሮፕላን ማረፊያ እና በሌሎችም ፕሮጀክቶች ላይ መዋዕለ ንዋያቸውን እንዲያፈሱ ማበረታታቷ የዚሁ ጥረት አካል ነው። በተለይም ግንቦት 3 አሜሪካ ወደ ኢትዮጵያ የሚደረገውን የጦር መሳሪያ ሽያጭ የሚከለክለውን ፖሊሲዋን እንደምታላላ ይፋ ማድረጓን ሪፖርቱ በዋቢነት ጠቅሷል።

ክራይስስ ግሩፕ በዘገባው እንዳመለከተው፣ የአሜሪካ ባለስልጣናት የኢትዮጵያ መንግስት ከኤርትራ ጋር አዲስ ሰፊ ጦርነት የሚከፍት ከሆነ ከዋሽንግተን ጋር እያደገ የመጣው ግንኙነቱ ከባድ አደጋ ላይ እንደሚወድቅ በሚገባ እንደተረዳ ያምናሉ። ምንም እንኳን ይህ ሁኔታ በትግራይ ጉዳይ ላይም በተመሳሳይ መልኩ ተፈጻሚ መሆን አለመሆኑ ሙሉ በሙሉ ግልጽ ባይሆንም፣ ዋሽንግተን ግን አዲስ አበባ ከገባችበት የፖለቲካ ውጥረት በሰላማዊ መንገድ እንድትወጣ ለማግባባት ያላትን የዲፕሎማሲ ተጽዕኖ ፈጣሪነት በአግባቡ ልትጠቀምበት እንደሚገባ ተቋሙ አሳስቧል።

በአካባቢው እና በቀጠናው ካለው ውስብስብ ተለዋዋጭ ሁኔታ አንጻር የሰላም ሂደቱ በአጭር ጊዜ ውስጥ ተጨባጭ ለውጥ ያመጣል ብሎ ማሰብ አዳጋች መሆኑን የገለጸው ሪፖርቱ፣ የውጭ ተዋንያን ቀዳሚ ትኩረት መሆን ያለበት የፖለቲካ ውጥረቱ ተባብሶ ወደ ሌላ ጦርነት እንዳያመራ መከላከል ላይ መሆኑን አስገንዝቧል። ለዚህም ሁለቱን ወገኖች በአካልም ሆነ በአስታራቂዎች በኩል ወደ ድርድር ጠረጴዛ እንዲመጡ ማግባባት ወሳኝ የመነሻ ነጥብ ይሆናል። ከዚህም ባሻገር ሰፋ ያለ የቀጠናው የውጥረት ማስተንፈሻ እርምጃዎች እጅግ አስፈላጊ መሆናቸውን የጠቀሰው ክራይስስ ግሩፕ፣ በተለይም በአዲስ አበባ እና በሱዳን ጦር መካከል 'ለተኪ ታጣቂዎች ድጋፍ ታደርጋላችሁ' በሚል የጋራ ጥርጣሬ እያደገ የመጣውን ፍጥጫ ማርገብ ጊዜ የማይሰጠው ጉዳይ መሆኑን አብራርቷል።

የአፋጣኝ ግጭት ስጋቱ አንዴ ጋብ ካለ በኋላ፣ አዲስ አበባ እና መቀሌ የፕሪቶሪያውን የሰላም ስምምነት የሚያጠናክር እና አሁን ለተፈጠረው ከፍተኛ አለመግባባት መፍትሔ የሚያመጣ አዲስ ስምምነት ላይ መድረስ እንደሚኖርባቸው ክራይስስ ግሩፕ አጽንኦት ሰጥቷል። የተቋሙ ትንታኔ እንደሚያስረዳው፣ የማንኛውም አዲስ ስምምነት መሠረት መሆን ያለበት "አንደኛው ወገን ሌላኛውን በቀላሉ ሊያጠፋው አይችልም" የሚለውን መራር እውነት መቀበል ሲሆን፣ ይህንን በጦርነት ለማሳካት መሞከር የሚያስከትለው ኪሳራ እጅግ ግዙፍ እና አደገኛ ነው።

ትግራይ ወደ ኢትዮጵያ የፖለቲካ ፌዴሬሽን ሥርዓት እንዴት በድጋሚ ልትቀላቀል እንደምትችል የሚያሳይ ግልጽ እቅድ መኖር እንዳለበት የገለጸው ሪፖርቱ፣ በእነዚህ መሠረታዊ ጉዳዮች ላይ ጠንካራ ትኩረት ሰጥቶ መሥራት ካልተቻለ መቀሌ እና አዲስ አበባ እራሳቸውን ደጋግመው አሁን ወዳሉበት የግጭት እና የጥፋት አዙሪት ውስጥ መመለሳቸው አይቀሬ መሆኑን በማስጠንቀቅ ዘገባውን አጠናቋል።

#ጤናመረጃ

ኩላሊት የሚጎዱ ልማዶች

አሳሳቢ የሆነው የኩላሊት ህመም ቀድሞ መከላከያ መንገዶችን ያውቃሉ ? ብዙ ልማዶች ለኩላሊት ህመም ምክንያት ናቸው እነዚህም

1. ሽንትን መቋጠር
ሽንት በፊኛ ውስጥ ረጅም ሰአት ሲቆይ በውስጡ የሚያድጉት ባክቴሪያዎች ይበራከታሉ። እንዚህ ባክቴሪያዎች የሽንት ቧንቧ ወይም የኩላሊት ኢንፌክሽን ሊያመጡ ይችላሉ። ሽንትን መያዝ ኩላሊት ላይ በሚያደርሰው ጫናም ኩላሊት ተጎድቶ ሽንትን የመቆጣጠር ችሎታችንን ሊያጠፋ ይችላል።

2. በቂ ውሃ አለመጠጣት
አንድ ሰው በቀን ቢያንስ ከ10 እስከ 12 ብርጭቆ ውሃ መጠጣት አለበት።

3. ጨው ማብዛት
ብዙ ጨው መመገብ ኩላሊታችን ላይ ከፍተኛ ጉ በምንመገበው ጨው የሚገኘውን ሶዲየም 95% ያህሉ በኩላሊታችን ነው የሚቀየረው። ጨው ስናበዛ ኩላሊታችን ጨውን ለማጣራት ይበልጥ መስራት ይኖርበታል።

4. የህመም ማስታገሻ መድሃኒቶችን ማዘውተር
የኩላሊት ህመም ካለብዎ ዶክተርዎን ሳያማክሩ የህመም ማስታገሻ መድሃኒቶችን አይጠቀሙ።

5. ፕሮቲን ያላቸው ምግቦች ማብዛት

6. መጠጥ ማብዛት
መጠጥ ሲበዛ ኩላሊታችን አደጋ ላይ ይወድቃል። መጠጥ ኩላሊታችን እና ጉበታችን ላይ ከፍተኛ ጫና ያሳድራል።

7. ሲጋራ ማጨስ

8. ቀላል ኢንፌክሽኖችን በግዜው አለመታከም።

እነዚህ ከላይ የተጠቀሱት የኩላሊት ህመም ዋና ዋና ምክንያቶች ሆነው ይጠቀሳሉ። ከነዚህ ልምዶች ራሳችሁን በመቆጠብ የኩላሊት በሽታን መከላከል ይቻላል።

ጠቃሚ ነውና ለወዳጆ ያካፍሉ! ሼር!

seledadotio
seledadotio

በሰዎች ትችት ምክንያት በፍጹም ልትቀይራቸው የማይገቡ 3 ወሳኝ ነገሮች

​በሕይወታችን ውስጥ የሰዎችን አስተያየት መስማት ተገቢ ቢሆንም፣ የእነርሱ ትችት ግን ማንነታችንን ሊያጠፋው አይገባም።

የሚከተሉትን ሦስት መሠረታዊ ነገሮች በሰዎች ግፊት መቀየር የለብህም፦

​1. የሕይወት ግቦች

ሌሎች ሰዎች ስላልረኩ ወይም ስላልመሰላቸው ብቻ የሕይወት ግቦችህን አታስተካክል። ይህንን ሕይወት የምትኖረው አንተ ነህ፤ ስለሆነም መኖር ያለብህ በራስህ ፍላጎት እና አንተ ትክክል ነው ብለህ በሚሰማህ መንገድ ነው። ያንተ ስኬት የሚለካው በሌሎች መመዘኛ ሳይሆን አንተ ለራስህ ባስቀመጥከው ግብ ነው።

​2. ቅድሚያ የሚሰጣቸው ነገሮች

አንተ ለሕይወትህ አስቀድመህ ቅድሚያ የምትሰጣቸውን ነገሮች (ቤተሰብ፣ ትምህርት፣ ስራ ወይም ጤና) ለይተህ ካስቀመጥክ፣ ሰው ስለተቸህ ብቻ አትቀይራቸው። እያንዳንዳችን የተለያየ የሕይወት ጉዞ እና ግብ ስላለን፣ ለእኛ ይበልጥ አስፈላጊ የሆነውን ነገር የመወሰን መብቱ የኛው ብቻ ነው።

​3. መርሆች

በቅንነት ለምታምንባቸው እሴቶችህ እና የሞራል አቋሞችህ ፈጽሞ አትደራደር። በሰዎች ትችት ምክንያት መርሆችህን ከጣስክ፣ ውሎ አድሮ ራስህን መናቅ ትጀምራለህ። በራስህ መተማመን የሚመነጨው ለራስህ እውነት ሆነህ ስትገኝ ብቻ ነው።

​📌 ምንጭ : The Minds Journal / Psychology & Personal Development Archives

ትናንት የሜትር ታክሴ ተጠቅሜ ነበር። ባለቤቱ/ሹፌሩ ወጣት ነው። ተሽከርካሪዋ በስራ ብዛት፣ እራሱን፣ ቤተሰቡንና ተናጣቂዋን በመቀለብ የደቀቀች "ቪትዝ" ነች።

እንደተለመደው ስራ እንዴት ነው ብዪ የውይይት ርዕስ ከፈትኩ።

"ስራስ አልጠፋም ነበር። የትና እንዴት ስራውን እንስራ ነው ችግሩ" አለኝ እርስ በርሱ የሚጋጭ ሐሳብ ስለሆነብኝ እንዲያስረዳኝ ጠየቅኩት ..

"መቆም፣ መንቀሳቀስና መላወስ ችግር ሆኗል። የትራፊክ ሕጉ በሌለ መንገድ፣ በሌለ የትራፊክ ምልክትና በየእለቱ በሚለዋወጥ መመርያ፣ ክልከላ፣ መንገድ የመዘጋት ውጥንቅጥና በወኋ ቀጠነ የሚያስከስስ ነው።"

"እንጀራህን ለማሸነፍ ቁጣውን ችለህ አንገትህን ደፍተህ ለመቀጣት ስትዘጋጅ ደግሞ ነጥብ ተይዟል በሚል በቅጣት ላይ ቅጣት እየተደራረበብህ ሰርተህ መብላት የማትችልበት ደረጃ ላይ እየደረሰ ነው" አለኝ። ቀጠል አደረገና

"አንድ ሰው ባንድ ጥፋት እንዴት ሁለቴ ሶስቴ ይቀጣል። እውነቱን ልንገርህ ከፍቶኛል፣ ልጅ ባይኖረኝ ኖሮ መኪናዪን ሸጬ እስደድ ነበር አለኝ።"

ላረጋጋው ሞከርኩ። ዓይኑን እያበሰ ቀጠለ።

"እኛስ ዜጎች አይደለንም ? ጥገኛ ከመሆን ወንጀለኛ ከመሆን፣ ሰርተን እንብላ ነው ያለነው ? ምን አጠፋን? የሚያየን፣ ችግራችንን የሚረዳና የሚሰማን እንዴት እናጣለን ? ጎዳና ብንወጣ ቤተሰብ፣ ሀገርና መንገስት አይጎዳም ? ጠየቀኝ

"እየተብሰከሰ ምሬቱን ቀጠለ ...

"ውጤት ሳይመጣለት ቀርቶ ቤተሰቦቹ በገዙለት ተሽከርካሪ የሜትር ታክሲ ስራ እንደጀመረና በአንድ ወቅት ስራው ጥሩ ስለነበር ቤተሰብ እንደመሰረተ ገለጸልኝ" በመቀጠልም

"በኑሮ ውድነት ላይ ልጅ ይዞ ስራውን ማስቀጠል እያዳገተው እንደሆነና ጎማ መግዛት ተሽከርካሪውን ማደስ እንዳቃተው በዚህ ከቀጠለ ደግሞ አንድ ቀን ተሽከርካሪው ተንገጫግጮ እንደሚቆምና አማራጭ ስለሌለው ቤተሰቡን ጥሎ ሊሰደድ ወይም ራሱን ሊያጠፋ እንደሚችል ገለጸልኝ።"

"ታውቃለህ በዚህ ሳምንት ብቻ ሶስቴ ተቀጥቻለሁ። ነጥብ ተይዞብሃል በሚል ከዋነኛ ቅጣቱ ጋር ተደማምሮ 5000 ሺህ ብር እንደከፈለና ትርፉን በሙሉ ለቅጣት እንዳስረከበ ባለፈው ዓመትም 55 ሺህ ብር (በወር 5000) ግብር በመክፈሉ ለክፉ ቀን ለጥሪት ብሎ የያዘውን ገንዘብ እንዳሟጠጠ አክሎ ነገረኝ።

ብሶቱ፣ ምሬቱና መብሰክሰኩ አንጀት ድረስ ዘልቆ የሚሰማና የሚያቅለሸልሽ የሕመም ስሜት የሚለቅብህ የመጠቃት ስሜት ነው። የሚያወራው መድረሻ በማጣት መንፈስ እንባ እየተናነቀው ነው። ነገስ ማን ይቀጣኛል ? በሚል ስጋት ተሸማቅቄ መድረሻ እያጣሁ ነው።" አለኝ በድጋሚ አይዞህ ብዪ ለማጽናናት ሞከርኩ። ምን ያህል እንደተሳካልኝ ሳላውቅ የቀጠሮ ቦታዪ ስለደረሰ ወረድኩ።

በየስራ ዘርፉ ይህ ገጠመኝ የብዙ ወጣቶች መራራ የሕይወት ፈተና ነው። ውጤት አምጥቶ ተምሮ ስራ ማግኘት፣ በአነስተኛና ጥቃቅን ተደራጅቶ መስራት ተረት በሆነበት፣ ራቅ ብሎ ሔዶ እንደነገሩም ቢሆን ትንሽ ስራ ሰርቶ ማደገና መለወጥ በማይታሰብብት ጊዜ የተገኘው ስራ ሰርቶ በሕይወት ለመቆየት እንዳይቻል አቅምን የሚፈታተነው ሕጋዊም ሆነ ሕግ የማያውቀው ወጭና አምጣና ተቀጣ የትየለሌ ነው።

በሜትር ታክሲ ላይ የተሰማሩ ወጣቶች ከመንግስትና ከቤተሰብ ጥገኝነት እራሳቸውን አላቀው፣ ከወንጀል ርቀው ሕይወትን ለማሸነፍ እየታገሉ ነው። በቀጥታም ሆነ በተዘዋዋሪ ከ300 ሺ የማይተናነስ ወጣት በዚህ ስራ ላይ ተሰማርቷል። እነዚህ ዜጎች ግዴታ እንዳለባቸው ሁላ ሰርተው የመብላት መብታቸው ሊከበርላቸውና ሊረጋገጥላቸው ይገባል።

ከመንግስት፣ ከሕዝብና ከቤተሰብ ጫንቃ ላይ ወርደው እራሳቸውን ለመቻል ሲፍጨረጨሩ፣ ስራቸውን ለማከናወን የሚያስችላቸው አመቺ ሁኔታ መፈጠር፣ መበረታታትና መታገዝ አለባቸው። በራሳቸው ጥረት እዚህ ከደረሱ መንግስት ብሶታቸውን ሊያዳምጥና መፍትሔ ሊፈለግላቸው ይገባል።

የት ቦታ ቆመው፣ ተሳፋሪ ጭነው፣ አውረደውና ተሳፋሪ ጠብቀው መስራት እንደሚችሉ ስርዓት ሊበጅላቸው ይገባል። ቀኑን ሙለ የሚያሽከረክር አሽከርካሪ አይደለም ለአጭር ጊዜ የሚንቀሳቀስው አሽከርካሪ ደንብ ሊተላለፍ የሚችልበት እድልና አጋጣሚ በርካታ ነው።

ሕግ ማክበር እንደተጠበቀ ሆኖ በአንድ ጥፋት ተደራራቢ ቅጣት በመቅጣት አማራጭ በማሳጣት፣ ከአቅም በላይ በሆነ የግብር ጫና ዜጎችን ተስፋ ማስቆረጥ፣ አቅማቸውን ማራቆትና ሞራላቸውን መስበር አሁንም ደግሞ ደጋግሞ ሊታሰብበት የሚገባ ነው።
ጆሮ ያለው ይስማ፤ ልብ ያለው ልብ ይበል !!

የምጣኔ ሃብት ባለሙያ ሙሼ ሰሙ

ትልቁ የኒዮ-ኮሎኒያሊዝም ሴራ ወታደራዊ ሰፈር (Military Base)

ወታደራዊ ሰፈር (Military Base) ምንድን ነው ? ከጀርባውስ ምን ሴራ ይዟል ?

ወታደራዊ ሰፈር ማለት አንድ አገር ከገዛ ድንበሩ ውጭ ወይም በውስጥ የጦር ኃይሉን የሚያሰፍርበት፣ ትጥቅ የሚያከማችበት እና ወታደራዊ እንቅስቃሴዎችን የሚያዝበት ስትራቴጂካዊ ቦታ ነው።

እነዚህ ሰፈሮች እንደ መጠናቸውና ዓላማቸው ሊለያዩ ይችላሉ

የአየር ኃይል ጣቢያዎች ለጦር አውሮፕላኖችና ለድሮኖች የባሕር ኃይል ወደቦች ለጦር መርከቦችና ለባሕር ውስጥ ሰርጓጅ መርከቦች የደኅንነትና የመረጃ ማእከላት የጠላትን እንቅስቃሴ ለመሰለልና መረጃ ለመሰብሰብ ይውላሉ

ለምንድን ነው እንደ አሜሪካ ያሉ አገራት በሌሎች አገሮች ላይ ወታደራዊ ሰፈር የሚገነቡት?

አሜሪካ በዓለም ዙሪያ ከ800 በላይ ወታደራዊ ሰፈሮች አሏት ይህ የሚደረግበት ዋና ዋና ምክንያቶች

1 ፈጣን ምላሽ ለመስጠት (Rapid Response) ነው ይህም ጦርነት ቢነሳ ጦርን ከአሜሪካ ከማጓጓዝ ይልቅ በአቅራቢያው ካለ የጦር ሰፈር ተነስቶ በፍጥነት እርምጃ ለመውሰድ ይውላል

2 ስትራቴጂካዊ ቁጥጥር (Global Dominance) ለማድረግ ይውላላል ለምሳሌ እንደ ቀይ ባሕር፣ የፋርስ ባሕረ ሰላጤ እና የሆርሙዝ ወሽመጥ ያሉ የንግድ መስመሮችን ለመቆጣጠር ይረዳል

3 በቀጠናው ተጽዕኖን ማስፋፋት (Power Projection) ይረዳል ይህም በአካባቢው ያሉ ወዳጅ አገራትን ለመጠበቅ እና ተቀናቃኞችን (እንደ ኢራን፣ ሩሲያ ወይም ቻይና) ለማስፈራራት ትጠቀምበታለች

4 የመረጃ ምንጭ ለመሰብሰብ ይረዳል ከየአቅጣጫው የሚነሱ የሚሳይል ጥቃቶችን ቀድሞ ለመለየትና መረጃ ለመሰብሰብ።

ከወታደራዊ ሰፈሮች በስተጀርባ ያለው "የፖለቲካ ሴራ" ምንድን ነው ?

