በአርባ ምንጭ በሕገወጥ መጋዘን የተከማቹ መድኃኒቶች በቁጥጥር ሥር ዋሉ

​በአርባ ምንጭ ከተማ በሚገኝ ሕገወጥ መጋዘን ውስጥ የተከማቹ በርካታ ያልተፈቀዱ መድኃኒቶች በቁጥጥር ሥር መዋላቸውን የኢትዮጵያ ምግብና መድኃኒት ባለሥልጣን የሀዋሳ ቅርንጫፍ አስታወቀ።

​ኦፕሬሽኑ የተካሄደው ከደቡብ ኢትዮጵያ ክልል ተቆጣጣሪ ባለሥልጣን፣ ከከተማው ጤና መምሪያ እና ፖሊስ ጋር በመተባበር በተደረገ ሰርቬላንስ ነው።

​ከተያዙት መካከል እንደ ትራማዶል እና አድሬናሊን ያሉ በመርፌ የሚሰጡ መሠረታዊ መድኃኒቶች ይገኙበታል። መድኃኒቶቹ ጥራታቸው ያልተረጋገጠ እና የገበያ ፈቃድ የሌላቸው ናቸው።

​ድርጊቱ በህብረተሰብ ጤና ላይ ሊደርስ የነበረውን አደጋ ያስቀረ ሲሆን፣ በጥፋተኞች ላይ ሕጋዊ እርምጃ ይወሰዳል። ባለሥልጣኑ ህብረተሰቡ መሰል ሕገወጥ እንቅስቃሴዎችን ሲመለከት ጥቆማ እንዲሰጥ ጥሪ አቅርቧል።

Seledadotio
Seledadotio