በአዲስ አበባ የቤት ኪራይ ጭማሪ ጣሪያ 11 ነጥብ 5 በመቶ ሆኖ ተወሰነ

የውል እድሳት ምዝገባም ከዛሬ ሐምሌ 1 ቀን 2018 ጀምሮ ይካሄዳል

የቤት ኪራይ ቁጥጥር አዋጅ መሠረት፣ ለ2019 በጀት ዓመት የሚተገበረው ፍትሐዊ የቤት ኪራይ ዓመታዊ ጭማሪ ጣሪያ 11 ነጥብ 5 በመቶ ሆኖ መጽደቁን የቤቶች ልማትና አስተዳደር ቢሮ አስታወቀ።

በመላው ከተማዋ የሚገኙ የግል መኖሪያ ቤቶች የአከራይ-ተከራይ አዲስ የውል ዕድሳት ምዝገባ ከዛሬ ሐምሌ 1 ቀን 2018 ዓ.ም ጀምሮ በሁሉም ክፍለ ከተማ ቤቶች አስተዳደር ፅ/ቤት በይፋ መተግበር ይጀምራል።

የዋጋ ማስተካከያ ውሳኔ ጥናት ተካሂዶ የነዋሪውን የመክፈል አቅም ባገናዘበ መልኩ የተዘጋጀ ነው ብሏል።

ይህ አሰራር አከራዮች ወቅቱንና የኢኮኖሚ ሁኔታውን ያገናዘበ ፍትሐዊ ገቢ እንዲያገኙ የሚያረጋግጥ፤ ተከራዮች ከገቢያቸው ጋር የተመጣጠነ ኪራይ በመክፈል የተረጋጋ ሕይወት እንዲመሩ ያደርጋል።

ውሳኔው በከተማዋ ያለውን የኑሮ ውድነት ጫና በከፍተኛ ደረጃ በመቀነስ ረገድ የጎላ ማህበራዊ ኢኮኖሚያዊና መልካም አስተዳደር ፋይዳዎች እንዳሉት የአዲስ አበባ ኮሙኒኬሽን ቢሮ አሰታውቋል።

ጋዜጣ_ፕላስ