በአሁኑ ወቅት በአሜሪካና በኢራን መካከል ባለው ውጥረት ሰለባ የሚሆኑት እንደ እስራኤል፣ ኳታር፣ ሳውዲ ዓረቢያ፣ ባህሬንና የተባበሩት ዓረብ ኤምሬትስ ያሉ አገራት ናቸው እዚህ ጋር ያለው እውነታ የሚከተለው ነው

1- የሰው ጋሻ (Human Shield) ፖለቲካ፦

አሜሪካ ወታደራዊ ሰፈሮቿን በእነዚህ አገራት ላይ ስታስቀምጥ ኢራን አሜሪካን ለመምታት ስትፈልግ መጀመሪያ የምታርፈው በእነዚህ አገራት ላይ ነው ይህም አሜሪካን በቀጥታ ከሚደርስ ጥቃት ይከላከልላታል።

2- የመሣሪያ ሽያጭና ኢኮኖሚያዊ ጥገኝነት - እነዚህ አገራት ጥቃት ሲሰነዘርባቸው ወይም ስጋት ሲገባቸው ከአሜሪካ የመከላከያ ስርዓት (እንደ ፓትሪዮት ሚሳይል) ለመግዛት ይገደዳሉ ይህም የአሜሪካን የጦር መሣሪያ ኢንዱስትሪ በእጅጉ ይጠቅማል።

3- ሉዓላዊነትን መጋራት፦ ወታደራዊ ሰፈር የሚያስተናግዱ አገራት የውጭ ፖሊሲያቸውን ከአሜሪካ ፍላጎት ጋር ለማጣጣም ይገደዳሉ ይህ ደግሞ አገራቱን የአሜሪካ "ተላላኪ" ወይም "ተለጣፊ" ደርጋቸዋል

አንድ ሚሳይል ግዙፏን አሜሪካን በአካል አያጠፋትም ነገር ግን የአሜሪካን ስም፣ ሞራልና የኃያልነት ግርማ (Prestige) ሊያጠፋው ይችላል አንድ የአሜሪካ ሰፈር ሲመታ ዓለም አቀፍ ገበያው ይናጋል፣ የነዳጅ ዋጋ ይጨምራል፣ እናም የአሜሪካ ሕዝብ መንግሥቱን "ለምን ልጆቻችን በሰው አገር ያልቃሉ?" ብሎ መጠየቅ ይጀምራል ይህ ደግሞ ከጦርነት በላይ ፖለቲካዊ ሽንፈት ነው።

ወታደራዊ ሰፈሮች ለሰላም ማስከበር ሳይሆን ለጥቅም ማስከበር የሚቆሙ ናቸው። አሜሪካ በመካከለኛው ምሥራቅ ያሏት ሰፈሮች ለራሷ ብሔራዊ ደኅንነት "የፊት መስመር" (Frontline) ናቸው በኢራንና በአሜሪካ መካከል በሚደረግ ፍጥጫ መሬታቸውን ለወታደራዊ ሰፈር የሰጡ አገራት ሁልጊዜም በሁለት ድንጋይ መካከል እንደሚገኝ እህል መሆናቸው የማይቀር "የፖለቲካ እውነት" ነው።

አንድ አገር ለሌላ የውጭ አገር ወታደራዊ ሰፈርን መፍቀድ ትልቅ የፖለቲካ፣የኢኮኖሚ እና የደኅንነት ውሳኔ ነው።

ይህ ውሳኔ እንደ ሳንቲም ሁለት ገጽታ ያለው ሲሆን የወታደራዊ ቀጠና የሚሰጠው አገር የሚከተሉት ጥቅሞችና ጉዳቶች (Pros and Cons) ይኖሩታል።

1. ጥቅሞች (Pros)

አገራት የውጭ ጦርን በምድራቸው ላይ እንዲያርፍ የሚፈቅዱት በዋናነት ለሚከተሉት ጥቅሞች ነው፦

* የደኅንነት ዋስትና (Security Umbrella): ደካማ ወታደራዊ አቅም ያላቸው አገራት፣ እንደ አሜሪካ ያለ ኃያል አገር በምድራቸው ላይ ሰፈር እንዲኖረው በማድረግ ከጎረቤት አገራት ጥቃት ራሳቸውን ይከላከላሉ። "እኔን የነካ አሜሪካን ነካ" የሚል መልእክት ያስተላልፋሉ።

* የኢኮኖሚ ገቢ (Economic Rent): አስተናጋጇ አገር ለሰፈሩ ኪራይ በቢሊዮን የሚቆጠር ዶላር ልታገኝ ትችላለች። በተጨማሪም በሰፈሩ ዙሪያ ያሉ የንግድ እንቅስቃሴዎችና የአካባቢው መሠረተ ልማት (መንገድ፣ መብራት፣ ወደብ) ሊሻሻሉ ይችላሉ።

* የቴክኖሎጂ እና የስልጠና ሽግግር: የአገር ውስጥ ወታደሮች ከውጭ ጦር ጋር አብረው በመሥራት ዘመናዊ የጦር መሣሪያ አጠቃቀምንና ወታደራዊ ስልቶችን ይማራሉ።

* የዲፕሎማሲ ተሰሚነት: የኃያላን አገራት ወታደራዊ አጋር መሆን በዓለም አቀፍ መድረክ ላይ የፖለቲካ ድጋፍ ለማግኘትና የተወሰነ ተሰሚነትን ለመጨመር ይረዳል።

2. ጉዳቶች (Cons)
ጥቅሞቹ ባሉበት ልክ፣ ጉዳቶቹ ደግሞ እጅግ የከበዱና የአገርን ህልውና የሚፈታተኑ ሊሆኑ ይችላሉ፦
* ሉዓላዊነትን ማጣት (Loss of Sovereignty): በገዛ አገርህ መሬት ላይ የሌላ አገር ሕግ የሚሠራበት፣ አንተ የማትቆጣጠረው "አገር በአገር ውስጥ" ይፈጠራል።

የውጭ ጦሩ ያሻውን ሲያደርግ የአገሪቱ መንግሥት ጣልቃ የመግባት አቅሙ ደካማ ይሆናል።

* ለጥቃት መጋለጥ (Becoming a Target):

በአሜሪካና በኢራን መካከል ጦርነት ቢነሳ፣ ኢራን መጀመሪያ የምትመታው አሜሪካን ሳይሆን በአቅራቢያዋ ያሉትን የአሜሪካ ወታደራዊ ሰፈሮችን ነው። በዚህም አስተናጋጇ አገር ባልገባችበት ጦርነት ሰለባ ትሆናለች።

* ማኅበራዊ እና አካባቢያዊ ችግሮች:

የውጭ ወታደሮች ከባሕል ጋር የማይሄዱ ተግባራትን ሊፈጽሙ ይችላሉ በተጨማሪም የጦር መሣሪያ ሙከራዎችና የኬሚካል ፍሳሾች የአካባቢውን ተፈጥሮና የሰዎችን ጤና ሊጎዱ ይችላሉ።

* የፖለቲካ ጥገኝነት:

አስተናጋጇ አገር የውጭ ፖሊሲዋን በነፃነት መምራት አትችልም ሰፈሩን የገነባው አገር ፍላጎት ላይ ተጽዕኖ የሚያሳድር ውሳኔ ማሳለፍ "እርዳታ ይቋረጣል" ወይም "ሰፈሩን እናነሳለን" በሚል ዛቻ እንድትፈራ ያደርጋታል።

3.የውጭ ወታደራዊ ሰፈር መፍቀድ "ባለ ሁለት አፍ ቢላዋ" ነው። ለአጭር ጊዜ የገንዘብ ገቢና የደኅንነት ስሜት ቢሰጥም ለረጅም ጊዜ ግን አገርን ለባዕድ ተላላኪነትና ለሌሎች አገራት ጥቃት መሸሸጊያ (Proxy Battlefield) ያደርጋል።

በአሁኑ ወቅት በመካከለኛው ምሥራቅ የምናየው እውነት ይኸው ነው እንደ ኳታር እና ባህሬን ያሉ አገራት የአሜሪካን ሰፈር በማስተናገዳቸው ከኢራን ጋር በቋፍ ላይ ያለ ግንኙነት አላቸው።

አሜሪካ "የዓለም ፖሊስ" ሆና ለመቀጠል የእነዚህን አገራት መሬት እንደ ቼዝ ጨዋታ ትጠቀምበታለች። ሰላም ሲኖር ሰፈሮቹ "የጥበቃ" ምልክት ናቸው ጦርነት ሲነሳ ግን "የመጥፊያ" ምልክት ይሆናሉ።

ስለሆነም አንድ አገር ወታደራዊ ሰፈርን ከመፍቀዷ በፊት የራሷን ብሔራዊ ጥቅም እና የሚመጣውን ቀውስ በሚገባ ማመዛዘን ይኖርባታል።

አብዛኛውን ጊዜ ግን ኃያላን አገራት ደካማ አገራትን በብድር፣ በዕዳ ወይም በፖለቲካ ጫና ሰፈር እንዲሰጡ ያስገድዷቸዋል ይህ ደግሞ በስተጀርባው ያለው ትልቁ የኒዮ-ኮሎኒያሊዝም (Neo-colonialism) ሴራ አካል ነው።

የካቲት 12፡ የአዲስ አበባ ሰማይ በደም የጠቆረበት የሐዘንና የጽናት ታሪክ

​የካቲት 12 ቀን 1929 ዓ.ም.። አዲስ አበባ በዚያች ዕለት የለበሰችው ማቅ ነበር። የንጋቱ ፀሐይ ስትወጣ፣ ከተማዋ በሞት ጥላ ስር እንደምትወድቅ የሚያውቅ አልነበረም። የካቲት፣ አብዛኛውን ጊዜ የቆላ ነፋስና አቧራ የሚበጅባት ወር ናት፤ ነገር ግን በዚያች ዓመት የካቲት የአቧራ ሳይሆን የደም አውሎ ንፋስ ይዛ መጣች።

​ፋሽስት ጣሊያን ኢትዮጵያን በወረረ በአመቱ፣ ግራዚያኒ የተባለው ጨካኝ የጦር አዛዥ የአዲስ አበባን ምስኪኖች ሰበሰበ። “የኔፕልስ ልዑል ተወልዷልና ምጽዋት እሰጣችኋለሁ” የሚል የፌዝ ጥሪ አስተላለፈ። 6 ኪሎ በሚገኘው በገነተ ልዑል ቤተመንግስት (የዛሬው አዲስ አበባ ዩኒቨርሲቲ) ደጃፍ ላይ፣ ከየሰፈሩ የተጠራቀሙ አቅመ ደካሞች፣ እናቶች ሕፃናቶቻቸውን አዝለው፣ አረጋውያን በምርኩዝ እየተደገፉ ተሰለፉ።

​ግራዚያኒ በቤተመንግስቱ በረንዳ ላይ ቆሞ በእብሪት ይገላምጣቸው ነበር። ለጥቂት ሳንቲሞችና ለቁራሽ ዳቦ ብለው የመጡት እነዚህ ንፁሃን፣ ከጥቂት ደቂቃዎች በኋላ የሰው ቄራ ውስጥ እንደሚገቡ አላወቁም። የግራዚያኒ ንግግር በአስተርጓሚ ሲሰማ፣ በሕዝቡ መሃል ግን ሁለት የቆረጡ ወጣቶች ነበሩ—አብርሃ ደቦጭና ሞገስ አስገዶም።

​የሁለቱ ጓደኛሞች ኪዳንና የነፃነት መንገደኞች

​አብርሃ ደቦጭና ሞገስ አስገዶም በወቅቱ የጣሊያን አስተዳደር ውስጥ ተቀጥረው የሚሰሩ ወጣቶች ነበሩ። አብርሃ በጣሊያን የፖለቲካ ቢሮ ውስጥ በትርጓሜ ስራ ላይ ነበር። ይሁን እንጂ በየቀኑ የሚያየው ግፍ፣ የሚሰማው የኢትዮጵያውያን መታሰርና መገደል ውስጡን እንደ እሳት ያቃጥለው ነበር። ሞገስም እንዲሁ የሀገሩ ውርደት እንቅልፍ የሚነሳው ወጣት ነበር።

​ሁለቱ ጓደኛሞች በምስጢር ተማማሉ። "ሀገር ስትዋረድ፣ ባንዲራ ስትረገጥ፣ እኛ በጠላት ቢሮ ውስጥ ቁጭ ብለን ደመወዝ መቁጠር የለብንም" አሉ። የጥቃቱ ዋነኛ አቀነባባሪና መረጃ ሰጪ ደግሞ አርበኛዋ ሸዋረገድ ገድሌ ነበረች። ሸዋረገድ ለወጣቶቹ ወኔና መረጃ በመስጠት የቁርጥ ቀን ልጅነቷን አስመሰከረች።
​ከቀኑ 6፡45 አካባቢ፣ ዓለምን ያናወጠው ያ ታሪካዊ ፍንዳታ ተሰማ። አብርሃና ሞገስ የያዙትን ቦምብ ወደ ግራዚያኒ ወረወሩ። ቤተመንግስቱ በጭስ ተዋጠ፤ ጩኸትና ሽብር ነገሰ። ግራዚያኒ በደም ተለውሶ ወደቀ። በአጠቃላይ ስምንት ቦምቦች ተወረወሩ። ግራዚያኒ ቆስሎ ወደ ሆስፒታል ሲወሰድ፣ ፋሺስቶች "በኢትዮጵያዊ ላይ ምንም ዓይነት ምሕረት እንዳይደረግ" የሚል ሰይጣናዊ ትዕዛዝ አስተላለፉ።

​የሲኦል በሮች ሲከፈቱ፡ የሶስት ቀኑ ጭፍጨፋ

​ያቺ ቅጽበት ለኢትዮጵያውያን የነፃነት ብርሃን ብትሆንም፣ ለአዲስ አበባ ነዋሪዎች ግን የሲኦል ደጃፍ ሆነች። በቤተመንግስቱ የነበሩ የጣሊያን ወታደሮች በድንጋጤና በበቀል መትረየሳቸውን ለምጽዋት በመጣው ምስኪን ሕዝብ ላይ አዞሩት። “ታ-ታ-ታ-ታ!” የሚለው የመትረየስ ድምፅ የግቢውን ጸጥታ አወከው። በደቂቃዎች ውስጥ የግቢው አረንጓዴ ሳር በደም ቀላ።
​በየካቲት 13 እና 14፣ አዲስ አበባ የጭስና የደም ከተማ ሆነች። ወታደሮቹ ወደ ጭቃ ቤቶች እየሄዱ በሩን ከውጭ ይቆልፉታል። ከዚያም ቤቱን በቤንዚን አርሰው እሳት ይለኩሱበታል። በውስጥ ያሉት ቤተሰቦች—አባት፣ እናትና ልጆች—በጭስ ታፍነውና በእሳት ተቃጥለው ሲያልቁ፣ ወታደሮቹ ከውጭ ሆነው ይሳለቁ ነበር።

​የሕፃናት ዋይታ፡ አንዲት እናት ልጇን ከእሳቱ ለማዳን በመስኮት በኩል ስትወረውር፣ ከውጭ የነበረ ወታደር ሕፃኑን በሳንጃ ተቀብሎት ሲገድለው የታዩ ምስክሮች ነበሩ።

​የከተማዋ ወንዞች፡ ቀበናና እንጦጦ የሚወርዱት ምንጮች ለቀናት ደም እየቀላቀሉ ፈሰሱ።

​የጀግኖች ፅናት በመከራ ውስጥ

​በዚህ መከራ ውስጥም ግን የኢትዮጵያ ጀግንነት አልጠፋም። አርበኛዋ ሸዋረገድ ገድሌ ተይዛ በኤሌክትሪክ ንዝረትና በግርፋት ከፍተኛ ስቃይ ሲደርስባት፣ “ሀገሬን አሳልፌ አልሰጥም!” በማለት ጠላትን አስደነገጠች። በቃጠሎው መሃል ሆነው "ኢትዮጵያ ትኑር!" ብለው የጮሁ እናቶች ታሪክ ዛሬም ድረስ ልብ ይሰብራል።
​ያ የሶስት ቀን ጭፍጨፋ ከ30 ሺህ በላይ ንፁሃንን ሕይወት ቀጠፈ። አዲስ አበባ የሐዘን ቤት ሆነች። በየቤቱ ሙሾና ለቅሶ፣ በየመንገዱ የአስከሬን ሽታ። ነገር ግን ግራዚያኒ አንድ ነገር አልተረዳም ነበር፤ በደሙ የረጠበው የኢትዮጵያ አፈር አርበኞችን እያበቀለ እንደነበር።

​የደብረ ሊባኖስ ገዳም ሰቆቃ

​ጣሊያኖች አብርሃና ሞገስን ፍለጋ ሰበብ በማድረግ በግንቦት 12 ቀን 1929 ዓ.ም ታሪካዊውን የደብረ ሊባኖስ ገዳምን ከበቡ። የኢትዮጵያን ተዋሕዶ ቤተክርስቲያን መንፈሳዊ ኃይል መስበር ዓላማቸው ነበር። በዕለቱ 447 የሚሆኑ መነኮሳት፣ ካህናትና የቤተክርስቲያን አገልጋዮች በጭካኔ ተጨፈጨፉ። የገዳሙ መምህር የነበሩት አቡነ ተክለሃይማኖትም ከመንጋቸው ጋር በሰማዕትነት ወደቁ።

​የአብርሃና የሞገስ መጨረሻ፡ በበረሃ የቀረ ቃልኪዳን

​አብርሃና ሞገስ አዲስ አበባን ለቀው ሲወጡ እቅዳቸው ሱዳን ገብተው ለዓለም አቀፉ ማህበረሰብ ድምፃቸውን ማሰማት ነበር። ጉዟቸው ግን እጅግ አድካሚና አደገኛ ነበር። በበረሃው ጉዞ አብርሃ በወባ በሽታ ክፉኛ ታመመ። ሞገስ ጓደኛውን በጀርባው እያዘለ ብዙ ማይል ተጓዘ።

​አብርሃ ሊሞት ሲል ለሞገስ እንዲህ ብሎ ተናዘዘ፡- “እኔ እዚህ ብቀርም አንተ ግን ሱዳን ደርሰህ ለዓለም አሳውቅ። ሀገራችን ነፃ ትወጣለች።” አብርሃ ሲያርፍ ሞገስ በብቸኝነትና በለቅሶ ጓደኛውን በበረሃ ቀበረ። በመጨረሻም ሞገስ አስገዶም ሱዳን ድንበር አካባቢ በጣሊያን ባንዳዎችና ወታደሮች ተይዞ ተረሸነ።

​የማይረሳው የታሪክ ምስክርነት

​ዛሬ በስድስት ኪሎ አደባባይ ቆመን ያንን ባለ ሦስት ማዕዘን ሀውልት ስንመለከት፣ የምናየው ድንጋይ አይደለም። 28 ሜትር ቁመቱ፣ የነፃነት ዋጋ ምን ያህል ከፍ ያለ እንደሆነ ያስታውሰናል። በሀውልቱ ላይ የተቀረጹት ምስሎች የዚያን ቀን መከራ—በሳንጃ የሚወጉ እናቶች፣ በገመድ የሚታነቁ ጀግኖች—ይናገራሉ።

​የካቲት 12 የሰማዕታት ቀን ነው፤ የንፁሃን ደም የፈሰሰበት፣ የጀግኖች ወኔ የታየበትና የጠላት ግፍ ዓለምን ያስደነገጠበት። ያ ቀን የኢትዮጵያን ሕዝብ አንድ አደረገው። ግራዚያኒ ሊያጠፋን ሲሞክር፣ እኛ ግን በደም የተጠመቀ የነፃነት ቀንበጥ ሆነን ወጣን።

​ክብርና ሞገስ ለሀገራቸው ሲሉ በግፍ ለተሰውት የካቲት 12 ሰማዕታት! ስማቸው በታሪክ መዝገብ፣ ደማቸው በነፃነታችን መሰረት ላይ ለዘላለም ተጽፎ ይኖራል።

የአርታዒው መግቢያ
#ethiopia | በእንባ የቀጠነ፣በደም ድርሳን የተጎነጎነ ታሪክ ያላት ሀገራችን፣ስሟ የተፈተለው በጀግንነት ቢሆንም፤ ፍሬዋን በፍሰሐ ሳታይ የከሰመባት ሽሕር ትመስላለች።

ይሁን እንጂ በዚህች ባለዝንጉርጉር ዳና ምድር፣በታሪክ ደመራ ነበልባል መሐል የሚስፈነጠሩት ትንታጎች ቀለማቸውና ቅርጻቸው ይለያይ እንጂ የየራሳቸውን ሥዕል አትመው ማለፋቸው አይቀሬ ነው።

ስለዚህ አንዳንዶቹ ሀገሩን በፍካትና ብርሃን ሲያጥለቀልቁት፣ሌሎች ዙሪያውን ጭጋግ አጉርሰው፣ ጠባሳ አልብሰው ያልፋሉ።

መቼም ጠባሳና አሻራ ለየቅል ናቸውና ሠናዮቹ ደመ-ግቡ ዐለም ፈጥረው፣ሳቅ ፈትፍተው ሲታወሱ፣እኩዮቹ በሕመማቸው ጥዝጣዜ በጠባሳቸው ሐፍረት የሀገር ቀሚስ ገልበው፣ገመና አስጥተው በታሪክ ሰልፍ ይተምማሉ።

ይሁንና የትውልድ አሻራ የሚዘልቀው ወይም ሕመም የሚከርመው በሀገር መሪነት መንበር፣በገዢነት ዙፋን ላይ በተቀመጡት ብቻ አይደለም።

እንደ ዝንጀሮ ጎረምሳ እግር የሚለካኩትና ትከሻ የሚጋፉትም ጭምር እንጂ!

