“የሲዳማ ዘመን አቆጣጠር ከሳይንሳዊ አካሄድ ጋር የተጣጣመ የጥንት የሲዳማ አባቶችን እምቅ እውቀት የሚያሳይ ነው”

የሲዳማ ዘመን አቆጣጠር ከሳይንሳዊ አካሄድ ጋር የተጣጣመ የጥንት የሲዳማ አባቶችን እምቅ እውቀት የሚያሳይ መሆኑን የሲዳማ ክልል ርዕሰ መስተዳድር አቶ ደስታ ሌዳሞ ተናገሩ።

የሲዳማ ብሔር የዘመን መለወጫ ፊቼ ጫምባላላ በዓል በሐዋሳ ጉዱማሌ በታላቅ ድምቀት እየተከበረ ይገኛል።

የሲዳማ ክልል ርዕሰ መስተዳድር አቶ ደስታ ሌዳሞ በበዓሉ ላይ እንደተናገሩት፤ የሲዳማ ዘመን አቆጣጠር የጥንት የሲዳማ አባቶችን እምቅ እውቀት የሚያሳይ ነው። የአሁኑ ትውልድም በሳይንስና ምርምር በርትቶ የአባቶቹን ሀገር በቀል እውቀት ለማበልፀግ መሥራት እንደለበት ተናግረዋል።

ፊቼ ጫምባላላ በውስጡ ሰላምን የሚያጎለብቱ የአብሮነትን የሚያጠናክሩ ከአምላክ ጋር የሚያስታርቁ እንዲሁም ትውልድ ነገን በተስፋ እንዲያይ የሚያነሳሱ በርካታ እሴቶች የያዘ ነው ብለዋል።

በፊቼ ጫምባላላ በምድር ከሰው ልጆች ጋር፤ በሰማይ ደግሞ ከአምላክ ጋር ሰላምና እርቅ የሚደረግበት ለሰው ልጆች ሁሉ የሚተርፍ ቱባ እሴትን የያዘ መሆኑን አንስተዋል።

ይህ የሐገር እውቀትና እሴት ልዩነቶችን በመፍታት አንድነትን በማጠናከር በሰላም አብሮ መኖር እንደሚቻል ማሳያ መሆኑን ጠቁመዋል።
#ጋዜጣ_ፕላስ