ከመንግሥት መቀመጫ በተቃዋሚ ጎራ ሆነው የዘመን ወጀብ በሚያወላግዳት ሀገር የማይረሳ ዜማ የሚያሰሙ፣ወይም በሚያምም ሙሾ አንጀት አገላብጠው የሚገርፉ፤ልብ የሚሰብሩ ይኖራሉ።

የታሪክ ገጾች በተገለጡ ቁጥር የሚጎፈንን ስሜት፣እንደ እንደሽንኩርት የሚላጥ ሰቀቀን አስቀምጠው የሚያልፉ ብዙ ናቸው።

በትልቋ ሀገር አሜሪካ በዘመነ ሊንከን አሜሪካ በእርስ በርስ ጦርነት ከግማሽ ሚሊየን በላይ ዜጎቿን ስታጣ፣እጁን ደም የነካው የሊንከን ጀኔራል ዩሊሰስ ግራንት ብቻ አልነበረም። ግራንት ሀገር እንዳትናድ ሲከላከልና እሳቱን ሊያጠፋ ሲባትት፣ሮበርት ኢ. ሊ ደግሞ የሀገሪቱን ካስማ በመናድና የሀገር አንድነትን በሚያናጋ ሰልፍ ቆሞ ነበር። የተቀደሰና የተረገመ የታሪክ ዳንዳ ማለት ይህ ነው።

አንዱ እየሳቀ እሳቱን እንዳበባ ሲያሽሞነሙን፣ሌላኛው አበባው እሳት እንዳይሆን ውሃ ያጠጣ ነበር። ታሪክ ቀለሙ ብዙ፣አድማሱ ሰፊ፣ዘመኑ እልፍ ነው። ቁስሉ ጠዝጣዥ፣ሕመሙ ድርብ ነው።

የኢትዮጵያም ታሪክ ከዐለም ታሪክ ዘውግ አይወጣም። ግን ደግሞ በደም የቀላ፣በስሜት የፈላና የተንተከተከ ነው፣በትግል የሾረ ነው። የነፃነታችን ከበሮም ቢሆን የድል ብስራት ብቻ አልነበረም፤ ከጀርባው አያሌ ሰቀቀን የሸሸገ፣በደም የተነከረ ሐውልት አቁሟል። መሪዎቻችን የተዋከቡ፣ መረጋጋት ባጣ ትንፋሽ ተሟግተውና ተዋግተው ሀገር ያቆዩ ፣ግን ኑሯቸው የባይተዋር ነበር። ተቀናቃኞቻቸውም እልፍ ናቸው።

ቴዎድሮስ ጥይት ቅመው እስኪወድቁ አላረፉም። ዮሐንስ አንገታቸው እስኪቀላ እላይ ታች ሲሉ ባትተዋል። የዮሐንስ ቀኝ እጅ የነበሩት አፍሪካዊው ጀኔራል አሉላ ጦርነቱ ብቻ ሳይሆን የራሳቸው ሰዎች ባላንጣ ሆነው ጥይት ተኩሰውባቸዋል።

ከዶጋሊ፣ጉራዕና .ጉንደት ይልቅ የወገናቸው ሾተል አፏጭቶባቸዋል። ተፈሪ መኮንን ከኢያሱ ጋር ያደረጉት የሰገሌ ጦርነት ብቻ አይደለም ምጣቸው። መሳፍንቱና መኳንንቱ የየራሳቸውን ጎጆ ከሀገር በላይ አልቀው ፈተና ሆነውባቸዋል።
እነዚህ ሁሉ የታሪካችን አንቀልባ ላይ የታዘሉ፣የቃሬዛ ማኅተሞች ናቸው። መልካቸው ዝንጉርጉር፣ሕመማቸው ጥልቅ ትዝታቸው የማይደበዝዝና በየትውልዱ ልብ የዘለቀ ነው።

ኢትዮጵያም እንደሌሎቹ ሀገራት፣ምናልባትም በባሰ የሬት ገንዳ የተጠመቁ የታሪክ ሕመሞች አሏት። ከልጆቿም በየዘመኑ እንባዋን ለማበስ ሌት ተቀን የባተሉ፣በአጣብቂኝ ወራቷ በፍቅር የጋረዷትና በደም መሥዋዕትነት የታደጓት የመኖራቸውን ያህል፤ እንባዋን እንደ ማር ጣፍጧቸው የጠጡ አሏት። የእናት ሆድ ዝንጉርጉር እንዲሉ ልጆቿ በየዘመኑ ሺህ መልክ አውጥተው፣እልፍ ዱካ አስቀምጠው አልፈዋል።

ጋዜጠኛ በቀለዐመነ ባሳተመው በዚህ መጽሐፍ፣በተለያዩ ጊዜያት የሠራቸው ቃለ ምልልሶ ተካትተዋል። በእነዚህም ውስጥ ሐሳባቸውን የተናገሩ፣ሕመማቸውን ያወጉ፣ቂማቸውን የሰለቁ፣ቁጭታቸውን የተነፈሱ ኢትዮጵያውያንን ዜማና ስሜት፣ሕልምና ተስፋ በተለያየ ስልት ቀርቧል። እነዚህን ሐሳቦችና ሕልሞች በአንክሮ ለማጤን ሞክሬያለሁ።

የእነዚህን የአንድ ዘመን የፖለቲካና ኢኮኖሚ ምሕዳር ሰዎች አቋምና ቁመና በመዘንኩት ልክ፣ በሀገር ወዳድነት የተመሰጡትን፣በቁጭት ፍም ላይ ተቀምጠው የነደዱትን፣ቂማቸውን ቆርፍዶ የለወዘውንና ልባቸው ውስጥ የነደደው እሳት ጢስ ያጠገበው ልባቸውን አይቸበታለሁ።
በአንዳንዶቹ የሀገር ፍቅር ስሜትና የአንድነት ተስፋ ስደመም፣በምሬት ከስለው ጥቀርሻ በበላቸው አዝኛለሁ።

እውነት ነው፤ሀገር ከሰፈር በላይ፣ሀገር ከጤና፣ሀገር ከግል ክብርም በላይ እንደሆነች ያነበብኳቸው ብዙ የታሪክ ገጾች ኢትዮጵያዊ መልካችንን ውበት አሳይተውኝ አላለፉም። በአሁኑ ሜዳም እነዚያን አባቶች የመሰሉ፣በአንድ ልብ የበቀሉ ያህል ጥዑም መዐዛ ያዘሉ እንዳሉ አይቼ አፌን ሳቅ ሞልቶታል።

ከእነዚህ የቀደሙናኢትዮጵያ የአሁን ቅርጿን እንድታገኝ የሕክምና ቀጠሯቸውን ትተው ለሙግት የበረሩት ጸሐፌ ትዕዛዝ አክሊሉ ሀብተወልድ ሀገር ከሕይወት በላይ ናት"በሚል የልቤን ደጅ ደብድበውታል። ሀገር ነፍስ ይከፈላታል"ያሉና ስለሀገራቸው ክብር ሽጉጣቸውን ጠጥተው ያንቀላፉትን ኮሎኔልና ጀኔራሎች አስታውሻለሁ። ቃል ከራስ በላይ መሆኑን ያሳዩትን የታሪካችን ጉልላቶች እነፊታውራሪ ገበየሁን፣ከንጉሡ ተጣልተው፣"በሀገር አይኮረፍም" ብለው በአረጋዊ እድሜያቸው ዳግም በጥይት አረር ነድደው የሞቱትን አባነፍሶ ባልቻ ከፊቴ ውል ብለዋል።

ዛሬ ግን ራስን ማስቀደም ከሀገር ክብርና ልዕልና ይልቅ የጎላ ይመስላል።ትውልድ የሚቀጣበት ምራንጣ አንጠልጥሎ መሄድ ወግ ሆኗል። ያኔ ሰው ስለሀገሩ የሞተውን ያህል፣ዛሬ ሰው ለራሱ ሀገሩን የሚገድልበት ሰይፍ የታጠቀ ይመስላል።
ብዙ ጊዜ ንዳዱን በሩቁ፣ሌሎች የደከሙበትን እሸት ቀርቦ ወደ መጋጡ ያደላል።

እዚህ መጽሐፍ ውስጥ የተካተቱት ባለታሪኮች ሀገሪቱ ዛሬ ላለችበት ሁኔታ በመልካምም ሆነ በክፉ አሻራ ያላቸው፣ጠባሳ ያስቀመጡ፣ወይም አበባ ያሳቀፉ፣ወይም እሾህ ነስንሰው እሸቷን የነጠቁ የታሪክ ቃንዛዎች ናቸው።

ሁሉም ግን የሆኑትን፣ ምናልባትም ያልሆኑትን ይናገራሉ። የተናገሩትን ሁሉ አንሰማም፤የሰማነውን ሁሉም አናምንም፤እንፈትሻለን። ዝም ያሉትን እናመሳክራለን እንጂ አንቆፍርም።ምክንያቱም ታሪክ በሌላ ክንፉ ይዟቸው የሚመጣ መልኮች አሉትና ።

እጅግ የወደድኳቸውና የአንድ ዘመን ከእነዚህ ባለታሪኮች የኢትዮጵያን ትውልዶች መልክና ቀለም ያሳዩኝ፣እነጀነራል ደምሴ ቡልቶ፣ጀነራል መርዕድ ንጉሤ፣ውስጥ የነበረውን ታማኝነትና ሀገር ወዳድነትና ሓላፊነት ከእንጀራ በላይ መሆኑን በነፍሳቸው ያወሩልኝ ፤ጊዜ በተለወጠ ቁጥር፣ለእንጀራ ተማርኮ እጅ ያለመስጠትን ያስተማሩኝ ዘውድ ያልጫኑ የታሪክ ንጉሦችም አሉ። ሳላውቅ በወሬ ፈርጃቸው ግን ደግሞ ሀገራዊ ሕልማቸውና የወገን አቅራቢ ሐሳባቸው የማረከኝ ፖለቲከኞችም አልጠፉም። በፊትም የማላምናቸው አሁንም ያንኑ ሐሳባቸውን ደርተው አነባበሮ የጋገሩ የየዘመኑን እንኩሮዎች ታዝቤበታለሁ።

ይሁንና ከሁሉ በላይ የዘመኑን ማኅበረ-ፖለቲካዊ መልክ፣ከያ ትውልድ ተሻግሮ ዛሬም በየአምባው የሚጮኸውን ጅራፍ ድምፅና ቁስሉን በሚገባ ለማየት ጥሩ ስብስብ ሆኖ አግኝቼዋለሁ።

ሥልጣን ላይ ሆነው ሲከንፉ ፋታ ያጡ ሰዎች ወንበራቸው ተንሸራትቶ፣ሰው ሆነው ሲቀመጡ ሕይወትን ያስተዋሉበትን ትዝብትና የፖለቲካችንን ቁመና መዝኜበታለሁ፤ተምሬበታለሁም።
ስለትናንት ብቻ ሳይሆን ስለነገም የሚገለጡ መዛግብት ሆነው ለቀጣዩ ጉዟችን ፍንጭ ይሰጡናል የሚል እምነት ያኖሩም አሉ። የተደመምንባቸውን በታሪክ ገጾች ከማንገሥ ባሻገር የምንወርሰው ሀብት፣የሳቱትና የአደባባይ ሕጸጻቸውን ጉያቸው ሥር የወሸቁትንም የምንታዘብበት ነው።

ደረጀ በላይነህ

አራቱ የፍትህ አካላት የቅንጅት ስራ
(ፖሊስ፣አቃቢ ህግ፣ፍርድ ቤት፣ማረሚያ ቤት)

የኢፊድሪ ወንጀል ህግ እና ወ/መ/ህ/ስ/ስነስረአት
ጠበቃና የህግ አማካሪ ፋንታሁን ደለለው 0983337690,0929101037

የጹሁፉ አላማ #ethiopia | ፍትህ ለሰው ልጆች እጅግ አስፈላጊ ከመሆኑ የተነሳ የፍትህ ስረአቱ የዘመነ እና የሚያረካ እንዲሆን የፍትህ ተቋሟት በተሟላ መንገድ ተሰናድተው ጉዳዮችን ተቀበለው እንደተሰጣቸው ስልጣንና ኀላፊነት ከግብ ሊያደርሳቸው መገኘት ያለባቸው ቁመና ላይ ሊገኙ ያስፈልጋል። በዚህ ጽሁፍ የምንዳስሰው የፍትህ ተቋሟት ሚና እና ቅንጅት ለተሻለ ፍትህ የሚያደርጉትን ተቋማዊ ሰንሰለት ነው።

1. የፖሊስ ተቋም

የፖሊስ ተቋም ዘርፈ ብዙ ኃላፊነት ያለበት ሲሆን ከእነዚህም ውስጥ ወንጀልን መከላከል፣ሰላምን ማስፈን፣ወንጀለኞችን ለህግ ክፍል ማቅረብ፣ የወንጀል ምርመራ ማድረግ ዋነኛዎቹ ናቸው። በዚህች ንኡስ ጽሁፍ ውስጥ የምንመለከተው ግን የወንጀል ምርመራን በተመለከተ ነው። የወንጀል ምርመራ በአቃቢ ህግ እየተመራ ለምርመራ በበቁ መርማሪ ፖሊሶች የሚካሄድ ሲሆን ከአቤት ባይ፣ከአመልካች ወይም ከጠቋሚ መረጃን ተቀብሎ ለምርመራ መነሻ የሆነውን ነገር ጥንቃቄ በተሞላበት አካሄድ በጥበብ በተቀናጀ አካሄድ ህገመንግስታዊ የሰብአዊ መብት በጠበቀ መንገድ ጥፋተኛው በመጥራት ከጠፋም ለመቅረብ እንቢተኛ ከሆነ ከፍርድ ቤት በወ/መ/ህ/ስ/ስ/ህግ ቁጥር 53 መሠረት መያዣ በማስወጣት እንዲያዝ ከተደረገ በኋላ አስፈላጊ ሲሆን የጊዜ ቀጠሮ በፍርድ ቤት 53 መሠረት በመጠየቅ ምርመራ ውን በአግባቡ እንዲወጣ ይጠይቃል። ይህም አላማው ቢወጣ ማስረጃን ሊያጠፋ ወይም ለምርመራ መሰናክል ይሆናል ተብሎ ሲገመት ወይም ለምርመራው ውጤት ይረዳ ዘንድ ተብሎ ነው። ምርመራው ባለቀ ጊዚ ለአቃቢ ህግ የምርመራ ፋይሉን ለአቃቢ ህግ ያስረክባል። አቃቢ ህግ ምርመራው ገና መሆኑን የተረዳው እንደሆነ አቅጣጫ ሰጥቶ እንዲቀጥል ያደርጋል።

2. የፍትህ ሚኒስተር ተቋም

የፍትህ ሚነስተር ተቋምን ዋናውን ሚና የያዘው አቃቢ ህግ ነው። አቃቢ ህግ ክስ ያዘጋጃል፣የክስ ምርመራ ይመራል፣በፍርድ ቤት ቆሞ ይከሳል ይከራከራል ያስወስናል፣ቅጣት መፈጸሙን ይከታተላል ።

ይህን በአጭሩ የገለጽን ሲሆን ከላይ ፖሊስ በምርመራ ሂደቱ የተወጣን ድርሻ ለአቃቢ ህግ ካስረከበ በኋላ አቃቢ ህግ ያስከስሳል ወይንስ አያስከስስም የሚለውን ወስኖ የሚያስከስስ ከሆነ ክስ አዘጋጅቶ ፍርድ ቤት ያቀርባል ተከሳሽ በቀረበበትም ሆነ በሌለበት እንደ ህግ አግባብነቱ ተከራክሮ ያስወስናል። አላግባብ ነጻ ከሆነ በይግባኝ እንዲሻርለት ይጠይቃል።

3. ፍርድ ቤት

የፌደራል ፍርድ ቤቶች አዋጅ ቁጥር 1234/2013
ፍርድ ቤት በአቃቢ ህግ የቀረበለትን ክስ ከመጥርያ ጋር በአቃቢ ህግ በኩል ለተከሳሽ እንዲደርስ ያደርጋል። የተከሳሽ እምነት ክህደት ቃል ተጠይቆ በግልጽ ካመነ ወዲያው ፍርድና ቅጣት ይሰጣል። ካላመነ አከራክሮ ማስረጃ ሰምቶ ፍርድ ይሰጣል። ነጻ ከሆነ በዚህ አግባብ ውሳኔ ይሰጣል። ጥፋተኛ ከተባለ ማቅለያና ማክበጃ ሰምቶ የቅጣት ውሳኔ ሰጥቶ የእስራት እና/ወይም የገንዘብ መቆጮ እና/ወይም የግዴታ መቀጮ ሰበአዊ መብቱን በማይጋፋ መልኩ ውሳኔ ይሰጣል። አፈጻጸሙን አቃቢ ህግ ይከታተላል። ወ/መ/ህ/ስ/ስነስረአት ህግ ቁጥር 195

4. ማረሚያ ቤት

የማረሚያ ቤቶች አዋጅ ቁጥር
ፍርድ ቤት በእስራት ውሳኔ ያስተላለፈውን ማረሚያ ቤት እንዲያስፈጽም ትእዛዝ ይጽፍለታል። ማረሚያ ቤቱም በተሰጠው የህግ ስልጣን መሠረት በፍርዱ መሠረት ያስፈጽማል።

ከሚያስፈጽመው አንጻር በጥቂቱ ስናነሳ

1. የጽኑ እና ቀላል እስራት ለተቀጡ ማረፊያ ቤቶችን በመለየት ያስፈጽማል። ጽኑ እስራት ፍርደኞች በባህሪያቸው አደገኛ የወንጀል ባህሪ ያለባቸው ናቸው ተብሎ ይገመታል።(የኢፊድሪ ወንጀል ህግ አንቀጽ 106) ቀላል እስራት የተላለፈባቸው ፍርደኞች በባህሪያቸው ከጽኑ እስራት ፍርደኞች አደገኝነታቸው መለስ ያለ ነው ተብሎ ይገመታል።(የኢፊድሪ ወንጀል ህግ አንቀጽ 208) የወጣት ጥፈተኞችን ማረፊያ፣ የእናት አጥቢዎች ፍርደኞች፣በእድሜ የገፉ ፍርደኞች ከሰብአዊ መብት አጠባበቅ አንጻር አስፈላጊውን ሁሉ በመፈጸም፣ከመማር መብት፣የመሥራት፣የፈጠራ መብት ፣ ሰርቶ ገንዘብ ከማግኘት መብት እንዲሁም የህግ ግንዛቤ በመስጠት አእምሮአቸው እንዲታረም አስፈላጊውን ሁሉ ማድረግ ያስፈልጋል።

5. ሲጠቃል
አራት የፍትህ አካላት ለአንድ የፍትህ ግብ ተቀናጅተው የሚሰሩበት የፍትህ ስረአት ነው።
https://www.facebook.com

ጾመ ነነዌ🙏

ንስሐቸው በከንቱ እንዳልቀረ አስረድቷቸዋል

ነነዌ ከተማ በጤግሮስ ወንዝ ዳርቻ የምትገኝ ስትሆን መሥራቿም ናምሩድ ነው፡፡ የነነዌ ሕዝብ ኃጢአት በእግዚአብሔር ፊት እጅግ ቢበዛም በከንቱ ሊያጠፋቸው አልወደደምና ነቢዩ ቅዱስ ዮናስን እንዲያስተምራቸው ላከው፡፡ እርሱ ግን “አንተ መሐሪ ነህና ነነዌ ልትጠፉ ነው ብዬ ተናግሬ ብትምራቸው ሐሰተኛ ነቢይ እባላለሁ” ብሎ በመርከብ ወደ ተርሴስ ሸሸ፡፡ እግዚአብሔርም ታላቅ ነፋስን አስነሥቶ መርከቧ በማዕበል እንድትመታ አደረገ፡፡ ከዮናስ ጋር በመርከቧ ተሳፍረው የነበሩ ነጋድያንም ያላቸውን ሀብት ወደ ባሕሩ መጣል ጀመሩ፡፡ ነቢዩ ዮናስ ጥፋቱን ተገንዝቦ “ማዕበሉ በእኔ ምክንያት የመጣ ስለሆነ ንብረታችሁን ሳይሆን እኔን ወደ ባሕር ጣሉኝ” አላቸው፣ ዮናስንም ወደ ባሕሩ ጣሉት፡፡

ከእግዚአብሔር ዘንድ የታዘዘ ታላቅ ዓሣ ነባሪ ዮናስን ውጦት ሦስት ቀንና ሦስት ሌሊት አሳድሮ ወደ ነነዌ አደረሰው፡፡ እግዚአብሔር የቅል ተክል ጥላ አድርጎለት አረፈ፡፡ ተኝቶ ሲነሳም ተክሉን ትል በልቶት ደርቆ ስላየ አዘነ፡፡ እግዚአብሔርም በትንቢተ ዮናስ 4÷11 እደተጻፈው “አንተ ላልደከምክበትና በአንድ ቀን በቅሎ ላደገ ቅል ስታዝን እነሆ በታላቂቱ ነነዌ ከተማ ያሉ፣ ግራና ቀኛቸውን የማያውቁ ከአንድ መቶ ሃያ ሺሕ በላይ ሕዝብና እንስሳቱ እንደምን አያሳዝኑኝምን?” ብሎታል፡፡ ዮናስም የነነዌ ሰዎችንም “ንስሐ ግቡ” እያለ መስበክ ጀመረ፡፡ የነነዌ ሰዎችም ንስሐ በገቡ ጊዜ እግዚአብሔር ይቅር ብሎ ከጥፋት አድኗቸዋል፡፡

ሐሰት እንዳይባልም እሳቱ እንደ ደመና ሆኖ ከላይ ታይቶአል፡፡ የታላላቁ ዛፍ ቅጠል እስኪጠወልግ ድረስ አድርቆ ለሕዝቡ አሳይቷቸዋል፡፡ ንስሐቸው በከንቱ እንዳልቀረ አስረድቷቸዋል፡፡

ገዳማውያን ይህን ጾም ስለሀገራችን ሰላምና፣ ስለቅድስት ቤተ ክርስቲን አንድነት በመጾምና በመጸለይ በተጋድሎ ያሳልፉታል፡፡ በእነዚህ የጾም ቀናት ገዳማውያንን እንደግፍ በዓታቸውን እናጽና ከበረከታቸው እንሳተፍ፡፡

ድጋፍ ለማድረግ፦ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

የዮርዳኖስ ማዕበልና የዘመናት እንባ፡

የጥምቀት በተለያዩ ሀገራት እንዴት ይከበራል?

የጥምቀት በአልን አስመልክቶ ለፊደል ፖስት የተላከ

​በአይሁድ ምድረ በዳ፣ የዮርዳኖስ ወንዝ በዝምታ ይፈሳል። ያ ዝምታ ግን የተለመደ አልነበረም። የፍጥረት ሁሉ ጌታ፣ የሰማይና የምድር ፈጣሪ፣ ራሱን ዝቅ አድርጎ የሰውን ልጅ የሺህ ዓመታት ዕዳ ሊከፍል ወደ ወንዙ ዳርቻ ሲመጣ ተፈጥሮ ሁሉ በድንጋጤ ተዋጠች። ዮሐንስ መጥምቅ በፍርሃት ተንቀጠቀጠ፤ እጆቹ አምላኩን ለመንካት አቅም አጡ። ነገር ግን ጌታ "ጽድቅን ሁሉ ልንፈጽም ይገባናል" አለው። ይህ ጽድቅ የሰው ልጅን ከሞት ወደ ሕይወት፣ ከባርነት ወደ ልጅነት የመመለስ ጽድቅ ነበር።
​ክርስቶስ ወደ ዮርዳኖስ የገባው ሊቀደስ ሳይሆን ውኃውን ሊቀድስ፣ የአዳምን የእንባ ደብዳቤ በውኃው ውስጥ ሊያጠፋ ነበር። ዛሬም ይህ ምስጢር በ16ቱ የኦርቶዶክስ አገራት ደጃፍ ላይ ሲደርስ፣ እያንዳንዱ አገር የራሱን የፍቅርና የጽናት ታሪክ ይዞ ይቀርባል።

​1. ኢትዮጵያ፡ የናፍቆትና የፍቅር ጥምቀት

​በኢትዮጵያ ጥምቀት ማለት በዓል ብቻ አይደለም፤ የፍቅር ቀጠሮ እንጂ። ከተራው ዕለት ታቦታቱ ከቤተ መቅደሳቸው ወጥተው ወደ ጥምቀተ ባሕሩ ሲወርዱ፣ ምእመኑ በሺዎች የሚቆጠር ሆኖ ያጅባቸዋል። በሌሊቱ ጸሎት፣ በሻማ ብርሃንና በካህናት ጣፋጭ ዜማ መካከል የሚፈሰው እንባ የጌታን ትሕትና በማሰብ ነው። "ጌታዬ ሆይ፣ ለእኔ ስትል ራቁትህን በዮርዳኖስ ቆምክ" የሚል የምሬት ጸሎት ይሰማል። ማለዳ ላይ ካህኑ ውኃውን ሲባርኩና በሕዝቡ ላይ ሲረጩ፣ ያ ውኃ የዮርዳኖስ በረከት ሆኖ የዓመታትን ሐዘን ያጥባል።

​2. ሩሲያ፡ የበረዶው ላይ መስዋዕትነት

​በሩሲያ ቅዝቃዜው አጥንት ይሰነጥቃል። ወንዞች ሁሉ በረዶ ሆነዋል። ነገር ግን አማኙ ያንን የበረዶ ንብርብር ሰብሮ በመስቀል ቅርጽ በተዘጋጀው ውኃ ውስጥ ሦስት ጊዜ ብቅ ጥልቅ ይላል። ይህ ትዕይንት ልብ ያንጠለጥላል። ሰውነታቸው በቅዝቃዜ ሲንቀጠቀጥ፣ ነፍሳቸው ግን በክርስቶስ ፍቅር ትሞቃለች። ያንን ውኃ ተቋቁመው ሲወጡ ዓይኖቻቸው በእንባ ይሞላሉ—ያ እንባ "አሮጌው ማንነቴ ሞቶ አዲስ ተወለድኩ" የሚል የድል እንባ ነው።

​3. ግሪክ፡ የባሕሩና የመስቀሉ ፉክክር

​በባሕር ዳርቻዎች ታላቅ ሥነ-ሥርዓት ይደረጋል። ጳጳሱ የእንባ ጸሎታቸውን አድርገው መስቀሉን ወደ ጥልቁ ባሕር ይወረውራሉ። ወጣቶች ወደ ማዕበሉ ይተኮሳሉ። ያ መስቀል የጠፋው ሰላማቸው፣ የጠፋው ተስፋቸው ነው። መስቀሉን ይዞ የሚወጣው ወጣት ሲያለቅስ፣ መላው ሕዝብ አብሮት ይዘምራል። ያ ድል የግል ሳይሆን፣ የሰው ልጅ ሁሉ በክርስቶስ ያገኘው ድል ነው።

​4. ግብፅ (ኮፕቲክ)፡ ጥንታዊው የእንባ ጸሎት

​የኮፕቲክ ቤተክርስቲያን በጥንታዊው "ላቃን" ጸሎት ታከብራለች። ምእመናን በዮርዳኖስ ዳርቻ እንደቆሙ አስበው "ጌታ ሆይ ማረን" እያሉ ይለምናሉ። ቁልቃስና ሸንኮራ አገዳ እየበሉ፣ የጥምቀትን ጣፋጭነትና በውኃ ውስጥ ተቀብሮ የመነሳትን ምስጢር ያስባሉ።

​5. ኤርትራ፡ የዝማሬና የጽናት በዓል

​እንደ ኢትዮጵያ ሁሉ፣ በአሥመራ ከተማ በሚደረገው የባሕር ማርከፍከፍ ሥነ-ሥርዓት፣ ሺዎች በአንድ ድምፅ "ጌታ ተጠመቀ" እያሉ ይዘምራሉ። ያ ዝማሬ በጦርነትና በመከራ ውስጥ ለኖረ ሕዝብ ተስፋ የሚሰጥ የሰላም ዝማሬ ነው።

​6. ህንድ (ማላንካራ)፡ የብርሃንና የችቦ ሰልፍ

​በኬረላ ግዛት፣ ምእመናን የዘንባባ ቅጠሎችን አቃጥለው በቤተክርስቲያን ዙሪያ ይዞራሉ። "ክርስቶስ ብርሃን ነው" እያሉ ሲዘምሩ፣ ያ የችቦ ብርሃን በጨለማ ውስጥ ለሚኖሩ ሁሉ የዮርዳኖስ ብርሃን መድረሱን ያበስራል።

​7. ሰርቢያ፡ የጀግንነትና የሰላምታ ዕለት

​ሰዎች ሲገናኙ "ክርስቶስ ተገለጠ". (Bogojavljenje) ይባባላሉ። ወጣቶች በመስቀል ሩጫ ቀዝቃዛውን ወንዝ ሲቀዝፉ፣ የክርስቶስን መከራና ትንሣኤ በልባቸው ያሰላስላሉ።

​8. ቡልጋሪያ፡ የበረዶው ዳንስ (Icy Horo)

​ወንዶች ወገባቸው ድረስ በበረዶ ወንዝ ውስጥ ገብተው ባሕላዊውን ዳንስ ይጨፍራሉ። ይህ ለጥንካሬ ብቻ ሳይሆን፣ "በማንኛውም መከራ ውስጥ ሆነን ጌታችንን እናመሰግናለን" የሚል ጥልቅ መልእክት አለው።

​9. ሮማንያ፡ የፈረሶች በረከት

​ገበሬዎች ፈረሶቻቸውን አሳምረው ያመጣሉ። ካህናት ፈረሶቹንና ባለቤቶቻቸውን ይባርካሉ። ይህ ፍጥረት ሁሉ በጥምቀት እንደተቀደሰ የሚያሳይ ልብ የሚነካ ትዕይንት ነው።

​10. ዩክሬን፡ የበረዶ መሠዊያዎች

​በወንዞች ዳርቻ ከበረዶ የታነጹ ውብ መሠዊያዎች ይዘጋጃሉ። ሕዝቡ በበረዶው ላይ ተንበርክኮ ሲጸልይ፣ የክርስቶስን ትሕትና እያሰቡ ይረካሉ።

​11. ጆርጂያ፡ የጋራ ጥምቀት

​ፓትርያርኩ በመቶዎች የሚቆጠሩ ሕፃናትን በአንድ ላይ ያጠምቃሉ። የሕፃናቱ ለቅሶና የቤተሰቡ ደስታ ተቀላቅሎ "የእግዚአብሔር መንግሥት ለነዚህ ለሕፃናት ናት" የሚለውን ቃል ያስታውሳል።

​12. ቆጵሮስ፡ የእርግቦች በረራ

​መስቀሉ ባሕር ውስጥ ሲጣል ሦስት ነጭ እርግቦች ይለቀቃሉ። ይህም መንፈስ ቅዱስ በርግብ አምሳል መውረዱን እያስታወሰ የሰላምን የምሥራች ያበስራል።

​13. አርሜኒያ፡ የመስቀል አባት

​ልደትንና ጥምቀትን በአንድ ቀን ሲያከብሩ፣ "የመስቀል አባት" የሚሆን ሰው ይመረጣል። ይህ ሰው መስቀሉን ከውኃው ሲያወጣ፣ ሕዝቡ ሁሉ በደስታና በእንባ ሆኖ ጌታውን ያመሰግናል።

​14. ሶርያ፡ የወይራ ቅጠልና ሰላም

​ካህኑ የወይራ ቅጠሉን በተባረከ ውኃ ውስጥ ነክሮ ሕዝቡን ይባርካል። በጦርነትና በስደት ያለ ሕዝብ "ሰላምን ስጠን" እያለ የሚያፈሰው እንባ የዮርዳኖስን መለኮታዊ ኃይል ይማጸናል።

​15. ሊባኖስ፡ የቤቶች በረከት

​በሌሊት ውኃ በረከት ያገኛል ተብሎ ስለሚታመን፣ ሰዎች በቤታቸው ውኃ አዘጋጅተው ይጠባበቃሉ። "ጌታ ሆይ ወደ ቤቴ ግባ" የሚል ጸሎት በእያንዳንዱ ቤት ይሰማል።

​16. ሞንቴኔግሮ፡ የጽናት ጉዞ

​በቀዝቃዛው ባሕር ውስጥ መስቀሉን ለማግኘት የሚደረገው ፉክክር፣ የሰው ልጅ ወደ እግዚአብሔር ለመድረስ የሚያደርገውን የሕይወት ትግል ያመለክታል።

​የክርስቶስ ትሕትና እና የሰይጣን ሽንፈት

​ጥምቀት ማለት የአዳም የባርነት ደብዳቤ የተቀደደበት ዕለት ነው። አዳም ከገነት ሲወጣ "ባሪያህ ነኝ" ብሎ ለሰይጣን የፈረመው ደብዳቤ በዮርዳኖስ ባሕር ውስጥ እንደተቀበረ ይነገራል። ክርስቶስ ወደ ውኃው በገባ ጊዜ ያንን ደብዳቤ ደመሰሰው።

​ጌታ ራቁቱን በዮርዳኖስ የቆመው፣ እኛን በልጅነት ልብስ ሊያለብሰን ነው። እርሱ በትሕትና ጎንበስ ሲል፣ እኛ በክብር ቀና እንድንል አደረገን። ጥምቀት ሦስት ጊዜ መጥለቅ ያለው ለዚህ ነው፡ ሦስት መዓልትና ሦስት ሌሊት በመቃብር የመቆየቱና በሦስተኛው ቀን የመነሳቱ ምሳሌ።

​ማጠቃለያ፡ ዘላለማዊው ዮርዳኖስ

​ጥምቀት አልቀረም፤ ዛሬም በልባችን ውስጥ ይፈሳል። እያንዳንዱ አማኝ ወደ ጥምቀተ ባሕር ሲሄድ፣ ወደ ዮርዳኖስ ዳርቻ እንደሄደ ይቆጠራል። ያ የሺህ ዓመታት እንባ በጥምቀት ውኃ ታብሷል። 16ቱ አገራት በተለያዩ ቋንቋዎችና ባህሎች ቢያከብሩም፣ ልባቸው ግን በአንድ ዜማ ይመታል፡ "ጌታ ሆይ፣ በትሕትናህ አዳንከን፤ በዮርዳኖስም ልጅነትን ሰጠኸን።"

​ጥምቀት የፍቅር ታሪክ ነው—ፈጣሪ ፍጡሩን ፍለጋ የወረደበት፣ ባሪያውን ነጻ ያወጣበት ታላቅ ምስጢር።

ያልታሰበው የ"ላንቾ" ስንብት፦ ከለቅሶ መልስ የረገፉ ነፍሳት

​በጋሞ ዞን፣ ቦረዳ ወረዳ የሚገኘው የጭልአሼ ደምባ ቀበሌ አየር ዛሬ ረፋዱን በጭጋግና በከባድ ዝምታ ተውጧል። የላንቾ ተዳፋት መንገዶች ለዘመናት የብዙዎችን ጉዞ አስተናግደዋል፤ ዛሬ ግን ያ በጠመዝማዛ ዳገት ላይ የሚገኘው ስፍራ የለቅሶና የደም መድረክ ሆኗል።

​ረፋዱ ፀሐይ ሳትበረታ፣ ሰማዩ ገና በጠዋቱ ወጋገን እያበራ ሳለ፣ 36 ሰዎች በአንድ ክፍት የ"አይሱዙ" የጭነት መኪና ላይ ተጭነው ጉዞ ጀመሩ። እነዚህ ሰዎች ጠዋት ከቤታቸው ሲወጡ፣ የደረሰባቸውን የዘመድ ሀዘን ለመካፈል እና ለሟች ቤተሰቦች መጽናናትን ለመስጠት ነበር። በልባቸው ውስጥ ያለው ሀዘን የሟች እንጂ የራሳቸው ይሆናል ብለው ለአፍታም አላሰቡትም።

​መኪናው በላንቾ ተዳፋት ላይ እየተንቀራፈፈ ወደ ላይ መውጣት ጀመረ። በመኪናው ውስጥ የነበሩት አምስቱ ሟቾች—አራቱ ወንዶች እና አንዲት ሴት—ስለ ህይወት አጭርነት እያወሩ፣ እርስ በእርስ እየተጽናኑ ነበር። መኪናው የዳገቱን አናት ሊጨርስ ጥቂት ሜትሮች ሲቀሩት ግን፣ ያ ያልታሰበው መርዶ መጣ።

​ድንገት የአሽከርካሪው ትግል ተሰማ። የብረት ጩኸት፣ የፍሬን መላላጥ ድምፅ እና የመኪናው አቅጣጫውን ስቶ ወደኋላ መምዘግዘግ በአይን ጥቅሻ ውስጥ ተከናወነ። መኪናው ወደኋላ ሲንሸራተት፣ በውስጡ የነበሩት መንገደኞች ጩኸት ከላንቾ ተራራዎች በላይ አስተጋባ። "አድኑን!" "የአምላክ ያለህ!" የሚሉ ጩኸቶች በአየር ላይ ተበተኑ። መኪናው ፍሬን ስቶ ወደኋላ መቁጠር ሲጀምር፣ ከሌላ ተሽከርካሪ ጋር ተጋጭቶ በታላቅ ድምፅ ተገላበጠ።

​የመኪናው ብረት ሲጨፈለቅ፣ የሰዎች ህይወት እንደ ቅጠል ረገፈ። አቧራው ሲገፈፍ ያ ታላቅ ሰቆቃ ለዓይን ግልፅ ሆነ። በዚያ ክፍት መኪና ላይ ተጭነው የነበሩ ንጹሃን ዜጎች በየቦታው ተዘረሩ። አራቱ ወንዶች እና አንዲት ሴት በዚያው ቅጽበት ነፍሳቸው ከስጋቸው ተለየች። ለቅሶ ደርሰው ሊያለቅሱ የሄዱት፣ ራሳቸው አስለቃሽ ሆኑ። የለቅሶው ቤት ባለቤቶች ዛሬ ሌላ ለቅሶ እንዲቀመጡ ተገደዱ።

​በአደጋው የሞቱት ወገኖቻችን ብቻ አይደሉም፤ ተስፋቸው የተቆረጠ ቤተሰቦች፣ ባልቴት የሆኑ ሚስቶች፣ አባት አልባ የሆኑ ህፃናት እና ልጃቸውን ያጡ ወላጆች አሉ። አንዲት እናት ጠዋት ልጇን "በሰላም ተመለስ" ብላ መርቃ ሸኝታ፣ ማታ አስከሬኑን ስትቀበል የሚሰማው ሰቆቃ የሚገልጸው ቃል የለውም።

​ከአምስቱ ሟቾች በተጨማሪ፣ ሰባት ሰዎች በሞት እና በህይወት መካከል ሆነው በከፍተኛ ህክምና ላይ ይገኛሉ። ቤተሰቦቻቸው በሆስፒታል በረንዳ ላይ ቆመው፣ በጭንቀት ፈጣሪያቸውን እየለመኑ ነው። የቀሩት 24 ሰዎች ደግሞ ቀላል እና ከባድ የአካል ጉዳት ደርሶባቸዋል። ህመሙ የአካል ብቻ አይደለም፤ ያንን አሰቃቂ አደጋ በአይናቸው ያዩ፣ ጓደኞቻቸው ሲሞቱ የተመለከቱ ተጓዦች የስነ-ልቦና ጠባሳው ለዘላለም አብሯቸው ይኖራል።

​የትራፊክ ፖሊስ ባደረገው የመጀመሪያ ደረጃ ምርመራ፣ አደጋው የተከሰተው በቴክኒክ ብልሽት—በተለይም በፍሬን መበላሸት—እና ተገቢ ካልሆነ የሰው ጭነት ጋር ተዳምሮ ነው። የቦረዳ ወረዳ መልክአ ምድራዊ አቀማመጥ ዳገታማ እና ጠመዝማዛ መሆኑ ይታወቃል።

በእንደዚህ ዓይነት አስቸጋሪ መንገድ ላይ፣ ለጭነት የተሰራን መኪና ለሰው ማመላለሻነት መጠቀም አደጋው የከፋ እንዲሆን አድርጎታል።
​የወረዳው አስተዳደር እና የፖሊስ መምሪያ ለሟች ቤተሰቦች መጽናናትን ተመኝተዋል። ነገር ግን መጽናናት ብቻውን በቂ አይደለም። ዛሬ በቦረዳ ወረዳ የሚሰማው የለቅሶ ድምፅ፣ ነገ በሌላ ቦታ እንዳይደገም ከባድ ትምህርት መወሰድ አለበት። አሽከርካሪዎች ለጥቂት ሳንቲም ብለው ሰውን እንደ ጭነት መቆለል ማቆም አለባቸው።

አንድ የተላላጠ ፍሬን፣ አንድ ያልታየ የቴክኒክ ብልሽት፣ የአምስት ቤቶችን መብራት በአንዴ ሊያጠፋ እንደሚችል ዛሬ በላንቾ ተዳፋት ላይ የታየው ሀቅ ምስክር ነው።

​ዛሬ ምሽት በቦረዳ ወረዳ አምስት ቤቶች ውስጥ እንጀራ አይጋገርም፤ አምስት ቤቶች ውስጥ ሳቅ አይሰማም። ይልቁንም፣ መሪር ለቅሶና ሰቆቃ መንደሩን ቀጥቅጦታል። ያቺ የላንቾ ዳገት ዛሬ የደም ታሪክ ይዛ አድራለች። የሰው ህይወት ከብረትና ከገንዘብ በላይ መሆኑን የምንረዳው፣ እንዲህ ያሉ መራራ ዋጋዎችን ስንከፍል መሆኑ እጅግ ያሳዝናል።

​ለሟቾች ዘላቂ እረፍትን፣ ለተጎዱት ፈጣን ማገገምን፣ ለቤተሰቦቻቸው ደግሞ ከባድ መጽናናትን እንመኛለን።

ተመራማሪዎች ለኩላሊት በሽታ ትክክለኛውን መንስኤ አገኘን እያሉ ነው

​የኩላሊት በሽታ የሚከሰተው ለምንድን ነው? በቂ ውሃ ባለመጠጣት ብቻ ነው ወይስ በኩላሊት በሽታ ላይ ተጽዕኖ የሚያሳድር ሌላ ምክንያት ከጀርባው አለ? ተመራማሪዎች እንደሚሉት አንድ ልዩ ዓይነት ስብ በኩላሊት በሽታ ላይ ተጽዕኖ ያሳድራል።

ይህም የሰውነትን ኃይል አምራች ሕዋሳት (ሚቶኮንድሪያ) ያዳክማል። በውጤቱም ኃይል የማምረት ሂደቱ ይስተጓጎላል። ሕዋሳቱን ኃይል አልባ በማድረግ ኩላሊቶችን በቀጥታ ይጎዳል። የኩላሊቶችን ጤናማና ጠንካራ ሕዋሳት አንድ በአንድ ማጥፋት ይጀምራል። በዚህም ምክንያት የሚከሰተው በሽታ 'አጣዳፊ የኩላሊት ጉዳት' (Acute Kidney Injury) ይባላል።

ይህ ደግሞ የመነሻው ደረጃ ነው። የኩላሊት ሕዋሳት ይጎዳሉ፣ በመጨረሻም የኩላሊት መሥራት ማቆም (Kidney failure) ይጀምራል።

​የዩታህ ዩኒቨርሲቲ ከሃርቫርድ የሕክምና ትምህርት ቤት ጋር በዚህ ጥናት ውስጥ ተሳትፏል። እዚያ ያሉት ተመራማሪዎች የዚያ ንጥረ ነገር ስም "ሴራሚድ" መሆኑን ገልጸዋል። ይህ ንጥረ ነገር በሁሉም ሰው አካል ውስጥ ይገኛል። ሆኖም ግን፣ ብዙ የውጭ ምግብ፣ የተዘጋጁ ምግቦች ወይም ጤናማ ያልሆኑ ምግቦች ስንመገብ መጠኑ ይጨምራል።

ይህ ሴራሚድ በብዛት ከደም ጋር ሲዋሃድ ሚቶኮንድሪያን ያጠቃል። ሚቶኮንድሪያ ደግሞ የሰውነታችሁ ኃይል አምራች ሕዋሳት ናቸው። እዚያም ለሕዋሳት ኃይል (ATP) ይፈጠራል። በተጨማሪም ሕዋሳት በመወለድና በመሞት፣ ካልሲየም በማከማቸት እና ምልክቶችን በመለዋወጥ ረገድ ትልቅ ሚና ይጫወታል።

ሚቶኮንድሪያ ሲጎዳ፣ በሕዋሳቱ ውስጥ ኃይል የማመንጨት ሂደቱ ይስተጓጎላል። በውጤቱም የሕዋሳቱ መከላከያ ጋሻ ይወድማል። በዚህ አጋጣሚ ሴራሚድ የኩላሊት ሕዋሳትን ያጠቃል።

​ተመራማሪዎች እንዳስታወቁት ከመጠን በላይ የሆነ ሴራሚድ በኩላሊት ሕዋሳት ውስጥ ያሉትን ሚቶኮንድሪያዎችን በሙሉ ሊያጠፋና ጤናማ የኩላሊት ሕዋሳት ከጥቅም ውጭ እንዲሆኑ ሊያደርግ ይችላል።

​ተመራማሪዎች ይህን በአይጥ ላይ ሞክረው ከፍተኛ የሴራሚድ መጠን የኩላሊት ሥራ ማቆም ምልክቶችን እንደሚያስከትል አረጋግጠዋል። የሴራሚድ መጠንን መቀነስ ደግሞ የኩላሊት ሥራን ቀስ በቀስ ይመልሳል።

ተመራማሪዎች የሴራሚድ መጠንን መቆጣጠር ከተቻለ፣ የኩላሊት በሽታ ተጋላጭነትን ሙሉ በሙሉ መቀነስ እንደሚቻል ይናገራሉ።

​በዚህ ጊዜ የሴራሚድ መጠንን ለመቀነስ ልዩ መድኃኒቶችን መውሰድ ወይም መርፌ መወጋት ያስፈልጋል።

ተመራማሪዎች ሴራሚድ እንዴት መቆጣጠር እንደሚቻል ለማወቅ እየሞከሩ ነው። እንዲያውም በሰዎች ላይም እየሞከሩ ነው።
​ተመራማሪዎች "ሴራሚድ መቆጣጠሪያ ሕክምና" (Ceramide Control Therapy) ምን ያህል ውጤታማ እንደሆነ እየሞከሩ ነው።

በዚህ ሕክምና ውስጥ የገቡት ሰዎች ሁሉ የኩላሊት በሽታ ከእነሱ እየተወገደ እንደሆነም ተገልጿል። ከሕክምናው በኋላ በታካሚው አካል ላይ አንዳንድ ለውጦች ታይተዋል፦

​የተጎዱት የኩላሊት ሕዋሳት ተስተካክለዋል።
​በዘላቂ የኩላሊት በሽታ የሚሰቃዩ ሰዎች የዲያሊሲስ ፍላጎት በእጅጉ ቀንሷል።

​የሰውነት መከላከያ ኃይል (Immunity) በከፍተኛ ሁኔታ ጨምሯል።

​ሆኖም ግን ተመራማሪዎቹ ጥናቱ በትልቅ ደረጃ ሊደረግ እንደሚገባ ተናግረዋል። ሕክምናው የሚደረገው በታካሚው አካላዊ ሁኔታ ላይ ተመስርቶ ይሆናል። በሁሉም ሰው ላይ ተመሳሳይ ውጤታማ ውጤት ከሰጠ፣ የኩላሊት በሽታዎችን ለመፈወስ ሕክምናው ተግባራዊ እንደሚሆን ተመራማሪዎቹ ገልጸዋል።

seledadotio
seledadotio

ተመራማሪዎች ለኩላሊት በሽታ ትክክለኛውን መንስኤ አገኘን እያሉ ነው

​የኩላሊት በሽታ የሚከሰተው ለምንድን ነው? በቂ ውሃ ባለመጠጣት ብቻ ነው ወይስ በኩላሊት በሽታ ላይ ተጽዕኖ የሚያሳድር ሌላ ምክንያት ከጀርባው አለ? ተመራማሪዎች እንደሚሉት አንድ ልዩ ዓይነት ስብ በኩላሊት በሽታ ላይ ተጽዕኖ ያሳድራል።

ይህም የሰውነትን ኃይል አምራች ሕዋሳት (ሚቶኮንድሪያ) ያዳክማል። በውጤቱም ኃይል የማምረት ሂደቱ ይስተጓጎላል። ሕዋሳቱን ኃይል አልባ በማድረግ ኩላሊቶችን በቀጥታ ይጎዳል። የኩላሊቶችን ጤናማና ጠንካራ ሕዋሳት አንድ በአንድ ማጥፋት ይጀምራል። በዚህም ምክንያት የሚከሰተው በሽታ 'አጣዳፊ የኩላሊት ጉዳት' (Acute Kidney Injury) ይባላል።

ይህ ደግሞ የመነሻው ደረጃ ነው። የኩላሊት ሕዋሳት ይጎዳሉ፣ በመጨረሻም የኩላሊት መሥራት ማቆም (Kidney failure) ይጀምራል።

​የዩታህ ዩኒቨርሲቲ ከሃርቫርድ የሕክምና ትምህርት ቤት ጋር በዚህ ጥናት ውስጥ ተሳትፏል። እዚያ ያሉት ተመራማሪዎች የዚያ ንጥረ ነገር ስም "ሴራሚድ" መሆኑን ገልጸዋል። ይህ ንጥረ ነገር በሁሉም ሰው አካል ውስጥ ይገኛል። ሆኖም ግን፣ ብዙ የውጭ ምግብ፣ የተዘጋጁ ምግቦች ወይም ጤናማ ያልሆኑ ምግቦች ስንመገብ መጠኑ ይጨምራል።

ይህ ሴራሚድ በብዛት ከደም ጋር ሲዋሃድ ሚቶኮንድሪያን ያጠቃል። ሚቶኮንድሪያ ደግሞ የሰውነታችሁ ኃይል አምራች ሕዋሳት ናቸው። እዚያም ለሕዋሳት ኃይል (ATP) ይፈጠራል። በተጨማሪም ሕዋሳት በመወለድና በመሞት፣ ካልሲየም በማከማቸት እና ምልክቶችን በመለዋወጥ ረገድ ትልቅ ሚና ይጫወታል።

ሚቶኮንድሪያ ሲጎዳ፣ በሕዋሳቱ ውስጥ ኃይል የማመንጨት ሂደቱ ይስተጓጎላል። በውጤቱም የሕዋሳቱ መከላከያ ጋሻ ይወድማል። በዚህ አጋጣሚ ሴራሚድ የኩላሊት ሕዋሳትን ያጠቃል።

​ተመራማሪዎች እንዳስታወቁት ከመጠን በላይ የሆነ ሴራሚድ በኩላሊት ሕዋሳት ውስጥ ያሉትን ሚቶኮንድሪያዎችን በሙሉ ሊያጠፋና ጤናማ የኩላሊት ሕዋሳት ከጥቅም ውጭ እንዲሆኑ ሊያደርግ ይችላል።

​ተመራማሪዎች ይህን በአይጥ ላይ ሞክረው ከፍተኛ የሴራሚድ መጠን የኩላሊት ሥራ ማቆም ምልክቶችን እንደሚያስከትል አረጋግጠዋል። የሴራሚድ መጠንን መቀነስ ደግሞ የኩላሊት ሥራን ቀስ በቀስ ይመልሳል።

ተመራማሪዎች የሴራሚድ መጠንን መቆጣጠር ከተቻለ፣ የኩላሊት በሽታ ተጋላጭነትን ሙሉ በሙሉ መቀነስ እንደሚቻል ይናገራሉ።

​በዚህ ጊዜ የሴራሚድ መጠንን ለመቀነስ ልዩ መድኃኒቶችን መውሰድ ወይም መርፌ መወጋት ያስፈልጋል።

ተመራማሪዎች ሴራሚድ እንዴት መቆጣጠር እንደሚቻል ለማወቅ እየሞከሩ ነው። እንዲያውም በሰዎች ላይም እየሞከሩ ነው።
​ተመራማሪዎች "ሴራሚድ መቆጣጠሪያ ሕክምና" (Ceramide Control Therapy) ምን ያህል ውጤታማ እንደሆነ እየሞከሩ ነው።

በዚህ ሕክምና ውስጥ የገቡት ሰዎች ሁሉ የኩላሊት በሽታ ከእነሱ እየተወገደ እንደሆነም ተገልጿል። ከሕክምናው በኋላ በታካሚው አካል ላይ አንዳንድ ለውጦች ታይተዋል፦

​የተጎዱት የኩላሊት ሕዋሳት ተስተካክለዋል።
​በዘላቂ የኩላሊት በሽታ የሚሰቃዩ ሰዎች የዲያሊሲስ ፍላጎት በእጅጉ ቀንሷል።

​የሰውነት መከላከያ ኃይል (Immunity) በከፍተኛ ሁኔታ ጨምሯል።

​ሆኖም ግን ተመራማሪዎቹ ጥናቱ በትልቅ ደረጃ ሊደረግ እንደሚገባ ተናግረዋል። ሕክምናው የሚደረገው በታካሚው አካላዊ ሁኔታ ላይ ተመስርቶ ይሆናል። በሁሉም ሰው ላይ ተመሳሳይ ውጤታማ ውጤት ከሰጠ፣ የኩላሊት በሽታዎችን ለመፈወስ ሕክምናው ተግባራዊ እንደሚሆን ተመራማሪዎቹ ገልጸዋል።

🎯ኩላሊት የሚጎዱ ልማዶች

አሳሳቢ የሆነው የኩላሊት ህመም ቀድሞ መከላከያ መንገዶችን ያውቃሉ ?

ብዙ ልማዶች ለኩላሊት ህመም ምክንያት ናቸው እነዚህም

🔹ሽንትን መቋጠር

ሽንት በፊኛ ውስጥ ረጅም ሰአት ሲቆይ በውስጡ የሚያድጉት ባክቴሪያዎች ይበራከታሉ። እንዚህ ባክቴሪያዎች የሽንት ቧንቧ ወይም የኩላሊት ኢንፌክሽን ሊያመጡ ይችላሉ። ሽንትን መያዝ ኩላሊት ላይ በሚያደርሰው ጫናም ኩላሊት ተጎድቶ ሽንትን የመቆጣጠር ችሎታችንን ሊያጠፋ ይችላል።

🔹በቂ ውሃ አለመጠጣት

አንድ ሰው በቀን ቢያንስ ከ10 እስከ 12 ብርጭቆ ውሃ መጠጣት አለበት።

🔹ጨው ማብዛት

ብዙ ጨው መመገብ ኩላሊታችን ላይ ከፍተኛ ጉ በምንመገበው ጨው የሚገኘውን ሶዲየም 95% ያህሉ በኩላሊታችን ነው የሚቀየረው። ጨው ስናበዛ ኩላሊታችን ጨውን ለማጣራት ይበልጥ መስራት ይኖርበታል።

🔹የህመም ማስታገሻ መድሃኒቶችን ማዘውተር

የኩላሊት ህመም ካለብዎ ዶክተርዎን ሳያማክሩ የህመም ማስታገሻ መድሃኒቶችን አይጠቀሙ።

🔹ፕሮቲን ያላቸው ምግቦች ማብዛት

🔹መጠጥ ማብዛት

መጠጥ ሲበዛ  ኩላሊታችን አደጋ ላይ ይወድቃል ። መጠጥ ኩላሊታችን እና ጉበታችን ላይ ከፍተኛ ጫና ያሳድራል።

🔹ሲጋራ ማጨስ

🔹ቀላል ኢንፌክሽኖችን በግዜው አለመታከም።

seledadotio
seledadotio

ትራምፕ በአሜሪካ ከሶማሊያ ሀገር የሚመጡ ሰዎችን ማየት እንደማይፈልጉ ተናገሩ

👉 ትራምፕ የሶማሊያ ስደተኞችን ቆሻሻ ማለታቸውን ኢልሃን ኦማር ተቃውማለች

የአሜሪካው ፕሬዝዳንት ዶናልድ ትራምፕ የሶማሊያ ስደተኞችን በአሜሪካ ማየት እንደማይፈልጉ ለጋዜጠኞች ተናግረዋል። "ወደ መጡበት ይመለሱ" እና። "ሀገራቸው በምንም ምክንያት አይጠቅምም" ሲሉ ትራምፕ ተደምጠዋል። የካቢኔ ስብሰባ ላይ ትራምፕ እንደተናገሩት "እውነት ለመናገር ያህል በእኛ ሀገር ላያቸው አልፈልግም" ብለዋል።

ትራምፕ በጥላቻ ንግግራቸው “ቆሻሻን ወደ አገራችን ብንወስድ አሜሪካ በተሳሳተ መንገድ ትሄዳለች” ብለዋል። ይህንን አሳፋሪ አስተያየት ትራምፕ የሰጡት በሚኒሶታ ሰፊውን የሶማሊያ ማህበረሰብ የማባረር ዘመቻ ለማድረግ ማቀዳቸውን ተከትሎ ነው።የግዛቱ ባለስልጣናት እቅዱን ከምስራቅ አፍሪካዊቷ ሀገር የመጡ አሜሪካዊያን ዜጎችን ኢ-ፍትሃዊ በሆነ መንገድ ሊያጠፋ ይችላል ሲሉ አውግዘዋል።

መንትያ ከተሞች በመባል የሚታወቁት ሚኒያፖሊስ እና ሴንት ፖል በዓለም ላይ ከፍተኛው ከሶማሊያ ሀገር የሚመጡ ዜጎች በዩናይትድ ስቴትስ የሚኖሩበት ነው። ለሰዓታት የዘለቀው የካቢኔ ስብሰባ ማብቂያ ላይ ማክሰኞ እለት ትራምፕ በሰጡት አስተያየት “በእኛ ሀገር አልፈልጋቸውም። እውነት እላችኋለሁ “ በፖለቲካዊ መልኩ ትክክል ባልሆን እንኳን”  ምንም አይመስለኝም በአገራችን አልፈልጋቸውም ሲሉ ተደምጠዋል።

በመቀጠልም ኢልሀን ኦማርን ተችተዋል። የዲሞክራት ተወካይ እና የመጀመሪያዋ የሶማሊ-አሜሪካዊ በኮንግረሱ ከተመረጠችው ኢልሀን ኦማር ጋር ትራምፕ ደጋግመው ሲጋጩ ቆይተዋል። "ሁልጊዜ እመለከታታለሁ" ያሉት ትራምፕ ኢልሀን ኦማት "ሁሉንም ሰው ትጠላለች እናም እሷ ብቁ ያልሆነ ሰው ነች ብዬ አስባለሁ" ብለዋል። ኢልሃን ኦማር በማህበራዊ ድህረ ገጿ ላይ በሰጠችው የአፀፋ ምላሽ "በእኔ ላይ ያለው ስሜት በጣም አሳፋሪ ነው" ብላለች። በጣም የሚፈልገውን እርዳታ እንደሚያገኝ ተስፋ አደርጋለሁ ስትል አክላለች።

seledadotio
seledadotio

በፍ/ስ/ስ/ሕግ 154 መሠረት የሚሰጡ እግዶች

(Fantahun Delelew. LLB,LLM በፌደራል ማናቸውም ፍርድ ቤት ጠበቃና የህግ አማካሪ) 0929101037/0983337690

መግቢያ #ethiopia | እግድ በፍ/ስ/ስ/ህግ ቁጥር 154 መሠረት ተጠይቆ ሊታገድ የሚችለው ተከሳሽ የሆነው ወገን ንብረቱን ወይንም ገንዘቡን ሊያሸሽ ይችላል ተብሎ በቃላመሀላ የተደገፈ አቤቱታ በከሳሽ ሲጠየቅ ነው። ፍርድ ቤቱም ይህን ከህግ አግባብ መርምሮ እግዱን የሚሰጥበት አግባብ የሚኖር ሲሆን ተቀባይነት የሌለው መሆኑን መሥሎ ከታየው እግዱን ላይሰጥ ይችላል። ከዚህ ጋር ተያይዞ እግድ እንዴት ይሰጣል? ከሚታገዱት ንብረቶች ባህርይ እና ከፍ/ስ/ስ/ህጋችን አንጻር እንዴት ይተገበራል? በሚልና ተያያዥ ጉዳዮች ላይ የህግ ግንዛቤ መስጠቱ አስፈላጊ በመሆኑ ይህ ጽሁፍ ቀርቧል። እግድ በፍ/ስ/ህጋችን በ3ኛው መጽሀፍ በምእራፍ አምስት ክፍል ሶስት ላይ የተቀመጠ ሲሆን አጠቃላይ ምእራፍ አምስት ስር የተቀመጡት ድንጋጌዎች በባህርያቸው ከንብረት እግድ ጋር የተያያዙ ናቸው። እነዚህም ከንብረት ማስከበር ፥ ለክርክር ውሳኔ አፈጻጸም ዋስትና ተከሳሽ እንዲያስዝ ፣ ንብረት ማሸግ የመሳሰሉ እንደ ባህሪያቸው በክፍል በክፍል ተቀምጠዋል። እነዚህን አጠቃላይ አያይዞ ለማህበረሰቡ የህግ ግንዛቤ እንዲያድግ አስፈላጊና ወደፊት የሚታሰብበት ሆኖ ነገር ግን ለዚህ ጽሁፍ ስለ እግድ በተመለከተ በዚህ አጭር ጽሁፍ መሠረታዊ ናቸው በማለት ጸሀፊው ያሰባቸውን የህግ ግንዛቤ ለማከል ቀርበ እንጂ ከዚህ በተሻለ በሰፊው ሊቀርብ የሚችል የህግ ክፍል ነው። ያንብቡ ያተርፉበታል።

1. ለእግድ መነሻ ምክንያት
በመግቢያው እንደገለጽነው አንደ ሰው በጉዳዩ ላይ እግድ የሚያሰጠው ለክርክሩ መነሻ በሆነው ንብረት ወይም ገንዘብ ላይ መብት ወይም ጥቅም ያለው መሆኑን ለፍርድ ቤት በክሱ ላይ ለዚህም ተገቢነት ያላቸውን ማስረጃዎችን በማቅረብ ሲሆን በዚህም የከሳሽ መብትና ጥቅም ያለበት ተከሳሽ ንብረቱን ለማሸሽ ያቀደ የዛተ ያሰበ መሆኑን በቃለመሀላ ወይም በሌላ ማስረጃ ያረጋገጠ እንደሆነ መሆኑን በፍ/ስ/ስ/ ህግ ቁጥር 154 ላይ ተደንግጎ ከተቀመጠው መንፈስ መረዳት የሚቻል ነው።
2. ክስ ስለቀረበበት ማናቸውም ወገን ንብረቱ ወይም ገንዘቡ ሊታገድበት የማይችል ስለመሆኑ
በመጀመሪያ አንድ ክስ ወደ ፍርድ ቤት ሲቀርብ በፍ/ስ/ስ/ህግ ቁጥር 222፥223፥229 እና 230 መሠረት ወደ ፍርድ ቤት ዳኛ ዘንድ ከመቅረቡ በፊት ሬጀስትራር ዘንድ በመቀረብ ክሱ በፍ/ስ/ስ/ህግ ቁጥር 222 መሠረት የተሟላ ስለመሆኑ ያረጋግጣል።በዚህም መሠረት የክሱን ምክንያት ፣ስልጣኑን፣ተከሳሽ በጉዳዩ የሚያገባው ስለመሆኑ ዝርዝር ነገሮች እንዲሁም ይህን ሊያረጋግጡ የሚችሉ አባሪ ማስረጆች ስለመያያዛቸው እና ስለመረጋገጣቸው በአግባቡ ሌሎች የተዘረዘሩትን ጭምር የተሟሉ ስለመሆኑ በማረጋገጥ ከተሟሉ አስፈላጊውን የምዝገባ ስነስረአት አከናውኖ ወይም ተከናውኖ ወደ ዳኛው እንዲደርስ ይደረጋል። ካልተሟላ ተቀባይነት የሌለው መሆኑን በመግለጽ ክሱን ወይም አቤቱታውን መዝግቦ ይመልሳል። በሬጅስትራር የቀረበው አቤቱታ ተቀባይነትን ያጣ እንደሆነ ሳይታገድ አቤቱታው ይመለሳል። ይሁን እንጂ የክሱ አቤቱታ በሬጅስትራር ተቀባይነትን ያጣ እንደሆነ አቤቱታውን በቅሬታ መልክ ዳኛው ዘንድ በማቅረብ ጉዳዩ እንዲታይለት ማድረግ ይችላል። 232/1/ሀ/ ዳኛው ካመነበት አቤቱታውን እንዲቀበል በማድረግ ክሱ አስፈላጊውን የክስ አቤቱታ አሟልቷል አላሟላም አቤቱታው ያስከስሳል ወይንስ አያስከስስም እንዲሁም ጉዳዩን ተቀብሎ ለማየት ፍርድ ቤቱ ስልጣን አለው ወይንስ የለውም የሚለወን በተመለከተ መርምሮ አጣርቶ ተቀባይነት ያለው እንደሆነ እንደ አግባብነቱ እግድ የሚሰጥ ይሆናል።

3. ዳኛው ክሱ ሲቀርብለት የሚመረምራቸው ጉዳዮች
ጉዳዩን የሚመለከተው ዳኛ ዘንድ ክሱ ሲደርስ ዳኛው በወናነት ሁለት መሠረታዊ ነገሮችን ይመረምራል። አንደኛው ፍርድ ቤቱ ጉዳዩን ተቀብሎ ለማየት ስልጣን አለው ወይንስ የለውም የሚለውን ነጥብ በተመለከተ ነው። ፍርድ ቤት የስረ ነገር ወይም የግዛት ስልጣን ጉዳዩን ለመመልከት ከሌለው መዝገቡን በመዝጋት እግድ ሳይሰጥበት ያሰናብታል ማለት ነው። ሁለተኛው በተመለከተ ክሱ ያስከስሳል ወይንስ የማያስከስስ ነው ወይ የሚለውን በተመለከተ ነው። እንደሚታወቀው የፌደራልም ሆነ የክልሎች የስረ ነገር ስልጣን በአይነት(subject mater) ሆነ በገንዘብ(pecuniary matter) ምን ምን ጉዳዮችን ፍርድ ሊመለከት እንደሚችል የተደነገገ ነው። እነዚህ ሊያስከስሱ የሚችሉ ነገሮች(justiceble matters) የህግ ማእቀፍ ያላቸው ጉዳዩ በህግ ጥበቃ ያደረገላቸው ናቸው። በዚህ መሠረት ሊያስከስስ ይችላል ወይንስ አይችልም የሚለውን በተመለከተ በደንብ ሊመረምር ያስፈልጋል። ከዚህ አንጻር ፍርድ ቤቱ ስልጣን የሌለው ወይም ጉዳዩ የማይስከስስ እንደሆነ ፍርድ ቤቱ እግድ ሳይሰጥ መዝገቡን በመዝጋት ወደ መዝገብት እንዲመለስ ትእዛዝ ይሰጣል። ከዚህ ባለፈ ፍርድ ቤቱ ስልጣን ያለው እና ነገሩም የሚያስከስስ ከሆነ ንብረቱም ለክርክር መነሻ መሆኑን ካረጋገጠ እግድ በመስጠት ተከሳሽ መልሱን ይዞ እንዲቀርብበት ትእዛዝ ይሰጣል።

4. እግድ ከመስጠቱ በፊት ፍርድ ቤት የክሱን ምክንያት ይመለከታል።
ፍርድ ቤቱ ከሳሽ ያቀረበው ለክስ መነሻ ምክንያት የሆነው ጉዳይ
በህግ የሚሰጠው ህጋዊ መፍትሄ አለው ወይ? ከተከሳሽ ጋር የሚያገናኘው ጉዳይ አለው ወይ? ተከሳሽ በኀላፊነት ሊጠየቅበት የሚችለበት ምክንያት አለ ወይ? ለዚህ አስረጂ የሆኑ አግባብነት(relevant) እና አሳማኝ(admissible) የሆኑ ማስረጃዎች ተረጋግጠው ቀርበዋል ወይ በማለት ይመረምራል። ፍርድ ቤቱም የክስ ምክንያት ያለው መሆኑን ሲረዳ በቀረበለት የእግድ አቤቱታ ላይ አስፈላጊውን ምርመራ ያደርጋል።

5. ንብረት ማሳገድ(154) ከንብረት ማስከበር(151) የሚለይበት መሠረታዊ ምክንያት
በፍ/ስ/ስ/ህግ ቁጥር 154 መሠረት ንብረት ማሳገድ ማለት ለክርክር መነሻ የሆነውን ንብረት እንዳይሸጥ እንዳይለወጥ ለሶስተኛ ወገን እንዳይተላለፍ ክርክሩ የመጨረሻ ውሳኔ እስኪያገኝ ድረስ ባለበት እንዲቆይ ሲሆን ንብረት ማስከበር ማለት በፍ/ስ/ስ/ህግ ቁጥር 151 መሠረት ክርክር የተነሳበትን ንብረት ተከሳሹ ባላቀረበ ጊዜ እንዲያቀርብ ወይም ለፍርድ አፈጻጸም ይሆን ዘንድ ተከሳሹ ተመጣጣኝ የሆነ ንብረቱን እንዲያሲዝ የሚጠየቅበት ነው። ይሁን እንጂ በንብረት ማስከበር ደረጃ በፍ/ስ/ስ/ህግ ቁጥር 404 በተዘረዘሩት መሠረት የፍርድ ባለእዳው ኑሮውን ፥ቤተሰቡን ሊያስተዳደር የሚችልባቸው መሠረታዊ የሆኑ ነገሮች ሊከበሩ የማይችሉ ሲሆን ደመወዝ በተመለከተም ከ1/3ኛ በላይ ሊከበር አይችልም።

6.እግድ ሳይሰጥ ቢዘገይ ጉዳት የማያስከትል ከሆነ የተከሳሽነ/ ተጠረ/ ን አስተያየት መስማት አስፈላጊ መሆኑ

ከሳሽ/አመልካች/ እግድ እንዲሰጠው ስላመለከተ ብቻ ወዲያው እግድ ላይሰጥ ይችላል።እግድ ሳይሰጥ መዘግየቱ ጉዳት የማያስከትል መሆኑን ፍርድ ቤቱ የተረዳው እንደሆነ ትእዛዝ ከመሥጠቱ በፊት ለተከሳሽ እንዲያውቀው በማድረግ አስተያየቱን እንዲሰጥበት ይደረጋል። ከዚያም ፍርድ ቤቱ በእግዱ ጥያቄ ላይ አስፈላጊውን ትእዛዝ ይሰጣል። ይሀውም እግድ ሊሰጥበት ወይም ላይሰጥበት የሚችል ይሆናል።

7. በፍ/ስ/ስ/ህግ ቁጥር 155 መሠረት ከሂሳባ ነክ ጋር የተያያዙ እግድ ጥያቄዎች ሲሆኑ
ከሂሳብ ነክ ጋ በተመለከተ በተያያዘ የእግድ ትእዛዞች በከሳሽ ሲጠየቁ ፍርድ ቤቱ አስፈላጊ የሆነ ዋስትና ሊጠይቅ የሚችል ሲሆን አስፈላጊ የሚላቸውን ትእዛዞች ጭምር ሊሰጥ ይችላል።
8. የተሰጠው እግድ ንብረት ቢቆይ ሊበላሽ የሚችል ቢሆንስ
በፍ/ስ/ስ/ህግ ቁጥር 160 መሠረት ድንጋጌ ላይ እንደተቀመጠው የታገደው ንብረት ሊበላሽ የሚችል ከሆነ ከፍርድ በፊት መሸጡ የግድ ወየም የተሻለ ሲሆን በዚህ መልክ ተሽጦ በገንዘብ ሊቀየር እንደሚችል ተደንግጓል። ይህ የታገዱ ሊበላሹ የሚችሉ ንብረቶችን እንዳይበላሹ የሚጠብቅ የህግ ድንጋጌ ነው።

9. እግድ ሲሰጥ ምን ጉዳዮችን መመልከት አለበት?
ፍርድ ቤቱ እግድ የሚሰጥበት ንብረት ወይም ገንዘብ ለክርክሩ መነሻ የሆነው ጉዳይ ስለመሆኑ ማረጋገጥ አለበት። ባይታገድ ኖሮ ንብረቱ የሚሸሽ ፣ የሚጠፋ፣ የሚበላሽ ስለመሆኑ መታወቅ አለበት። ይህንን በቃለመሀላ ወይም በማስረጃ ሊረጋገጥ የሚችል ሲሆን ፍርድ ቤቱ በራሱ ሊያረጋግጥ የሚችልባቸው የምርመራ ሂደቶች ማጣራት ህግ የሚከለክለው አይደለም። ይህም የሚሆነው አላግባብ የዜጎች የሶስተኛ ወገኖች የንብረት ባለቤትነት መብት፣የንግድ ስራ እንቅስቃሴ እና ተያያዥ መብቶች አላግባብ እንዳይታገድ ነው። የማይመለስ ወይም የማይተካ ጉዳት የሚደርስ ስለመሆኑ ማረጋገጥ አለበት። ሌላው ክርክር የተነሳበትን ንብረት ተከሳሽ ሊያሸሸው የሚችለው ስለመሆኑና እያሸሸው ስለመሆኑ መረጋገጥ አለበት። ከሳሽ የሚያረጋግጠው ቃለመሀላ ለከሳሽ ማስረጃ እንጂ እግድ እንዲሰጠው መደምደሚያነት የሚያሰጥ አይደለም። ስለዚህ ከሳሽ ለክርክር መነሻ የሆነው ንብረት መታገዱ ለካሳሽ የዳኝነት መፍትሄ አማራጭ የሌለው ጉዳይ ሲሆን እና ከላይ የተገለጹት ጉዳዮች ሲረጋገጡ ፍርድ ቤት እግድ ይሰጥበታል።

10. እግድ ከፍ ያለ ጥንቃቄ የሚያስፈልገው መሆኑ
እግድ ሲሰጥ ከፍተኛ ጥንቃቄ ሊያስፈልገው የሚገባው ነው። እኛ ሀገር በፍ/ስ/ስ/ህጎቻችን የሚተገበሩበት ደንብ ወይም መመሪያ( rule) አለመኖሩ በክርከሩ አይነትና ባህርይ እንዴት ተደርጎ መታገድ እንዳለበት አስቸጋሪ ሁኔታዎች ይገጥሙናል። ለዚህም በጉዳዮች አይነት እንዴት ሊፈጸም እንደሚችል መመሪያ አለመኖሩ ወጥነት ያለው አተገባበር እንዳይኖር እና የፍትህ ስረአቱ ተገማችነት ላይ አሉታዊ ተጽእኖ ሲፈጥር ይታያል። ለምሳሌ የህንድ ሀገር የፍ/ስ/ስ/ህግን ስንመለከት ድንጋጌዎቹ የሚተገበሩበት መመሪያ እና አሰራር ያስቀመጡ ሲሆን እግድ ሊሰጡባቸው የሚገባቸው የጉዳዮች አይነቶች ለይቶ በመመደብ እነዚህም እንዴት እንደሚፈጸሙ መመሪያ(rules) ወጥቶላቸዋል::እነዚህም የጉዳይ አይነቶች ለግንዛቤ ያህል ይረዳ ዘንድ ወደ አስር አይነቶች የተቀመጡ ሲሆን እነዚህም 1. Temporary injuction 2. Interlocutery injuction 3. preleminery injuction 4. permanent injection 5. Mandatory injection 6. Prohibatory injuction 7. Quia Timet injection 8. Mareva injuction 9. Anton piller injection 10. Dynamic injection በመባል የሚታወቁ ናቸው። እነዚህ የጉዳዮች አይነት ከባህሪያቸው አይነት የተነሳ ተመድበው የተከፋፈሉ ሲሆን እነዚህ አይነቶች እግዶች እያንዳንዳቸው የፍ/ስ/ስ/ህጋቸውን መሠረት ተደርጎ የሚተገበሩበት መመሪያዎች ወይም አሰራሮች (rules) አሉአቸው። ስለዚህ በእኛም ሀገር የህግ አውጪ አካላት ስልጣን የተሠጠው ክፍል ወይም ስልጣን ሊሰጣው የሚገባው ነገር ግን ያልተሰጠው ለምሳሌ የፌደራል ጠቅላይ ፍርድ ቤት ከሚሰጠው አስገዳጅ የህግ ትርጉም ውሳኔ በተጨማሪ በፍ/ስ/ስ/ህጎች ላይ ለአተገባበር መመሪያ የማውጣት ስልጣን ተሰጥቶት ይህን በማውጣት ጉዳዮች እንደ ባህሪያቸው እና አይነታቸው ልክ መመሪያ በማውጣት እንዲተገበር ማደረጉ ለፍትህ ጠያቂዎችም ሆነ ለፍትህ ስረአቱ ትልቅ ጉልህ ድርሻ ያለው ነው። በእኛ ሀገር የጉዳዩ አይነት በተመለከተ በፍ/ስ/ስ/ህጉ ህጉ 154 እና 155 ላይ መገንዘብ እንደሚቻለው የጉዳዮችን ባህሪ፣ ንብረት፣ሊበላሹ የሚችሉ፣ሊጠፉ የሚችሉ፣ከውል ጋ በተያያዘ እንዳይፈርሱ ሌሎችንም ቢሆን ያልጠቀስኳቸው እግድ የሚሰጠጥባቸው ጉዳዮች በማለት ለመግለጽ ሞከረ እንጂ በክርክር ሂደት ብዙ አይነት ጉዳዮች እንደ ባህሪያቸው የሚኖሩ ሲሆን በዚህ ልክ ለአሰራር መመሪያ የወጣላቸው አለመሆኑ ለእግድ አተገባበር ላይ በስራ አፈጻጸም ላይ የሚያጋጥሙ ተግዳሮቶች ይኖራሉ። ለዚህ መፍትሄው በመመሪያ እግድ ሊተላለፍብቻው የሚችሉ የጉዳይ አይነቶችን በመለየት እነዚህም እንዴት እንደሚታገዱ ግልጽ መመሪያ ወይም አሰራር በማውጣት ፍትህ ተፈጻሚ ሊሆን ያስፈልጋል። ለምሳሌ አንድ ማሳ ላይ የሚገኝ ሰብል ምርቱ የደረሰም ሆነ ያልደረሰ ሰብል በተመለከተ ክርክር ተነስቶበት እግድ ቢጠየቅበት እንዴት እግዱ እንደሚሰጥ ፣ እንደሚተገበር ተገቢ የሆነ መመሪያ ወይም አሰራር መኖሩ ለዳኛውም ስራውን በቀላሉ እንዲሰራ የሚረዳው ሲሆን አተገባበሩም ወጥ ተገማች ፍትሀዊ ይሆናል። በመሆነም ከዚህ አንጻር የፍ/ስ/ስ/ህጎች አተገባበር ላይ ተቢውን መመሪያ እና አሰራር በማጎልበት ከሌሎችም ሀገር ተገቢውን ልምድ በመውሰድ ለፍትህ ስረአት ማደግ የበኩላችንን አስተዋጽኦ ለማድረግ ግድ ይላል።
ከዚህ አንጻር ለሚቀርቡ የእግድ ጥያቄዎች ትእዛዝ ሲሰጥ አስፈላጊውን የሙያ ጥንቃቄ የተከራካሪዎችን የህግ የበላይነትን መብት ከመጠበቅም አንጻር አስፈላጊ ጥንቃቄ ማድረጉ ተገቢነት ያለው ነው።

11. ሊበላሹ በሚችሉ ንብረቶች(ምግቦች ፣ አትክልት የመሳሰሉት) ላይ የእሸጋ እግድ ሊሰጥ የማይገባ መሆኑ
በፍ/ስ/ስ/ህ/ቁጥር 173 መሠረት ለማሸግ ትእዛዝ የማይወጣባቸው ተዘርዝረው የተቀመጡ ሲሆን እነዚህም ቢታሸጉ ሊበላሹ ሊበሰብሱ የሚችሉ ነገሮች እና ፍርድ ቤት እንዳይታሸግ ትእዛዝ የሰጠባቸው ነገሮች ናቸው። ይሁን እንጂ ከዚህ በቀር በፍ/ስ/ስ/ህግ ቁጥር 170 171 172 መሠረት የንብረቶች ዝርዝር ተቆጥረው ሊታሸግባቸው እንደሚችል በፍርድ ቤት ትእዛዝ ሊሰጥ እንደሚችል ተደንግጓል።

12. የተሰጠ እግድ ሊከበር የሚገባ መሆኑ(156) እና በተከሳሽ የሚቀርብ የእግድ ይነሳልኝ ቅሬታ በተመለከተ

ተከሳሽ የተሰጠን እግድ ያላከበረ፣የጣሰ እንደሆነ በፍ/ስ/ስ/ህግ ቁጥር 156 መሠረት እና በወንጀል ህጉ መሠረት የወንጀል ተጠያቂ ኃላፊነትን የሚያስከትል በመሆኑ ማክበር ግዴታ ነው ይሁን እንጂ በእግዱ ላይ ቅሬታ ካለበት እግድ እንዲነሳለት ከበቂ ምክንያት ጋር አቤቱታ የማቅረብ መብት ያለው ሲሆን ፍርድ ቤቱ ቅሬታውን በመመልከት የከሳሽን አስተያየት በማድመጥ እግዱን ሊያነሳው፣ሊያሻሽለው ወይም ውድቅ ሊያደርገው ይችላል።

13. እግድ ክስ ሳይቀርብ ይቻላል?
አንዳንድ ጊዜ እግድ ለማሳገድ ጊዜ የማይጠይቁ ጉዳዮች ያሉ ሲሆን ክስ እስከሚዘጋጅ ድረስ ጊዜ የሚጠይቅ ሲሆን ክስ ማዘጋጀቱ ግድ ሆኖ ቢጠበቅ ለክርክር መነሻ የሆነው ንብረት ሊሸሽ የሚችልበት አጋጣሚ ይኖራል። ለምሳሌ የባንክ ገንዘብ ቢሆን በቶሎ ወደ ሌላ ግለሰብ አካል በማስተላለፍ ገንዘቡ ሊሸሽ ይችላል። ስለዚህ ይህን ለመከላከል ያስችል ዘንድ መብት ሊፈጥር ማስረጃ በመያዝ ክስ እስኪዘጋጅ ድረስ ይህንን ንብረት ባለበት ያለ ክስ ማሳገድ እንደሚቻል የፌደራል ጠቅላይ ፍርድ ቤት ሰበር ሰሚ ችሎት በመ/ቁ 191402 ቅጽ 25 ላይ አስገዳጅ የህግ ትርጉም ሰጥቷል።

14. ሲጠቃለል

ስለሆነም እግድን በተመለከተ ይህንን በአጭሩ ለማስገንዘብ ያህል አነሳን እንጂ የፍ/ስ/ስ/ ህጋችን ሶስተኛ መጽሀፍ ምእራፍ አምስት በመሉ የሚያነሳው ቃላቱ እና ሀሳቡ በተወሰነ መልክ ቢለያይም ከእግድ ጋር የሚያይዝ ባህርያት አሉት። ይህም ከ147_176 ባለው ውስጥ ተደንግገው የተቀመጡ ናቸው። እኛም ይጠቅም ዘንድ ብለን ይህን አቀረብን እንጂ በሰፊው ተተንትነው ሊጻፉ የሚገባቸው ናቸው። በዚህ ጹሁፍ ግን ዋና ጉዳያችን ከእግድ ጋር በተያያዘ ሲሆን ወደፊት ከዚህ በበለጠ በመጻፍ ለማህበረሰቡ ይደርስ ዘንድ ያብቃን እንላለን። ለመደምደሚያ ለማውሳት ያህል ከእግድ ጋር የተያያዘ ሰፊ በፍ/ስ/ስ/ህግ ቁጥር 154 እና ተከታይ ህጎች መሠረት ሲሰጥ ከሳሽ ተከሳሽን በኃላፊነት ለመጠየቅ የሚያስችል መብት ወይም ጥቅም ያለው ስለመሆኑ በማስረጃ የተደገፈ በመቅረብ ፍርድ ቤቱም ተገቢውን ምርመራ ካደረገ በኋላ እግድ የሚሰጥበት ሲሆን በዚህ ህግና እና ሌሎች ተገቢነት ባላቸው ህጎች መሠረት አስፈላጊውን ያላሟላ እንደሆነ እግድ የሚሰጥበት አይደለም።ዋናው ነጥብ ለክርክር መነሻ የሆነውን ንብረት ተከሳሽ ሊያሸሸው፣ሊያጠፋው፣ የሚችል መሆኑ የሚረጋገጥበት መንገድ በፍ/ስ/ስ/ህጉ 154 መሠረት እንደተመለከተው ከተገኘ እግድ የሚሰጥ ሲሆን ተከሳሽም እግዱ እንዲነሳለት የመጠየቅ መብት አለው። ንብረት የማሸሽ ባህሪይ ፈጣን ከመሆኑም ጋር ተያይዞ ከሳሽ ተጨባጭ ማስረጃ ካለው ክስ እስኪ መሠረት ድረስ ጊዜ የማይሰጥ ከሆነ ክስ እስከሚዘጋጅ ድረስ ባለው አሳማኝ ማስረጃ ከሳሽ ክርክር የተነሳበትን ንብረት ማሳገድ እንደሚቻል በፌ/ጠ/ፍ/ቤት ሰበር ሰሚ ችሎት የህግ ትርጉም ተሰጥቶበታል።እግድ በባህሪው የሰወችን ንብረት እንደፈለጉ ለማንቀሳቀስ ፣ለመሸጥ፣ ለመለወጥ፣ለማስተላለፍ መብትን የሚያግድ ሲሆን ከጉዳዮች አይነትና ባህሪም አንጻር ልዩ የሆነ የአተገባበር መመሪያ ወይም አሰራር ያልወጣ ያልተዘረጋ በመሆኑ እግድ ሲሰጥ ሲነሱ አተገባበሩ ላይ ተገቢ የሆነ ጥንቃቄ ማድረጉ አስፈላጊ ሲሆን ይህንን ህጋችን ወጥነትእና ፍትሀዊ ዳኝነት ትእዛዝ ለመስጠት አጋዥ መመሪያዎች እና አሰራሮች ቢዘረጉ ቢወጡ ለፍትህ ስረአታችን መሻሻል ጉልህ አስተዋጽኦ የሚኖራቸው ስለመሆኑ አጠያያቂ አይደለም።

ለበለጠ የህግ ጉዳይ
https://t.me/Fantahunlawye...
https://www.youtube.com/@w...
https://www.facebook.com

በማህበራዊ ሚዲያ አክብሮትን የሚያጎድፉና ታማኝነትን የሚያሳጡ አስሩ ልማዶች

ዲጂታል ዓለም አሁን መስታወት ሆኗል።
በማህበራዊ ሚዲያ ላይ የምንተዋቸው እያንዳንዱ አስተያየት፣ ጽሁፍ እና ትንሽ አሻራ በአካል ከምንናገራቸው ሺዎች ከሚቆጠሩ ቃላት በላይ ሊናገር ይችላል።

እኛ ሳናውቀው፣ የማኅበራዊ ሚዲያ የመጋሪያ ቦታነት ከዚህ ቀደም የነበረውን ክብራችን ቀይሮ አደጋ ላይ የምንወድቀበት መድረክ ሲሆን ይታያል።

አንድ ሰው ማህበራዊ ሚዲያ ላይ ብልህ እና የተከበረ ሰው ሆኖ ሊታይ ይችላል።
ነገር ግን በሌላ በኩል፣ አንድ ግድ የለሽ ጽሁፍ ወይም ፎቶና ቪዲዮ በዓመታት ውስጥ የተገነባውን እምነት ሊያጠፋው ይችላል።

የሚያስገርመው ነገር፣ አብዛኛው ሰው ትንሽ የሚመስሉ የማህበራዊ ሚዲያ ላይ ልማዶች ለጥሩ ስማቸው ቀስ በቀስ መበላሸት ምንጭ መሆናቸውን አለማወቁ ነው።

Gediting በሌሎች ዓይን ምስልዎን በድብቅ የሚጎዱ አስር የማህበራዊ ሚዲያ ስህተቶች እነዚህ ናቸው ይለናል;

1. እውነተኝነቱን ሳያጣሩ መረጃ ማጋራት

ይህ ልማድ ብዙ ጊዜ ተራ ተደርጎ የሚወሰድ ቢሆንም፣ በጣም አደገኛ ነው። አንዴ የሐሰት ዜና በተለይም በቤተሰብ ቡድኖች ወይም በሕዝብ ማኅበራዊ ሚዲያ ላይ ካሰራጩ፣ እንደ ብልህ ሰው ያለዎት ገጽታ ወዲያውኑ ሊጠፋ ይችላል። ሌሎች የእርስዎን ታማኝነት መጠራጠር ይጀምራሉ፣ እና ከዚያ በኋላ የሚገልጹት ማንኛውም አስተያየት ለመታመን ይከብዳል። በማጋራት ረገድ መራጭ መሆን የዲጂታል ሥነ-ምግባር ጉዳይ ብቻ ሳይሆን የማኅበራዊ ኃላፊነት መገለጫም ጭምር ነው።

2. አስተያየት መስጫ ላይ አፀያፊ ወይም ቀልድ የተቀላቀለበት አስተያየት መጻፍ

አንዳንድ ጊዜ ጊዜያዊ ስሜቶች አንድ ሰው ሳያስብበት ከባድ አስተያየቶችን እንዲጽፍ ያደርጉታል። ነገር ግን በሳይበር ቦታ፣ አሻራው ፈጽሞ አይጠፋም። ሌላ ሰው ቅጽበታዊ ገጽ እይታ (screenshot) ሊወስድ ይችላል፣ እና አንድ ቀን፣ አስተያየቱ ከአውዱ ውጪ ሆኖ ሊታይ ይችላል። ለአንዳንዶች፣ አሉታዊ አስተያየቶች የአንድን ሰው ባህሪ ለመፍረድ በቂ ናቸው። አስታውሱ፣ ብልህ ሰው የሚታወቀው ድምፁን ከፍ አድርጎ በመከራከር ሳይሆን ምን ያህል በተረጋጋ ሁኔታ ራሱን መያዝ እንደሚችል ነው።

3. በማኅበራዊ ሚዲያ ላይ ከመጠን በላይ ማማረር

ችግር የሌለበት ሰው የለም፣ ነገር ግን በየቀኑ ብስጭትዎን በማኅበራዊ ሚዲያ ላይ የሚገልጹ ከሆነ፣ ሰዎች እርስዎን እንደ አሉታዊ ሰው ማየት ይጀምራሉ። በማኅበራዊ ሳይኮሎጂ፣ በሕዝብ ቦታዎች ላይ ከመጠን በላይ ማማረር አንድ ሰው ስሜቱን መቆጣጠር የማይችል ነው የሚል ስሜት ይፈጥራል። በተለይም የስራ ባልደረቦች፣ የበላይ ኃላፊዎች ወይም ደንበኞች ጽሁፎቹን ካነበቡ ሙያዊ ስም ሊጎዳ ይችላል።

4. በጣም ብዙ የግል ህይወት ዝርዝሮችን ማጋራት

ግልጽነት ታማኝ እና ደግ እንድንመስል ያደርገናል፣ ነገር ግን በማጋራት እና ከመጠን በላይ በመግለጥ መካከል ቀጭን መስመር አለ። እንደ የእውነተኛ ጊዜ አካባቢዎ ፣ የቤተሰብ ጉዳዮችዎ ወይም የቤትዎ ሕይወት ያሉ ነገሮችን ማጋራት ሁለት አደጋዎችን ሊያስከትል ይችላል፡ የግል ሚስጥር መጣስ እና የግል ገጽታ መቀነስ። ከመጠን በላይ የግል ጉዳዮቻቸውን በማህበራዊ ሚዲያ ላይ የሚያካፍሉ ሰዎች ብዙውን ጊዜ ጤናማ የስሜት ወሰን የሌላቸው እንደሆኑ ይታያሉ።

5. በጽሁፎች ውስጥ በድብቅ ሌሎችን መውቀስ

አንድን ሰው ዒላማ ያደረጉ ግልጽ ያልሆኑ ቃላት ያላቸው ስታተሶች ወይም ታሪኮች ብዙ ጊዜ አስቂኝ ወይም “ቀላል” ተደርገው ይታያሉ። ነገር ግን ለሌሎች፣ ግጭትን ለመቋቋም ያለውን አለመብሰል ያሳያል። የዲጂታል ዓለም የግል ጉዳዮችን የሚፈቱበት ቦታ አይደለም። በማኅበራዊ ሚዲያ ላይ በተደጋጋሚ መሳለቂያ የሚያደርጉ ሰዎች የግል ጉዳዮችን ወደ ሕዝብ ቦታ ማምጣት ይወዳሉ ተብለው ስለሚታሰቡ በአካባቢያቸው ቀስ በቀስ ክብር ያጣሉ።

6. አስተያየቶች ከተሰራጩ በኋላ መሰረዝ ወይም ማስተካከል

አስተያየትን መሰረዝ ችግሩን አያጠፋውም። አንዴ የሆነ ነገር በማህበራዊ ሚዲያ ከተሰራጨ ፣ ሌላ ሰው አስቀድሞ አስቀምጦት ሊሆን ይችላል። አንድ ሰው ኃላፊነት ከመውሰድ ይልቅ ስህተቶችን ለመሸፋፈን ሲሞክር ከታየ፣ ዝናው የበለጠ ይጎዳል። ስህተቶችን በቅንነት አምኖ መቀበል የተሻለ ነው፣ ምክንያቱም ታማኝነት በሐሰት በተሞላው ዲጂታል ዓለም ውስጥ አሁንም በጣም ጠቃሚው ገንዘብ ነው።

7. በጽሁፎች ላይ ሌሎችን ያለፍቃድ መጥቀስ (Tagging)

ዓላማዎ ጥሩ ሊሆን ይችላል፣ ፎቶዎችን ወይም መረጃዎችን ማጋራት መፈለግ። ነገር ግን አንድን ሰው አወዛጋቢ፣ አስቂኝ ግን አፀያፊ ወይም የግል በሆነ ጽሁፍ ላይ ከጠቀሱት (tag ካደረጉት) ምቾት እንዲሰማቸው ላያደርግ ይችላል። ሰዎች በሚያሳዩት ማኅበራዊ ስሜታዊነት ይፈርዱዎታል፣ እና እንደዚህ ያሉ ድርጊቶች ብዙውን ጊዜ ለሌሎች ግላዊነት አክብሮት ማጣት ተደርገው ይታያሉ።
8. ከመጠን በላይ ተራ ወይም ብልግና ያለበት ቋንቋ መጠቀም

“ተራ” የሆነ የአነጋገር ዘይቤ የተለመደ ሊመስል ይችላል፣ ነገር ግን በባለሙያዎች ዓይን፣ ታማኝነትን ሊጎዳ ይችላል። አንድ ሰው አካውንቶቹ ላይ ከመጠን ያለፈ ጸያፍ ቃላት ወይም ቃላዊ ጨዋታዎች የመጻፍ ልማድ ሲኖረው፣ ሌሎች የእሱን የግል እና ሙያዊ ጎኖች ለመለየት ይቸገራሉ። በዲጂታል ዘመን፣ የሚጽፉበት መንገድ ብዙውን ጊዜ ሰዎችን በአካል ከመገናኘታችሁ በፊት ዓለም የሚያየው “የመጀመሪያው ፊት” ነው።

9. ተገቢ ያልሆነ ይዘትን መውደድ (Liking) ወይም አስተያየት መስጠት

በመጀመሪያ እይታ አስፈላጊ ላይመስል ይችላል፣ ነገር ግን የማኅበራዊ ሚዲያ ስልተ ቀመሮች (algorithms) የእርስዎን ግንኙነቶች በሌሎች ፊት ሊያሳዩ ይችላሉ። አፀያፊ፣ ብልግና ወይም የጥላቻ ይዘት ያላቸውን ጽሁፎች መውደድ እነዚያን ዓላማዎች እንደሚደግፉ ስሜት ሊፈጥር ይችላል።

10. ሌላ ሰው መስሎ መቅረብ ወይም እውን ያልሆነ ሕይወት ማቅረብ

የራስዎን ምርጥ ገጽታ ማቅረብ ተፈጥሯዊ ነው፣ ነገር ግን በማህበራዊ ሚዲያ ላይ የሐሰት ገጸ-ባህሪ መፍጠር ጉዳት ሊያመጣ ይችላል። ፈጥኖም ይሁን ዘግይቶ፣ በማህበራዊ ሚዲያ ላይ ምስል እና በእውነታው መካከል ያለው ልዩነት ግልጽ ይሆናል፣ እና ያ ሲሆን፣ የሰዎች እምነት ሙሉ በሙሉ ይጠፋል። በጣም ፍጹም የሚመስሉ ሰዎች ብዙውን ጊዜ እውነተኛ ያልሆኑ ተደርገው ይታያሉ፣ እና በዚህ የጭምብሎች ዲጂታል ዘመን ውስጥ በጣም የሚፈለገው ነገር ደግሞ እውነተኛነት ነው።

ሁሉም ወጣት ወደ ጦር ግንባር አባት ሃገር ሩሲያ ወይም ሞት ! /ፑቲን /

ከ ኔቶ አባለ ሀገራት ጋር በፍጥጫ ላይ የምትገኘው ሩሲያ በታሪኳ ግዙፍ የሆነ የሃገር ሉአላዊነት የማስጠበቅ ወታደራዊ ጥሪ አደረገች ።

በየአመቱ በየፀደይ እና በመጸው ወራት ወጣት ወንዶችን ለግዳጅ አገልግሎት ወታደራዊ ስልጠና በመስጠት ዝግጁ የምታደርገው ሩሲያ እ.ኤ.አ. ከ 2016 ጀምሮ በሀገሪቱ ትልቁ የበልግ የግዳጅ ስልጠና 135,000 ሰዎችን ለመደበኛ ወታደራዊ አገልግሎት ጥሪ ማቅረቧ ተሰምቷል ።

ምዕራባዉያኑና አሜሪካ በዩክሬን ጀርባ ታዝለዉ ስንቅና ትጥቅ በገፍ እያቀረቡ በሚደረገው የዩክሬን ሩሲያ በቀጠለበት ወቅት ቭላድሚር ፑቲን እድሜያቸው ከ18 እስከ 30 ዓመት የሆኑ 135,000 ወንዶች የሀገሪቱን ወታደራዊ አገልግሎት እንዲቀላቀሉ በሩሲያ ትልቁን ወታደራዊ የውትድርና ስልጠና እንድትወስድ ትዕዛዝ አስተላልፈዋል ።

ሰኞ እለት በወጣው አዋጅ ፑቲን 'ከጥቅምት 1 እስከ ታህሳስ 31 ቀን 2025 135,000 የሩስያ ፌዴሬሽን ዜጎች ለውትድርና እንዲመዘገቡ' አዘዋል ።ተብሏል

ፑቲን ትናንት ምሽት በክሬምሊን ድረ-ገጽ ላይ ባደረጉት ንግግር፣ በዩክሬን ላይ 'ፍትሃዊ ጦርነት' ሲሉ የጠሩትን ኃይላቸው እያሸነፈ ነው ብለዋል።

ተዋጊዎቻችንና አዛዦቻችን ለሀገራቸው ሀያልነት ገናናነት እናም ሊያጠፋት ያሰፈሰፉ ጠቅላዮችን አደብ ለማስገዛት ይህን የጽድቅ ጦርነት እያካሄደችና ጠንክራ እየሰራች ነው።

"ለእናት ሀገር ያለንን ፍቅር እና ታሪካዊ እጣ ፈንታችን አንድነቶን በጋራ እየጠበቅን ነው እየተዋጋን እያሸነፍን ነው" ብለዋል ፕሬዘዳንቱ ።

እ.ኤ.አ. የካቲት 2022 በዩክሬን ላይ ጥቃቱን ከከፈተበት ጊዜ ጀምሮ ለደህንነታቸው ከፍተኛ ትኩረት የሰጡት ፑቲን ሩሲያን ሃያል ለማድረግ ከሶቪየት ዘመናት ጀምሮ ታይቶ በማይታወቅ ሁኔታ ወታደራዊ ወጪዋን በብዙ ደረጃ ጨምረዋል ።

በየአመቱ ከትምህርት ቤት ወይም ከኮሌጅ በሚመረቁበት በሚያዝያ እና በጁላይ መካከል ባለው የፀደይ ዘመቻ ብዙ ወንዶች ለወታደራዊ ግዳጅ ጥሪ በማድረግ ጥሪ የምታደርገው ሩሲያ በዘንድሮው አመት ያደረገችው ጥሪ ባለፉት አስር አመታት በሚጠጋ ጊዜ ውስጥ ታይቶ አይታወቅም ተብሏል ።

የሩስያ ተዋጊ ጄቶች ወደ ኢስቶኒያ ከገቡ በኋላ በኔቶ የጦር አውሮፕላኖች ከተጠለፉ በኋላ ፑቲን ወደ ሌሎች የምዕራብ አውሮፓ አካባቢዎች ሊፈጽም ይችላል የሚለው ስጋት ከጊዜ ወደ ጊዜ እየጨመረ መጥቷል።

የሩስያ መከላከያ ሚኒስቴርም ትናንት ምሽት ሻንድሪሆሎቭ እና ዛሪክን የተባሉትን የምስራቅ ዶኔትስክ ሁለት ሰፈሮች መቆጣጠሩን ገልጿል።

የመከላከያ ሚኒስትሩ አንድሬ ቤሎሶቭ ግዛቱን በቁጥጥር ስር ለማዋል ቀዩ ጦር ላደረገው 'ደፋር እና ወሳኝ' እርምጃዎች እንኳን ደስ አለን በማለት መግለጫ አውጥቷል ። ሲሉ የዘገቡት ሞስኮ ታይምስና ደይሊ ሜል ናቸዉ ።

የኔታ ቲዩብ ዘጋቢ ፦ ታዴ የማመይ ልጅ

የንብ መርዝ ከባድ የካንሰር ሕዋሳትን በአንድ ሰዓት ውስጥ መግደሉ ተረጋገጠ

በአውስትራሊያ ዌስተርን አውስትራሊያ ዩኒቨርሲቲ (UWA) የሚገኙ ተመራማሪዎች በ2020 ዓ.ም ባደረጉት አስደናቂ ጥናት፣ የንብ መርዝ እና በውስጡ የሚገኘው ሜሊቲን (melittin) የተሰኘው ውህድ በአደገኛ የጡት ካንሰር ዓይነቶች ላይ ውጤታማ መሆኑን አረጋገጡ።

ጥናቱ እንደሚያሳየው የንብ መርዝ በተለይም ትሪፕል-ኔጌቲቭ (Triple-Negative) እና HER2-ፖዘቲቭ የሚባሉትን ለማከም አስቸጋሪ የሆኑ የጡት ካንሰር ሕዋሳትን የመግደል ኃይል አለው።

በቤተ-ሙከራ (in vitro) የተደረገው ሙከራ እንዳመለከተው፣ ሜሊቲን የተሰኘው ንጥረ ነገር የካንሰር ሕዋሳትን ሽፋኖች በመበሳት በአንድ ሰዓት (60 ደቂቃ) ውስጥ ሙሉ በሙሉ ሊያጠፋቸው ችሏል።

የመርዙ ውጤታማነት በተሰጠው መጠን ላይ የተመሠረተ እንደሆነ ተረጋግጧል፤ በተወሰነ መጠን ሲሰጥ በካንሰር ሕዋሳት ላይ ከፍተኛ ጉዳት ሲያደርስ በመደበኛ ጤናማ ሕዋሳት ላይ ግን አነስተኛ ተጽዕኖ አሳድሯል።

ይህ ግኝት በሕክምናው ዘርፍ ትልቅ እምቅ አቅም ቢኖረውም፣ ውጤቱ እስካሁን በቤተ-ሙከራ ዕቃዎች ላይ የተገኘ በመሆኑ የተረጋገጠ ፈውስ አይደለም። ሳይንቲስቶች መድሃኒቱን በሰው ላይ ከመሞከራቸው በፊት ተጨማሪ ምርምሮችና ጥናቶች እንደሚያስፈልጉ አሳስበዋል።

seledadotio
seledadotio

ፍቅር በሽታ ሲሆን፡ የፓቶሎጂካል ግንኙነት ምልክቶች።ጤናማ ያልሆነ ግንኙነትን እንዴት ማወቅ እንችላለን?

የአልማቲ የፔሪናታል ማዕከል የሥነ ልቦና ባለሙያ የሆኑት ጉልናራ ዶስቻኖቫ ስለ ፓቶሎጂካል ግንኙነቶች መንስኤ እንዲህ አብራርተዋል:

በፍቅር በግንኙነት ውስጥ የፓቶሎጂካል ጥገኝነት ምንድን ነው?

— ለአንድ ሰው ስሜታዊ ፓቶሎጂካል ጥገኝነት አንድ ሰው ከሌላ ሰው ጋር ጤናማ ያልሆነ እና ከመጠን ያለፈ ትስስር የሚፈጥርበት ሁኔታ ነው። ይህ ፍቅር ወይም ጥልቅ ፍቅር ብቻ ሳይሆን፣ የሕይወትን ዘርፎች ላይ አሉታዊ ተጽዕኖ የሚያሳድር አጥፊ ሁኔታ ነው። እንዲህ ያለው ጥገኝነት የአንድን ሰው ማንነት ሊያጠፋ ይችላል።

እንዲህ ያለ ጥገኝነት መኖሩን እንዴት መወሰን ይቻላል?

ስሜታዊ ፓቶሎጂካል ጥገኝነት ምልክቶች የሚከተሉት ናቸው፡-

የአጋርን የማያቋርጥ መገኘት እና ትኩረት ለማግኘት ከፍተኛ ፍላጎት ማሳየት: ጥገኛ የሆነ ሰው አጋሩ ከሌለ ወይም በቂ ትኩረት ካልሰጠው ፍርሃትና ጭንቀት ይሰማዋል።

ዝቅተኛ በራስ መተማመን: የራስን ዋጋ ማወቅ እና በራስ መተማመን በአጋሩ ፈቃድ እና አስተያየት ላይ የተመካ ይሆናል። ይህ ከሌለ ሰውዬው ምንም ዋጋ እንደሌለው እና ከንቱ እንደሆነ ይሰማዋል።

የራስን ማንነት ማጣት: ጥገኛ የሆነ ሰው የራሱን ፍላጎቶች፣ ጓደኞች እና ግቦች በመተው በአጋሩ ህይወት ውስጥ ሙሉ በሙሉ ይሟሟል። መላው ህይወቱ በአንድ ሰው ዙሪያ ይሽከረከራል።

የመለያየት ፍርሃት: የመለያየት ሀሳብ ድንጋጤ እና ሽብር ይፈጥራል። ሰውዬው ብቻውን ላለመሆን ሲል መጥፎ አመለካከትን ለመታገስ ዝግጁ ነው።

ለአጋር ስሜት እና ደስታ ሃላፊነት መውሰድ: ሰውዬው አጋሩን ለማስደሰት እና ግጭቶችን ለማስወገድ ዘወትር ይሞክራል።

የመቆጣጠር ፍላጎት: ሰውን ላለማጣት በመፍራት፣ ጥገኛ አጋር የአጋሩን ድርጊት፣ ከሌሎች ሰዎች ጋር ያለውን ግንኙነት እና ያለበትን ቦታ ለመቆጣጠር ይሞክራል።

የራስን ፍላጎት መርሳት: ጥገኛ የሆነ ሰው የራሱን ምኞቶች እና ፍላጎቶች ይረሳል፣ የአጋሩን ፍላጎቶች ይቀድማል።

የስሜት መለዋወጥ: የአንድ ጥገኛ ሰው ስሜት በቀጥታ በአጋሩ ስሜት ላይ የተመሰረተ ነው። አጋሩ ደስተኛ ሲሆን ደስተኛ ይሆናል፣ አጋሩ ሲበሳጭ ደግሞ ጥልቅ የመንፈስ ጭንቀት ውስጥ ይገባል።

ገለልተኛ ውሳኔ ማድረግ አለመቻል? ያለ አጋሩ ፈቃድ አስፈላጊ ውሳኔዎችን ማድረግ አይችልም።

የአጋርን መጥፎ ባህሪ ማመካኘት: ጥገኛ የሆነ ሰው የአጋሩን ጨዋነት የጎደለው ባህሪ፣ ጠብ አጫሪነት እና ችላ ማለትን ለማመካኘት ይሞክራል፣ ምክንያቱም እውነታውን በመጋፈጥ አጋሩን ማጣት ስለሚፈራ።

የዚህ ጥገኝነት መንስኤዎች ላይ ስናወራ፣ የመነሻው በልጅነት የደረሰ የስሜት ቀውስ ሊሆን ይችላል። ህፃኑ ከእናቱ ጋር መሆን ይፈልጋል ።

ልዩ የተፈጥሮ ዘዴዎች በልጁ እና በእናትየው መካከል የመጀመሪያ ትስስር እንዲፈጠር ያግዛሉ። ከእናቱ ጋር በመግባባት ያልተገደበ፣ ጠንካራ እናት የነበረው ልጅ ብቻ በህይወቱ ጤናማ ትስስር ይኖረዋል። ትልቅ ሰው ሲሆንም ሁሉንም የህይወቱን ትርጉም በራሱ ላይ እንዳደረገ ያህል ይሰማዋል፣ አንድን ሰው ላለማጣት በመፍራት በእያንዳንዱ አጋር እና ጓደኛ ላይ አይጣበቅም። በቂ ፍቅር ያላገኘ እና የተገፋ ልጅ ስነ-ልቦና ሁልጊዜ ከአንድ ሰው ጋር የመሆን እና ሙሉ ቦታውን የመያዝ ከፍተኛ ፍላጎት ይፈጥራል። በልጅነታቸው በቂ ፍቅር ያላገኙ ሰዎች፣ እንደ ደንቡ፣ በጣም አጥብቀው የሚገቡ እና የግል ድንበሮችን እንዴት ማዘጋጀት እንዳለባቸው የማያውቁ ናቸው።

የዚህ ጥገኝነት ሌላው ምክንያት ገና በለጋ እድሜው በሚወዱት ሰው ህመም ወይም ሞት ምክንያት የሚፈጠር ከባድ ጭንቀት ሊሆን ይችላል።

የማንኛውም ጥገኝነት መሰረታዊ ነገር የአንድን ሰው ህይወት ሃላፊነት ወደ ሌሎች ሰዎች የማዞር ፍላጎት ነው። በዚሁ ጊዜ፣ ሰውዬው ችግሩን ያውቃል፣ ነገር ግን እንዴት መቋቋም እንዳለበት አያውቅም።
አንድ ሰው ጥገኛ መሆኑን ካልተረዳ ስሜታዊ ጥገኝነት በጣም አደገኛ ሊሆን ይችላል። ለምሳሌ፣ ጥገኛ የሆነ ሰው ሁልጊዜ ማለት ይቻላል በዝቅተኛ በራስ መተማመን ይኖራል። በራስ መተማመን ከሌለ ማንኛውም ስራ ከባድ ይመስላል፣ እና በህይወት ውስጥ ለመራመድ አስቸጋሪ ይሆናል። ጥገኛ የሆኑ ሰዎች ብዙውን ጊዜ አጥፊዎች ይሆናሉ። ከህብረተሰቡ ጋር ያላቸውን ግንኙነት ሊያጡ ይችላሉ። ይህ ሁሉ ገንቢ ያልሆነ ራስን መተቸትን ያበረታታል እና ህይወቱን ያጠፋል።

የአካል እና የስነ-ልቦና ጥቃት አደጋም አለ። አንድ ሰው ወደ አጋሩ በቀረበ ቁጥር ከእሱ ጋር ያለው ህይወት የበለጠ ከባድ ይሆናል። በእንደዚህ ዓይነት ሁኔታ ውስጥ፣ በግንኙነት ውስጥ ወደ ሁከት ለመድረስ በጣም ቀላል ነው። ጥገኛ የሆነ ሰው የራሱን ህይወት ሳይሆን የአጋሩን ህይወት ይኖራል።

በዚህ ዓይነት ጥገኝነት ምን ማድረግ ይቻላል?

👉 ከሰው ጋር ያለዎት ትስስር ጤናማ እንዳልሆነ እና እርስዎን እያጠፋዎት እንደሆነ ይረዱ።

👉 የህይወትዎን ሃላፊነት ወደ ሌሎች ሰዎች አያስተላልፉ።

👉 እያንዳንዱ ሰው የራሱ የሆነ የግል ድንበሮች እንደሚያስፈልገው ይቀበሉ። በዚሁ ጊዜ፣ ሁሉም ሰው ሊጣስ የማይገባቸው የራሱ የግል ድንበሮች አሉት።

👉 እራስዎን በማህበራዊ ሚናዎችዎ ብቻ አይመልከቱ። እርስዎ በመጀመሪያ ደረጃ ሰው እንጂ ሚና አይደሉም። ከማህበራዊ ሚናዎችዎ ውጭ የራስዎ ፍላጎቶች እና የትርፍ ጊዜ ማሳለፊያዎች ሊኖሩዎት ይገባል።

ከአጋር ላይ ጥገኝነትን ለመቋቋም አንድ ሰው በሦስት አቅጣጫዎች መስራት አለበት፡- በባህሪ፣ በሰውነት እና በአስተሳሰብ።

👉በባህሪ ላይ መስራት የራስን ክብር ከፍ ለማድረግ፣ የግል ድንበሮችን ለመገንባት እና የሌሎች ሰዎችን የግል ድንበሮች ለመረዳት፣ የራስን ዋጋ ለመቀበል እና እራስን ማክበር ለመጀመር ያስችላል።

👉በአስተሳሰብ ላይ መስራት አሉታዊ አመለካከቶችን እና ምስሎችን ለማስወገድ ይረዳል።

የመጀመሪያዎቹን ሁለት ስራዎች እራስዎ መስራት ይችላሉ፣ ነገር ግን በአስተሳሰብ ላይ የሚደረገውን ስራ ለሥነ ልቦና ባለሙያ መስጠት የተሻለ ነው።

የራስዎን ክብር ከፍ ያድርጉ: በራስዎ ላይ ይስሩ። ራስን በማዳበር ይሳተፉ፣ አዲስ ነገር ይማሩ፣ ስኬት ያግኙ። ስሜትዎን ያጥኑ። ስሜትዎን እና ፍላጎቶችዎን መለየት ይማሩ። ምን እንደሚፈልጉ እና ምን እንደሚያስፈልግዎ ይረዱ። ብቻዎን መሆንን ይማሩ። ደስታን የሚያስገኝልዎ ነገር ግን ከአጋር ጋር ያልተገናኘ እንቅስቃሴ ያግኙ። በራስዎ ኩባንያ መደሰት ይማሩ።

በስሜታዊ ጥገኝነት ላይ መስራት ረጅም እና ከባድ ሂደት ነው። ከባለሙያ የሥነ ልቦና ባለሙያ እርዳታ ለመጠየቅ አይፍሩ። እሱ/እሷ የጋራ መከባበርና ፍቅር ላይ የተመሰረተ ጤናማና ደስተኛ ግንኙነት እንዲገነቡ ይረዳዎታል።

ሐዋርያው ቅዱስ ጳውሎስ “ከአዳም ጀምሮ እስከ ሙሴ የበደሉትንም ያልበደሉትንም ሞት ገዛቸው” እንዳለ አዳምና ሔዋን ብቻ ያይደሉ ከእነርሱ የተወለዱ ልጆችና የልጅ ልጆቻቸው ሁሉ በደለኞች ሆኑ፡፡

የመጀመሪያውና ታላቁ በደል ጥንተ አብሶ ሲሆን ቅዱስ ቄርሎስ “ጥንተ ኃጢአት” ቅዱስ ሳዊሮስና ቅዱስ ኤፍሬም “ዘቀዳሚ መርገም” ብለውታል። ይህም የውርስ ኃጢአት ከአዳም ጀምሮ ከወላጅ ወደ ልጅ እየተላለፈ ሰውን ሁሉ የሚገዛ ሆነ። ባሕርየ ሰብእ ጐሰቈለ፣ ንጽሐ ጠባይዕ አደፈ፣ ኃጢአት ብዙዎችን አጠመደች፡፡ ስለዚህም ተላልፈው ለሞትና ለሲኦል ተሰጡ። ከዚህ ንጽህት ሆና የተገኘች ቅድስት ድንግል ማርያም ብቻ ናት፡፡

በኃጢትም ምክንያት በባሕርየ ሰብእ ጸንቶ የነበረውን መርገም ሊያጠፋ ከሦስቱ አካላት አንዱ ወልድ ሰው ሆኖ በሚጸነስበት ልክና ሥርዓት ከንጽሕት ድንግል ማርያም ተወለደ።

ፍጹም ጌታ ፍጽምት በሆነች በእመቤታችን ማኅፀን አደረ፣ ቡሩክ አምላክ “ከሴቶች ይልቅ አንቺ ቡርክት ነሽ” ተብላ በመልአኩና በኤልሳቤጥ አንደበት ከተመሰገነች ከድንግል ተወለደ፤ ቡርክት ማኅፀን የቡሩክ አምላክ ማደሪያ ሆነች፡፡ ቅድስት ማኅፀን ቅዱስ ጌታን በሥጋ አስገኘች፤ ከመርገም በፊት ከነበረች ቡርክት ምድር አዳም ያለእናት ያለአባት ተፈጠረ፤ ዳግማይ አዳም ክርስቶስም ኃጢአተ አዳም ከሌለባት ቡርክት ማርያም ተወለደ፤ ከድንግል የተወለደ ጌታ ነውር ነቀፋ የሌለበት ንጹህ እንደሆነ፣ የወለደችው ድንግልም ነውር ነቀፋ የሌለባት ንጽህት ናት፤ እርሱ ከዘለዓለም እስከ ዘለዓለም ቅዱስ እንደሆነ እርሷም በጊዜ ሁሉ ቅድስት ናት፡፡ ለመወለዱ ዘርዕ ምክንያት አልሆነውም፤ በንጽሕና በቅድስና ጸንታ ከኖረች ከድንግል ያለአባት ተፀነሰ፤ ሕማም፣ ድካም ሳያገኛት በሴቶች የሚደርሰውም ሳይደርስባት ተወለደ እንጂ።

በባሕርየ መለኮቱ ጽድቅ እንጂ ኃጢአት፣ ሕያውነት እንጂ መዋቲነት የማይስማማው አምላክ እናት ትሆነው ዘንድ ከሴቶች መካከል መርጦ፣ ትህትናን እንደ ዝናር አስታጥቆ፣ ንጽህናን እንደ አክሊል አቀዳጅቶ፣ ካዘጋጃት ከቅድስት እናቱ ነፍስና ሥጋን ነሣ፡፡ የነሣውንም ሥጋ በተዋህዶ ከባሕርየ መለኮቱ ጋር አንድ አደረገው። ሥጋን ተዋህዶ ስለተወለደ ግን በባሕርየ ሰብእ ፀንቶ የነበረ መርገመ ሥጋ አላገኘውም፤ ድንግልም ኃጢአተ አበው የሚቆራኘው ተራ ሰውን የወለደች አይደለችም፡፡ የዚህ ዓለም ርኲሰት እንዳያገኛት ከእናቷ ማኅፀን ጀምሮ መንፈስ ቅዱስ የጠበቃት ንጽህት እንደመሆኗ አንድ አካል አንድ ባሕርይ ሳለው ፍጹም አምላክ ፍጹም ሰው ተብሎ የሚመሰገን የቅድስናው መጠን የንጽህናው ልክ የማይሰፈር የማይለካ ፍጹም ጌታን ወለደች እንጂ።

ቅዱስ ዲዮናስዮስ በሃይማኖተ አበው 101÷14 “አምላክን የወለደች አደፍ ጉድፍ የሌለባት ንጽህት በሆነች በድንግልማርያም ማኅፀን አደረ” መሆኗን ይነግረናል፡፡ ሌላው ታላቅ አባት ቅዱስ ጎርጎርዮስ ዘኑሲስ በዚሁ መጽሐፍ 35÷12 “መጀመሪያ የሌለው እርሱ አደፍ ጉድፍ የሌለባት ንጽህት ከሆነች ከእመቤታችን ከድንግል ማርያም የነሣውን መገኛ ያለውን የሥጋ ባሕርይ ተዋሀደ” ይለናል፡፡ ከድንግል የተወለደ ክርስቶስ ኢየሱስ በሰው የተፈረደውን መከራ ተቀብሎ ሰውን ለማዳን ሰው ቢሆንም ቅሉ ዕድፈት ርኲሰት ያላገኘው ንጹህ ቅዱስ እንደሆነ አምላክን የወለደች ቅድስት ድንግል ማርያምም እድፈት ርኲሰት የሌለባት ንጽህት ቅድስት መሆኗን እንረዳለን። ይህን ንጽህናዋን የተረዱ ገዳማውያን ዘወትር በውዳሴዋና በቅዳሴዋ ሰዓሊ ለነ ቅድስት ይሏታል፡፡ ገዳማቸውን ሰንደግፍ በዓታቸውን ስናጸና በረከቷ ያድርብናል፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444